(සමන් පාලිත නානායක්කාර)

නාය යාමේ අවදානම් තත්ත්වයක් මතුවීම හේතුවෙන් ලුණුගල සහ පස්සර ප්‍රාදේශීය ලේකම් කොට්ඨාස දෙකෙහි පවුල් හැට හතක පුද්ගලයන් දෙනකු අද 30 සවස සිය පදිංචි ස්ථානවලින් වාහාම ඉවත් කළ බව ආපදා කළමනාකරන මධ්‍යස්ථානය පැවසීය.

ලුණුගල ඩුමෝ කොටසේ ‍‍ගල්ලුල්ල ප්‍රදේශයේ නායයාමේ අවදානමක් හේතුවෙන් අවදානම් කලාපයේ පදිංචි පවුල් හතළිස් නමයක පුද්ගලයින් එකසිය පනස් එක් දෙනකු වහාම ඉවත් කළ බව ලුණුගල ප්‍රාදේශීය ලේකම් නිරෝෂා හෙන්නායක මහත්මිය කීවාය.

මෙසේ ඉවත් කළ පවුල් වල සාමාජිකයින් ගල්ලුල්ල දෙමළ මහා විද්‍යාලයේ රඳවා තිබේ.

මේ අතර පස්සර කනවරැල්ල පවුල් දහ අටක පුද්ගලයින් 51 දෙනකු ඉවත් කළ බවත් ඔවුන් පස්සර අංක 03 දෙමළ මහා විදුහලේ කඳවුරක රඳවා ඇති බවත් ප්‍රාදේශීය ලේකම් කාර්යාලය පැවසීය.

මෙම කදවුරු දෙකේම පුද්ගලයන් සඳහා අද රාත්‍රියේ සිටම පිසූ අහාර ලබාදීමේ කටයුතු ආරම්භ කර ඇති බවද ආපදා සහන නිලධාරීහු පැවසුහ.