පිළිකාවෙන් මියගිය දියණියගේ දේහය පන්සලේ තබයි

(බුද්ධික කුමාරසිරි)

හිසෙහි ඇති වූ පිළිකා රෝගී තත්වයකින් මිය ගිය 15 හැවිරිදි පාසල් දියණියකගේ දේහය තබා ගැනීමට ස්ථානයක් නොමැති වීම හේතුවෙන් දැඩිගමුව මානුංගමුව විහාරස්ථානයේ ධර්ම ශාලාවේ දේහය තැන්පත් කර අවසන් ගෞරව දැක්වීමට අවස්ථාව ලබා දීමට එම විහාරස්ථානය කටයුතු කණ පුවතක් දැඩිගමුව ප්‍රදේශයෙන් වාර්තා වේ.

මොනරාගල ප්‍රදේශයේ පදිංචිකරුවන් වන මිය ගිය පාසල් දැරිය ඇයගේ මව්පියන් සහ සහෝදරියන් දෙදෙනා සමග දැඩිගමුව ප්‍රදේශයේ කුලී නිවසක පදිංචිව සිට ඇති අතර පියා ත්‍රී රෝද රථ රියදුරකු ලෙසත් මව පෞද්ගලික අංශයේ ආයතනයක කම්කරු රැකියාවක නිරතව ඇත.

නවගමුව දැඩිගමුව දේවමිත්ත මහා විද්‍යාලයේ දහය ශ්‍රේණියේ ඉගෙනුම ලැබූ නිපුනි නිසංසලා නමැති දියණිය මාස කිහිපයක් තුලදී හදිසියේ අසනීප තත්වයට පත්වී පිළිකා රෝගී තත්වයක් නිසාවෙන් මෙලෙස මිය ගියේය.

ඇය පදිංචිව සිටි කුලී නිවසේ හිමිකරුවන් දේහය අදාල නිවසේ තැන්පත් නොකරන ලෙස දැනුම්දීම නිසාවෙන් දැඩි අසරණ භාවයට පත්ව සිටි අවස්ථාවේදී මානුංගමුව විහාරස්ථානයේ විහාරාධිකාරී කළුබෝවිටියන සිරිරතන හිමියන් මැදිහත්ව දේහය විහාරස්ථානයේ ධර්ම ශාලාවේ තැන්පත් කර අවසන් ගෞරවය දැක්වීමට අවස්ථාව සලසා දී ඇත.

ඇයගේ දේහය පිළිබදව ආගමික කටයුතු සියල්ල අද (28) දින විහාරස්ථානයේ දී සිදු කර අවසන් කටයුතු දැඩිගමුව සුසාන භූමියේ දී සිදු කිරීමට නියමිත බවත් ඇයගේ හත් දවසේ දානමය පිංකම ද මානුංගමුව විහාරස්ථානයේ සිදු කිරීමට කටයුතු සංවිධානය කර ඇති බවත් එම විහාරස්ථානයේ විහාරාධිකාරී කළුබෝවිටියන සිරිරතන හිමියන් පැවසූහ.

අදහස් (16)

පිළිකාවෙන් මියගිය දියණියගේ දේහය පන්සලේ තබයි

Perera Tuesday, 27 December 2022 03:53 PM

ගෙදර අයිතිකාරයො මැරෙන්නෙ නැති අමනුශ්යො වර්ගයක් වෙන්න ඇති.

: 1 100

Nimal Rajapakse Tuesday, 27 December 2022 06:57 PM

හරිම ශෝචනීයයි..!

: 0 48

pakeer Tuesday, 27 December 2022 08:36 PM

නිවන් දකින තුරු... මේවගේ කාලකණ්ණි මිනිස්සු ඇති දේශයක නැවත නොඉපදේවා... !

: 2 44

Lal Tuesday, 27 December 2022 09:21 PM

ඒ පදිංචියට කුලියට ගත් නිවසක්... අවමංගල්‍යයට තැනක් නෙවෙයි... කරපු දේ හරි

: 27 1

බෙම්පි Wednesday, 28 December 2022 12:40 AM

පන්සලේ ස්වාමින්වහන්සේට අපගේ ගෞරව නමස්කාරය... මියගිය දුවට නිවන්සුව අත්වේවා.

: 1 24

Jayalath Wednesday, 28 December 2022 05:33 AM

මිනිසුන් නෙවෙයි ජරාබල්ලො

: 1 9

සුසන්ත Wednesday, 28 December 2022 07:21 AM

අසරන පවුලට පිහිටවිම හාමුදුරුවෝ ගත්පියවරට ගොඩාක් පින් ඒ වගෙම පවුලට කවුරුහරි දානපතියෙක් ඉදිරිපත් , වෙලා නිවසක්හදලා⁣, දෙන්න ගොඩාක් පින් සිද්ධ වෙයි.

