(නිමල කොඩිතුවක්කු)
තම රජයක් තුළ ප්රජාතන්ත්රවාදී අයිතිය උපරිමයෙන් සුරක්ෂා කිරීමට කැපවන බව - විපක්ෂ නායක සජිත් ප්රේමදාස මහතා කොලඹදී පැවසීය.
කුප්රකට ක්රමෝපායන් උපයෝගී කර ගෙන මැතිවරණ කල් දමන සංස්කෘතියට තිත තබා සිවිල් හා දේශපාලන අයිතිවාසිකම් ශක්තිමත් කරමින් කලට වේලාවට ජනතාවට ඡන්ද බලය දී ප්රජාතන්ත්රවාදී අයිතීන් සුරක්ෂා කරන බවත් විපක්ෂනායකවරයා සඳහන් කළේය.
ආර්ථික, සමාජීය, සංස්කෘතික, ආගමික, අධ්යාපනික හා සෞඛ්ය අයිතිවාසිකම් ද රටේ මූලික අයිතිවාසිකම් බවට පත් කරන නව ව්යවස්ථාවකට මුල පුරන බවත් විපක්ෂ නායක සජිත් ප්රේමදාස මහතා පැවසීය.
පාර්ලිමේන්තු මන්ත්රී පාඨලී චම්පික රණවක මහතාගේ නායකත්වයෙන් යුත් එක්සත් ජනරජ පෙරමුණ ඉදිරි ජනාධිපතිවරණයේ දී විපක්ෂ නායක සජිත් ප්රේමදාස මහතාට සහය පළ කිරීම සඳහා තලවතුගොඩ ග්රෑන්ඩ් මොනාක් හොටලයේ පැවැති උත්සවයකදී ඔහු මේ බව කීවේය.
කටින් බතල සිට වූ කාලය සමගි ජන බලවේගය වෙනස් කරමින් බලයක් නොමැතිව විපක්ෂයේ සිට සක්වල හා හුස්ම වැඩසටහන තුළින් වැඩක් කර පෙන්වා ඇති බවත් ප්රේමදාස මහතා සඳහන් කළේය.
තමන් ජනාධිපතිවරණය ජයග්රහණය කළ දින සිට නොනිදන සංවර්ධනක් කරා රට මෙහෙයවන බවත් විපක්ෂ නායකවරයා පැවසීය.
ඉදිරියේ ක්රියාත්මක රාජ්ය පාලනය හිතවත්කම් වෙනුවට විද්යාත්මක කුසලතාව කේන්ද්ර කර ගත් දක්ෂයන් කණ්ඩායමකට භාර දෙන බවත් ඔහු සඳහන් කළේය.
මහජන නියෝජිතයන්, විෂය කේන්ද්රීය විශේෂඥයන් සහ රාජ්ය නිලධාරින් එකතු කර ගනිමින් කාර්යක්ෂම සුහුරු රටක් බිහිකරන බවත් විපක්ෂ නායකවරයා පැවසීය.
සමගි ජන බලවේගය අනුගමනය කරන සමාජ ප්රජාතන්ත්රවාදී ක්රමය තුළ ධනය උත්පාදනය කරන්න මානුෂීය ධනවාදයේ සාධනීය ප්රතිපත්ති උපයෝගී කර ගන්නා බවත් ඔහු සඳහන් කළේය.
එසේ නිර්මාණය වන ධනය ජන සමාජයේ සාධාරණ ලෙස බෙදී යාමට සමාජ ප්රජාතන්ත්රවාදී ප්රතිපත්ති අවශ්ය බවත් විපක්ෂ නායකවරයා පැවසීය.
රටක ආර්ථික එංජිම වන පෞද්ගලික ව්යවසායකට මුල්තැන ලබා දී නව ව්යවසායන් මිලියනයක් බිහි කිරීම අරමුණු බවත් ඒ සඳහා වන ජාතික ආර්ථික සැලසුමකට මුල පුරන බවත් ප්රේමදාස මහතා කීවේය.
පළාත් නමයේ සියලු ප්රාදේශීය ලේකම් බල ප්රදේශවල නිෂ්පාදන කර්මාන්තය වැඩි දියුනු කරන දැවැන්ත කර්මාන්ත ප්රතිපත්තියකට යන බවත් විපක්ෂ නායකවරයා පැවසීය.
නව අංශවලින් රටට ලබා ගත හැකි ජයග්රහණ ලබා ගැනීමට මුළු රාජය ක්ෂේත්රයම සවිබල ගැන්විය යුතු බවත් තොරතුරු තාක්ෂණය ප්රවර්ධනය උදෙසා විශේෂ වැඩසටහනක් ක්රියාත්මක කරන බවත් ඔහු සඳහන් කළේය.
පෙර පාසල් පද්ධතියේ සිට ප්රාථමික අධ්යාපනයේ සිට එය ආරම්භ කර තොරතුරු තාක්ෂණ විද්වතුන් බිහි කරන කේන්ද්රස්ථානයක් බවට රට පත් කළ යුතු බවත් විපක්ෂ නායකවරයා පැවසීය.
