පීපල්ස් ලීසිං ඇන්ඩ් ෆිනෑන්ස් සමාගමේ අනාගත ස්ථාවරත්වය සලකා බැලීමෙන් අනතුරුව Fitch Ratings ආයතනය A+(lka) ශ්‍රේණිගත කිරීම පසුගියදා නැවත වරක් තහවුරු කළ බව නිවේදනයක් නිකුත් කරමින් එම සමාගම කියයි.

පීපල්ස් ලීසිං සමාගම ආයතනික හා මූල්‍ය ස්වභාවය මගින් ජාතික ශ්‍රේණිගත කිරීම් හිමි කරගත් සමාගමකි. ශ්‍රී ලංකාවේ විශාලතම මූල්‍ය හා ලීසිං සමාගමක් ලෙස (FLC) පීපල්ස් ලීසිං සමාගම ස්ථාවර ගනුදෙනුකරණ බලයක් හිමි සමාගමක් වන අතර වසර 2021 මාර්තු 31 අවසානය වන විට එම සමාගම සමස්ත මූල්‍ය හා ලීසිං සමාගම් ක්ෂේත්‍රයෙහි සියයට 12ක වෙළෙඳපොළ කොටසක් හිමිකරගත් සමාගමක්ද වේ.

ගෝලීය වසංගත තත්ත්වය හමුවේ වුවද පසුගිය මූල්‍ය වර්ෂය තුළ පීපල්ස් ලීසිං සමාගම පෙන්නුම් කළ විශිෂ්ට මූල්‍ය ක්‍රියාකාරීත්වය මෙම ශ්‍රේණිගත කිරීම  පිරිනැමීමට ඉවහල්වන්නට ඇත. වසංගත තත්ත්වය යටතේ පසුගිය කාලසීමාව තුළ ආපදා නියාමනයන්ට සහයෝගය දක්වමින් හා ඒවාට අනුකූල වෙමින් නැවත අයකරගැනීම් හා ණය ක්‍රියාවලිය ඉතා ප්‍රශස්ථ මට්ටමකින් පවත්වාගත් සමාගමක් ලෙස පීපල්ස් ලීසිං සමාගම හඳුන්වා දිය හැක.

පීපල්ස් ලීසිං සමාගමේ මූල්‍ය මූලධර්ම සේම ස්ථාපිත උපායමාර්ගයන්වල ඵලදායිතාව ගනුදෙනුකරුවන්ගේ විශ්වාසය සමඟ බැඳුණු ආයතනික කළමනාකාරීත්වයේ දැක්ම තවදුරටත් ශක්තිමත් කිරීමට මෙම ශ්‍රේණිගත කිරීම එම සමාගමට දැඩි රුකුලක් වනු ඇත.