පාස්පෝට් කන්තෝරුව දිවා රාත්‍රී වැඩ

(යොහාන් භාසුර)

විදේශ ගමන් බලපත්‍ර හිඟය සමඟ ඇතිවූ හදිසි අවශ්‍යතා සඳහා ගමන් බලපත්‍ර නිකුත් කිරීමේ ගැටලුවට ඉතාමත්ම ක්‍රමවත් ආකාරයට විසඳුම් ලැබී ඇති බවත් ආගමන විගමන දෙපාර්තමේන්තුව ඒ සඳහා පත්කර ඇති කමිටුව ඉතාමත් හොඳින් ක්‍රියාත්මක වන බවත් ජනතාව පවසති.

රැකියා, සෞඛ්‍ය, වන්දනා සහ ක්‍රීඩා ඇතුළු වඩාත් සංවේදී අවශ්‍යතා පිළිබඳව අවදානය යොමු කර අයදුම්පත් විශේෂ කමිටුවට යොමු කළ පසු කිසිඳු ප්‍රමාදයකින් තොරව අනුමැතිය දී නියෝජ්‍ය පාලකවරයෙක් වෙත යොමු කරන බවත් ජනතාව සඳහන් කරති.

නියෝජ්‍ය පාලකවරයා එම අයදුම්පත්වලට ප්‍රමාදයකින් තොරව පෞද්ගලිකව අවදානය යොමුකර එක්දින සේවාවටත් කාලය තිබේ නම් අවශ්‍යතාව අනුව දිනයක් දෙන්නේ යැයි පවසන ජනතාව ඉතාමත් ක්‍රමවත්ව විදේශගමන් බලපත්‍ර නිකුත් කිරීම ක්‍රියාත්මක වන බවත්ය.

මාර්ගගත ක්‍රමයට දින වෙන්කිරීමේ ක්‍රමය ද මේ වන විට සාර්ථකව ක්‍රියාත්මක වන අතර දහසකට අධික සංඛ්‍යාවකගේ අයදුම්පත් දිනකට බත්තරමුල්ල ප්‍රධාන කාර්යාලයෙන් පමණක් භාරගන්නා බවත් රටපුරා සෙසු කාර්යාලවලින් ද දිනකට විශාල අයදුම්පත් සංඛ්‍යාවක් භාරගන්නා බවත් එම දෙපාර්තමේන්තුවේ ප්‍රකාශකයෙක් පැවසීය.

දිනයක් සහ වේලාවක් වෙන්කරගත් ජනතාව කිසිඳු බාධාවකින් තොරව එක්දින සේවාව නම් එම ක්‍රමයට ද, එසේ නොවේ නම් සාමාන්‍ය ක්‍රමයට ද, විදේශ ගමන් බලපත්‍ර ගන්නා බව කී එම නිලධාරියා මාර්ගගත ක්‍රමය වඩාත් සාර්ථක වී ඇති බව ද කීය.

අදාල නියෝජ්‍ය පාලකවරයා ඇතුළු එම දෙපාර්තමේන්තුවේ එක්දින සේවාවේ කාර්ය මණ්ඩලයේ බොහෝ දෙනෙක් කාර්යාල දිනවල පෙරවරු 6.00 සිට රාත්‍රී 10.00 දක්වා සේවය කරන බවත් එම දෙපාර්තමේන්තුන තුළ දහසක පමණ සේවක හිඟයක් පැවතීම මෙසේ දීගු කාලයක් සේවය කිරීමට හේතුව බවත් වාර්තා වේ.

අදහස් (18)

පාස්පෝට් කන්තෝරුව දිවා රාත්‍රී වැඩ

ජයනාත් Sunday, 08 December 2024 01:49 PM

ජනතාවගේ දුක හා අවශ්‍යතාව හඳුනාගෙන දිවා රෑ වෙහෙස මහන්සි නොබලා කැපවීමෙන් කටයුතු කරන නිලධාරීන්ට ප්‍රණාමය පුදකරමි.

: 3 125

DonMonday, 09 December 2024 03:25 PM

ආණ්ඩුවක් මාරු කරන්නම වුණා එයාලට ඒක මතක් වෙන්න.

: 1 4

Tharindu Sunday, 08 December 2024 02:52 PM

රන්ජන් ජයලාල් වරප්‍රසාද දීමනා ඉල්ලන්න ආණ්ඩුව කාගේද මතක් කරන්නට කලින් උද්ඝෝෂණ වලට සේවක සේවිකාවන් උසි ගන්වා විරයින් සේ පුරාජේරු කීමට මාධ්‍ය විරයින් වුවද රැකියාව සඳහා කැපවුණු මෙවැනි රාජ්‍ය සේවකයන් අගය කළ යුතුයි. අතිකාල දීමනා ආදිය ඔවුන් ලබා ගත්තත් මහජන සේවය හරි හැටි ඉටු කරන ඔබට ප්‍රණාමය...!

: 1 53

නිර්පාක්ෂික Sunday, 08 December 2024 04:24 PM

ආණ්ඩුව කරන දේවල් නිතරම අසුබවාදීව දකින කුහක මිනිසුන් දැන් මොනවා කියාවිද නොදනිමි.

: 6 46

Nimal Sunday, 08 December 2024 04:55 PM

ජයවේවා... සුපිරියි... එම සේවකයින්ට අපගේ ප්‍රණාමය...!

