ප්‍රතිකාරවලට එහා ගිය මීගලෑව රෝහල

(අතුල බණ්ඩාර නෙළුම්පත්ගම)

රෝගීන්ගේ මානසික සුවය මෙන්ම රෝහලේ සුබ සාදන කටයුතු සඳහා ද ආර්ථිකමය අතින් සෙත සැලසෙන අයුරින් මුළු රෝහල් භූමියම වගා කටයුතු සඳහා යොදා ගනිමින් රාජකාරියට අමතරව රෝහලේ සංවර්ධනයට වෙහෙස මහන්සිය දරන වෛද්‍යවරුන් සහ සේවක සේවිකාවන් පිරිසක් මීගලෑව ප්‍රාදේශීය රෝහලේ දී අපට හමු විය.

මීගලෑව ප්‍රාදේශීය රෝහලේ ස්ථාන භාර වෛද්‍ය නිලධාරී මහින්ද උයන්ගොඩ මහතාගේ උපදෙස් පරිදි වෛද්‍ය දිලිනී අබේවර්ධන, වෛද්‍ය චමීකා වික්‍රමසිංහ ඇතුළු අනෙකුත් වෛද්‍යවරුන් ද හෙද හෙදියන් සහ රෝහලේ සෙසු කාර්ය මණ්ඩලයේ සියලු දෙනාගේ ද සහයෝගය ඇතිව ඔවුහු මෙම වගාවල නියැලෙති.

රෝහල් භූමියට ඇතුළු වන සියලු දෙනාගේ ගත සිත සනහාලමින් සොබා දහමට නැවුම් අත්වැලක් සපයමින් ඔවුන් මෙම භූමියේ පතෝල, තක්කාලි, රාබු, බීට්, බණ්ඩක්කා, කෙසෙල්, මිරිස්, මෑ ආදී වගා රැසක් සිදු කර තිබේ.

රාජකාරියට අමතරව ලැබෙන සෑම විවේක අවස්ථාවකදීම වගා කටයුතුවල ඵලදායිතාව වෙනුවෙන් කැපවීමට මෙහි සියලු සේවක සේවිකාවෝ කටයුතු කරති.

අනුරාධපුර දිස්ත්‍රික්කයත් කුරුණෑගල දිස්ත්‍රික්කයත් යා කරන මායිමේ කුරුණෑගල දිස්ත්‍රික්කයට අයත් වයඹ පළාතේ මෙම රෝහල පිහිටා තිබේ.

අදහස් (6)

ප්‍රතිකාරවලට එහා ගිය මීගලෑව රෝහල

Nimal Tuesday, 22 October 2024 08:15 AM

සුපිරි වැඩක්

: 0 1

Nimantha Tuesday, 22 October 2024 08:32 AM

මෙවන් ආදර්ශමත් උතුම් ක්‍රියා නිරන්තර අගැයීමට ලක් කළ යුතුයි . මේ වෙනුවෙන් ජනමාධ්‍ය කරන මේ අනුග්‍රහය ද අගය කළ යුතුයි . මෙවිට සමාජය තුළ මෙවන් යහ ක්‍රියාවන්ට උද්දීපනයක් ඇති වේවි .

: 0 0

Udeshika Tuesday, 22 October 2024 10:40 AM

ඒකට සමහර දොස්තරවරු. සල්ලි කිවුවොත් පැලෙයි.

: 0 3

Senarath Tuesday, 22 October 2024 12:29 PM

ඉතාම හොඳ වැඩක්.... වගාව පුරුද්දක් කර ගත්තාම එකෙන් ලැබෙන මුදල් ප්‍රතිලාභ වලට මනසට ලැබෙන ප්‍රතිලාභ වැඩියි

: 0 12

Mahinda Tuesday, 22 October 2024 09:25 PM

ස්ථාන භාර වෛද්‍යවරුන් කුඩා කාලයේ සිට ඔය කටයුතු කරන්න ඇති. එහෙම අයට ඒ පුරුදු අත්හරින්න බැහැ. අනෙක් කටයුතු අඩු වෙලාවට වගා සංග්‍රාමය කරනවා. එයින් ඔවුන්ගේ සිත් නිරෝගිමත් වෙලා ගතත් නිරෝගිමත් වෙනවා. රටටත් සෙතක් වෙනවා.

