'

(ශ්‍රීනාත් ප්‍රසන්න ජයසූරිය සහ සුමිත් පොතුපිටිය)

බීමත්ව ත්‍රිරෝද රථයක් පැද වූ බව කියමින් එහි රියදුරා සැකපිට අත්අඩංගුවට ගත් අවස්ථාවේ ඊට උරණ වී අත්අඩංගුවට ගැනීම සිදු කළ පොලිස් කොස්තාපල් වරයාට මන්නා පිහියකින් පහර දී තුවාල සිදු කළේ යැයි කියන එම ත්‍රිරෝද රථයේ අයිතිකරු අලුබෝමුල්ල පොලිසිය   සැකපිට අත්අඩංගුවට ගෙන ඇත.

තුවාල ලැබූ අලුබෝමුල්ල පොලිසියේ රථවාහන අංශයේ රාජකාරි කරන පොලිස් කොස්තාපල්වරයා පානදුර රෝහලට ඇතුළත්ව ප්‍රතිකාර ලබමින් පසු වේ.

අලුබෝමුල්ල පොලිසියේ රථවාහන අංශයේ සැරයන්වරයකු සහ පොලිස් කොස්තාපල්වරයකු මිරිස්වත්ත ප්‍රදේශයේ රාත්‍රියේ රථවාහන රාජකාරියේ නිරතව සිටියදී බීමතින් ත්‍රීරෝද රථයක් පැදවූ බව කියන එහි රියදුරා  සැකපිට අත්අඩංගුවට ගෙන ඇතැයි ප්‍රදේශයේ උසස් පොලිස්  නිලධාරියෙක් ලංකාදීපයට පැවැසීය.

පොලිස් භාරයට ගත් ත්‍රිරෝද රථය  පොලිස් කොස්තාපල් විසින් පොලිස් ස්ථානයට රැගෙන එමින් සිටි අතරවාරයේ මේ බව දැනගත් ත්‍රිරෝද රථයේ හිමිකරු මන්නා පිහියක්ද රැගෙන පැමිණ පොලිස් කොස්තාපල්වරයාට එයින් කොට ඇතැයි පොලිසිය පවසයි.

පොලිස් කොස්තාපල්වරයා එම මනා පිහිපාර වළක්වා ගැනීමට උත්සාහ කිරීමේදී ඔහුගේ එක් අතක ඇඟිලි දෙකකට තුවාල සිදුවී ඇතැයි ද එම උසස් පොලිස් නිලධාරියා කීය.

ත්‍රිරෝද රී රෝද රථයේ අයිතිකරු පළා ගිය අතර පසුව ඔහුව සැකපිට අත්අඩංගුවට ගෙන ඇත.