: 0 20

Sunil gunasiri Wednesday, 28 December 2022 08:34 AM

මෙන්න හාහාමුදුරුවරු .සල්ලි උඩ පීනන අහංකාර හාහාමුදුරුවරු අතර නියම බුද්ධ පුත්‍රයෙක්.වන්දනා වේවා !

: 7 18

ආර් ඒ ඒ උදය ශාන්ත Wednesday, 28 December 2022 08:39 AM

මැරෙන්නෙ නැති එකෙක් ගෙ ගෙදරක කුලියට ඉදල තියෙන්නෙ ..ඔයෙ පුංචි දරුව අපේ ගෙවල් ලග හිටිය නම් මම දේහය අවසාන කටයුතු කරන්නෙ අපේ ගෙදර.... බුදුසරණයි දුවේ... අකල් මරණයක් නොවේවා මින් මතු.

: 1 13

jayasekara Wednesday, 28 December 2022 09:58 AM

ඔබ තුමා ඇත්තටම වචනයෙන්ම මනුශ්ෂයෙක්... තෙරුවන් සරණයි. ඔබටත් ඔබ හැදූ වැඩු ‌දොමාපිය දෙපලටත්...

: 0 8

සමන්ත ජයසුන්දර Wednesday, 28 December 2022 09:58 AM

මිනිස්කම් පිරිහෙමින් පවතින රටක මියගිය දරුවෙකුගේ දේහය පදිංචි නිවසට ගෙනයාමට නිවෙස් හිමියා අවසර නොදීමට තරම් කුරිරුවීම අද රටේ තත්වයයි.

: 0 7

anura Wednesday, 28 December 2022 10:30 AM

ඔබ වහන්සේ කළ මේ ක්‍රියාව බෞද්ධයන්ට පමණක් නොව මුළු ලෝකයටම ආදර්ශයක්. මිත්‍යා දෘෂ්ඨියෙන් වෙළී සිටින බොහෝ දෙනෙකුගේ ඇස් පෑදීමට මෙය හේතුවේ වි.

: 1 30

jr Thursday, 29 December 2022 07:03 AM

මෙන්න හාමුදුරුවරු... ආදර්ශයට ගන්න. සැබෑම බුද්ධ පුත්‍රයන් වහන්සේ නමක්. ඔබ වහන්සේට නිවන ළඟයි. නිරෝගී සුවය සමග දීර්ඝායුෂ ලැබේවා...!

: 2 25

Sp Thursday, 29 December 2022 01:55 PM

ගෙදර අයිතිකාරයව පාර්ලිමෙන්තුවට හොදයි.

: 0 4

P k m d.kumarasiri Friday, 30 December 2022 02:01 PM

ගෙවල් අයිතිකාරයින් නොමැරෙන මිනිසුන් වෙන්න ඇති. තවකෙකුගේ දුකක් නොදකින ගල්වන් මිනිසුන් තවත් බොහෝ ඇති. තමන්ට ඔවැනි තත්වයක් අනිවාර්යයෙන්ම ඇතිවෙන්න ඕනේ. දුවේ ඔබට නිවන් සුව අත්වේවා!

: 0 3

sharm warn Friday, 30 December 2022 02:30 PM

ගෙවල් අයිතිකාරයා මියගියහොත් වළදාන්නේ පාරේ තියලද? එහෙමවත් දෙයක් ඉතුරු වෙයිද දන්නේ නැහැ... මේ වගේ අමනුශ්‍යකම් කරන කොට... ස්වාමීන් වහන්ස, ඔබ වහන්සේ නියම බෞද්ධ පුත්‍රෙයක්... කුලී ගෙවල් කාරයාගේ ණයක්ද කොහේද? උඩින් අදහසක් දාලා තියෙනවා කුලියට ගෙවල් දුන්නේ මිනීපෙට්ටි තියන්න නෙවෙයිලු... එයත් නොමැරෙන කෙනෙක්ද කොහේද?

: 0 2

ඔබේ අදහස් එවන්න

දියත

බයිඩන්ට ඉන්නේ කොහෙද අමතක වෙලා

2024 නොවැම්බර් මස 19 159 0

‘ජී20’ සමුළුවට සහභාගී වීමට බ්‍රසීලයේ රියෝ දි ජිනැයිරෝ බලා යන අතරතුරේ, ඇමෙරිකා ජනාධිපති ජෝ බයිඩන්, ඇමසන් වැසි වනාන්තරය නැරැඹීමට ගියේය.

නීති විරෝධිව රැදී සිටි බංගලාදේශ ජාතිකයින් 8ක් අත්අඩංගුවට

2024 නොවැම්බර් මස 19 49 0

ඉරානයට සහ සෞදි අරාබියට පළා යාමේ අදහසින් , සිය වීසා කාළය ඉක්මවා , නීතිවිරෝධී ලෙස මෙරට රැදී සිටි බංගලදේශ ජාතිකයන් 08 දෙනෙකු , කටුනායක පොලිසියේ දූෂණ මර්දන අං