(ක.ග .කරුණාරත්න සහ චාපා මධුභාෂිණි) 

පොලොන්නරුව දිස්ත්‍රික්කයේ  ප්‍රධාන ජලාශ යටතේ වී වගා කෙරෙන   කුඹුරු අක්කර ලක්ෂයකට ආසන්න ප්‍රමාණයකට මාස් කන්නයේ වගාව සඳහා ජලය නිකුත් කිරීම අද දින ආරම්භ කළ බව වාරිමාර්ග දෙපාර්තමේන්තුව කියයි.

පරාක්‍රම සමුද්‍රය, මින්නේරිය, ගිරිතලේ සහ කවුඩුල්ල යන ජලාශවල ජලය නිකුත් කළ බව පොලොන්නරුව කලාප බාර වාරි මාර්ග අධ්‍යක්ෂ එල්.එම්.ඩබ්ලිව්.රත්නසිරි මහතා පවසයි. 
මේ වනවිට එම සියලූම  ජලාශවල ජලය සියයට 80ක් ඉක්මවන පවතින බවද ඒ මහතා කීය. 

රාජ්‍ය නිළධාරීන්ගේ ඒකඟතාවය මත දිස්ත්‍රීක්කයේම සියළු ජලාශයන්හි ජලය නිකුත් කිරීම අදට යොදා ගත්තත් ගොවීන් සතුටින් වගා බිමට බහින්න සූදානමක් නොමැති බව පැවැසීය.

මේ වන තුරුත් බොහෝ ඇළ මාර්ග සුද්ද පවිත්‍ර කර නොමැති බවත් කන්නයක් ආරම්භ වෙනකොට දොරවල් අගල් 18 පමණ විවෘත කරන නමුත් මෙවර දොරවල් විවෘත කළේ අගල් 8 පමණක් බව ද ගොවිහු පෙන්වා දුන්හ. මේ ආකාරයට දින ගණනාවක් ගොවීන් ඇලවේදී සුද්ද පවිත්‍ර කරන ආකාරය නිරික්ෂණය කර වගා සඳහා සූදානම් නොවුනහොත් නැවත දොරවල් වසා දමන ලෙස අපි වාරි මාර්ගයෙන් ඉල්ලීමක් කරන්න බව ද ගොවිහු මෙහිදී කියා සිටියේය.

වෙනදා දියවර නිකුත් කරන අවස්ථාවේ විවිධ පුද පූජා සිදු කළ ද මෙවර එවැනි කිසිදු චාර්ත්‍රයක් ඉටු නොකරනු ලැබීය.

(ඡායාරූප: ක.ග .කරුණාරත්න)

(ඡායාරූප: චාපා මධුභාෂිණි)