"ජනාධිපති රනිල් වික්‍රමසිංහ මහතා එදා යහපාලන ආණ්ඩුවේ අගමැති ලෙස සිටියදී කෝටි 9990 ක මහ බැංකු මහා කොල්ලයට චෝදනා ලැබුවා. පොහොට්ටු පක්‍ෂයේ නායකයන් ඒ චෝදනාව ජනගත කළා. ජනතාව එය පිළිගත්තා. 2019 මහ මැතිවරණයෙන් එජාපයේ අන්ත පරාජයට ප්‍රධාන සාධකය වුණේ එය යැයි සමගි ජනබලවේගයේ මාතර දිස්ත්‍රික් සංවිධායක කුමාරසිරි හෙට්ටිගේ මහතා පැවැසීය.

ඒ මහතා එසේ පැවැසුවේ ඉදිරි ජනපතිවරණයේදී විපක්ෂ නායක සජිත් ප්‍රේමදාස මහතාගේ ජය තහවුරු කිරීම වෙනුවෙන් දෙනියාය කොටපොළ ගල්දොලදී පැවැති ජන හමුවක් අමතිමින්

එහිදී අදහස් දැක් වූ කුමාරසිරි හෙට්ටිගේ මහතා මෙසේ ද කීය.

මහ බැංකු හොරා ලෙස පොහොට්ටුවේ පිරිස එදා චෝදනා කළ රනිල් මහත්තය පසුව පාර්ලිමේන්තුවේ ඡන්ද 134 න් ජනාධිපති කළා. දැන් එය පොහොට්ටු පක්ෂයට පාරාවළල්ලක් වෙලා . පක්‍ෂය සුනුවිසුනු වෙලා ."

අද වන විට පොහොට්ටුවේ සාමාජිකයන්ට යන එන මං නෑ. ප්‍රතිපත්තිගරුක දේශපාලනය නැති තැන සිදුවන්නේ විනාශයක්. ඒ අයට ලජ්ජා බයක් නෑ .

අපට මේ අප්‍රසන්න ජරාජීර්ණ දේශපාලනය වෙනස් කරන්න කාලය ඇවිත්. එය කරන්න පුළුවන් එකම නායකයා ලෙස බහුතර පොදු ජනයා විශ්වාසය තබා ඇති සජිත් ප්‍රේමදාස මහතායි . ඔහු දුෂණයෙන් තොර සංවේදී නායකයෙක් . අපි ඔහුට ඉදිරි ජනාධිපතිවරණයෙන් රට බාර දෙමු . දෙනියාය සජබ සංවිධායක කේ .ටි .මහින්දරත්න කතා ඇතුළු කිහිප දෙනෙක් කතා කළහ .

මෙම අවස්ථාවේදී දෙනියාය ශ්‍රී ලංකා නිදහස් පක්ෂ ප්‍රධාන සංවිධායක අනිල් වීරමන් මහතා සජබ යට සහාය පළකිරීමට එක් වීම විශේෂ සිද්ධියක් විය .