රටෙන් අඩක් දුප්පතුන් බවට පත්ව ඇති බවත් නිවසේ ආහාර හා ආහාර නොවන වියදම් සපුරා ගත නොහැකිව මහා පීඩනයකට ලක්ව ඇති බවත් ප්රේමදාස මහතා කීවේය.
එවැනි තත්ත්වයක් තුළ පැහැදිලි කාල වකවානු සහිත දුප්පත්කම තුරන් කිරීමේ සාර්ථක වැඩසටහනක් රටට ලබා දෙන බවත් ඒ යටතේ ඉතිරි කිරීම ආයෝජනය නිෂ්පාදනය අපනයනය ආදී ප්රධාන ගුණාංගවලින් සමන්විත වැඩසටහනක් කරා යන බවත් විපක්ෂ නායකවරයා පැවසීය.
රටේ සම්පත් හොරා කෑ අය නිදැල්ලේ සිටින බවත් ඔවුන් ආරක්ෂා කිරීමට වත්මන් ජනාධිපති කටයුතු කරන බවත් ඔහු සඳහන් කළේය.
රටේ සම්පත් සොරා කන දුෂණය වංචාව සිදු කරන අය නීතියේ රැහැනට හසුකර ඔවුන් සොරා කෑ දේපල නැවත රටට ලබා ගැනීමට කටයුතු කරන බවත් ජනතාවට වගවෙන වගකියන විනිවිදභාවයෙන් යුක්ත රාජ්ය පාලනයක් ක්රියාත්මක කරන බවත් විපක්ෂ නායකවරයා තවදුරටත් කීවේය.
එක්සත් ජනරජ පෙරමුණේ නායක පාර්ලිමේන්තු මන්ත්රී පාඨලී චම්පික රණවක මහතා ඇතුලු පිරිසක්ද මෙහිදී අදහස් දැක්වීය.
පහ වසර ශිෂ්යත්ව විභාගය ප්රශ්න තුනක් කලින් පිට කිරිම සම්බන්ධයෙන් අත් අඩංගුවට ගත් ජාතික අධ්යාපන ආයතනයේ සැලසුම් හා මෙහෙයුම් අධ්යක්ෂවරයා ලබන 7 වැනි ද
ශ්රී ලංකාවේ නවවැනි විධායක ජනාධිපතිවරයා ලෙස අභිනවයෙන් තේරි පත්වූ අනුර කුමාර දිසානායක මහතාට සිය සුබපැතුම් පළ කරන බව පාර්ලිමේන්තුවේ කතානායක මහින්ද ය
ශ්රී ලංකාවේ නවවැනි විධායක ජනාධිපතිවරයා ලෙස අනුර කුමාර දිසානායක මහතා තේරී පත්වීමත් සමග ශ්රී ලංකාව සහ චීනය අතර සබඳතා තවත් ශක්තිමත් වනු ඇති බවට චීන විශ
නව ජනපති අනුර කුමාර දිසානායක මහතා දිවුරුම් දිමෙන් අනතුරුව මහනුවරට ගොස් දළදා සමිදුන් වැද පුදා ගත්තේය.
ශ්රී ලංකාවේ ජනාධිපතිවරණය ඉතාමත් සාමකාමී බවත්, ඡන්දය ප්රකාශ කිරීම, ගණන් කිරීම, ප්රතිඵල නිකුත් කිරීම සහ සිදුවුණු බලහුවමාරුව ඉතාමත් සාමකාමී අයුරින්
පශ්චාත් මැතිවරණ සමයේදී කිසිදු පැමිණිල්ලක් මේ දක්වා වාර්තා වී නොමැති බව මැතිවරණ නිරීක්ෂණ සංවිධාන පවසති.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ප්රජාතන්ත්රවාදය රකින්න උපරිමයෙන් කැපවෙනවා
pradeep Thursday, 15 August 2024 05:06 PM
ඔහේ දොඩවනවා. මේ වගේ විහිළු කාරයෙක්ට රට ගියොත් දෙයියන්ගේම පිහිටයි.
අරවින්ද මොනරවිල Thursday, 15 August 2024 06:48 PM
එතකොට ඉස්කෝල වලට බස් බෙදන්න වෙන්නේ අපිටද?
sam Thursday, 15 August 2024 07:54 PM
මහබැංකුවේ තිබෙන බිලියන 5 වියදම් නොකර හෝ මුදල් නැවත print නොකර රටේ ආර්ථිකය ශක්තිමත් කරන වැඩපිළිවෙලක් සජිත් රටට පැහැදිලි කර නැත. ඔහු ජනධිපති වුවහොත් සිදුවන්නේ ඉන්ධන මිල අඩුකිරීම, tax අඩුකිරීම සහ වෙනත් සුබසාධන කටයුතු සහ සහන සහ නොමිලයේ ලබාදීම යැපුම් මානසිකත්වය වේගවත් කිරීම වේ. එයින් සිදුවන්නේ මේ වනවිට වර්ධනය වෙමින් පවතින ආර්ථිකය වේගවත් කඩාවැටීමකට ලක්විම වේ...