: 0 4

Janaka Wednesday, 23 October 2024 09:01 AM

මහින්ද උයන්ගොඩ සර් කියන්නේ හරිම නිහතමානී ඩොක්ටර් කෙනෙක් . එයා එක්ක කතා කලත් අසනීප සුව වෙනවා මිනිස්සුන්ගේ .අපේ රෝහලට වාසනාවට ලැබුනේ වෛද්‍යවරයෙක්

: 0 1

ඔබේ අදහස් එවන්න

දියත

ඉතිහාසය අලුත් කර IPL යන ළාබාලම සූරයා

2024 නොවැම්බර් මස 25 2271 0

ඉන්දීය ප්‍රිමියර් ලීග් (අයි.පී.එල්) ඉතිහාසයේ කණ්ඩායමක් සමග ගිවිසුමක් අත්සන් කළ ළාබාලතම ක්‍රීඩකයා වීමට බිහාර් ප්‍රාන්තයේ 13 හැවිරිදි වෛභව් සූර්යවංශි සම

මහඉලුප්පල්ලම නගරයට වන අලියෙකු කඩා වදියි

2024 නොවැම්බර් මස 25 657 0

මහ ඉලුප්පල්ලම නගරය හා ඒ අවට ප්‍රෙද්ශයට කාලාන්තරයක් තිස්සේ එල්ලව ඇති වන අලි තර්ජනය වඩාත් තීව්‍ර කරමින් මහඉලුප්පල්ලම නගරයට අද (25) රාත්‍රී 7.00ට පමණ කඩා වැදු

රනිල් ඉන්දියාවේ දෙසුමක

2024 නොවැම්බර් මස 25 1120 2

හිටපු ජනාධිපති රනිල් වික්‍රමසිංහ මහතා ඉන්දියාවේ මධ්‍ය ප්‍රදේශ් හි ඉන්දෝර් (Indore) හි ශ්‍රී සත්‍යා ශ්‍රී විද්‍යා විහාර් උසස් අධ්‍යාපන ආයතනයේ විශේෂිත දෙස

කුවේට් ලාංකික සිරකරුවන් 32ක් කටුනායකට

2024 නොවැම්බර් මස 25 977 0

කුවේට් රාජ්‍යය සහ ශ්‍රී ලංකාව අතර 2007 වසරේ අත්සන් තබා ඇති සිරකරුවන් හුවමාරු කිරීමේ ගිවිසුම යටතේ , එරට මධ්‍යම බන්ධනාගාරයේ (Central Jail of Kuwait) මත්ද්‍රව්‍ය චෝදනාවලට

චීන දූත පිරිසක් ජනපති හමුවෙයි

2024 නොවැම්බර් මස 25 705 0

චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුවේ (IDCPC) උප ඇමති සුන් හයියැන් (Sun Haiyan) මහත්මිය ප්‍රමුඛ චින දූත පිරිස අද (25) ජනාධිපති කාර්ය

අර්ජුන ඇලෝසියස්ට තවත් නඩුවක්

2024 නොවැම්බර් මස 25 2154 0

බදු ගෙවීම පැහැර හැරීම සම්බන්ධයෙන් මාස හයක සිර දඬුවම් විඳින මෙන්ඩිස් සමාගමේ අධ්‍යක්ෂ අර්ජුන ඇලෝසියස් සැකකරු ප්‍රවෘත්ති පත්‍රයක් මුද්‍රණය කිරීම සඳහා