: 3 36

Che Sunday, 08 December 2024 07:38 PM

ඔය බොරු, ජනවාරි වල බාර දුන්නා මගේ ඇප්ලිකේෂන් එකට පාස්පෝට් එක තවම ලැබුනේ නෑ.

: 25 21

Nalaka YasanthaSunday, 08 December 2024 09:51 PM

ඔබට ඇත්තටම විදේශ ගමන් බලපත්‍රය අවශ්‍ය නම්, ඔබ මාස දොළහක් බලා නොසිටිනු ඇත. දිගු පෝලිමක් ඇත්තේ ඔබ හා සමාන මිනිසුන් නිසාය.

: 5 4

Saman Sunday, 08 December 2024 08:08 PM

පාස්පෝට් කන්තෝරුවේ දුරකථන අංකයට කවුරුවත් ආන්සර් කරන්නේ නෑ.

: 1 5

Athula Sunday, 08 December 2024 08:54 PM

නව රජය පත් වෙනවත් එක්කම කොයි තරම් අර්බුද එකින් එක ආවද ඒවා නිර්මාණය කළ උන් මේවා සේරම දැම්මේ අනුරගේ පිටේ ඒවාට තැලුන ජනතාව දොස් කිව්වෙත් අනුරට.. ඒවා ඉතාම කඩිනමනින් විසඳුන් විසන්දුව ගමන් බොහෝ උන්ට ඒවා අමතකයි දැන් හාල් පොල් හරියට මේවා සේරම මේ ආණ්ඩුව නිර්මාණය කළ ඒවා වගේ තමයි යූටියුබ් ඇවිත් කෑ මොර දෙන වුන් කථා කරන්නේ.

: 3 4

Nalaka Yasantha Sunday, 08 December 2024 09:51 PM

: 4 1

kumara Sunday, 08 December 2024 10:20 PM

ෂෙල් සමාගම ලංකා ගෑස් ගත්ත විට ඔවුන් ලංකාවේ 100% ගෑස් පාලන ගිවිසුමකින් අවු 5-10 වැනි කාලයකට ගත්තා. ගෑස් මිල 150% වැඩි කළා.. ඊට පස්සේ ගෑස් ගොඩබෑම සහ පිරවීම ඇති සියලු පහසුකම් අති දැවන්ත ලෙස පුළුල් කළා. තව අවුරුදු 50 සෑහෙන්න. අන්න ඒ නිසයි දැන් ලිට්‍රෝ ගෑස් බෙදා හැරීම කිසිම බාධාවක් වෙලා නැත්තේ... අන්න ඒ වගේ තමා පාස්පොර්ට් ප්‍රශ්නය විසඳිය යුත්තේ... කාර්යාල යන්ත්‍ර පහසුකම් සැකසිය යුතුයි.. මෙවැනි ධාරිතාව 2-3 ගුණයකින් ආවාත් ලබාදනේන හැකි පරිදි...

: 1 1

de silva Monday, 09 December 2024 07:18 AM

ඔය ආයතනයේ පියන් ගේ පටන් ආගමන විගමන පාලක දක්වා අල්ලසට යටවීම නිසා අද සාමාන්‍ය ක්‍රමයට ජනතාවට විදේශ ගමන් බලපත්‍රයක්වත් නිකුත් කරගන්න බැරි තැනට වැටි ඇති බවත් හිටපු ලොක්ක රිමාන්ඩ් භාරයේ පසුවෙන බවත් සියලුදෙනාම දන්නා කරුණකි , ඔය ඉන්න සේවක ප්‍රමාණය සහ පහසුකම් හොඳටම ඇති , මේ ගොල්ල වැඩ අල කරන්නේ පගා ගහන්න අවශ්‍ය නිසා බව කවුරුත් දන්නවා , මේ හොරුන්ට සුදු හුණු ගන්න එපා .

: 0 9

R.T.sarath Monday, 09 December 2024 07:23 AM

මේ ප්‍රශ්නයට මුල අලුත් ආණ්ඩුව නොවේ , මේකේ සිටින දුෂිත නිලධාරීන් සහ හිටපු දේශපාලුවන් බව නොරහසකි , නමුත් අවම වශයෙන් ලබන වසරේ අප්‍රියෙල් මාසේ ලබන්න ඉස්සෙල්ල මේවා සමනය තත්වයට ගෙන එන එක අලුත් ආණ්ඩුවේ වගකීමක්

: 1 8

Saman Monday, 09 December 2024 07:29 AM

දුරකතනය කතා කරනකොට ඒක ගන්න නම් කවුරුවත් නෑ.

: 1 9

Bunny Preena Monday, 09 December 2024 09:15 AM

ආණ්ඩුවට බනින්න බලාගෙන ඉන්න කට්ටිය ලුණු ඇඹුල් ඇතුව කතා කරන්නට එක මාතෘකාවක් නැතුව යනවා .පව්

: 3 5

Don Monday, 09 December 2024 03:14 PM

මගේ අවුරුදු 10 ඉවරයි. දැන් ඒක අලුත් කරන්න වෙනවා. මේ මාසේ ලංකාවට ආවෙම ඕක අලුත් කරන්න.. ජනවාරි වෙනකන් කොම්පැණියෙන් නිවාඩු අරන් ආවේ. බලමු අලුත් එක ගන්න ගියාම මොනවද වෙන්නේ කියලා..

: 1 1

Saman Monday, 09 December 2024 07:37 PM

දවස් ගණන් පොලිමේ ලැගලා පාස්පෝට් ගන්නවාට වඩා හොඳයි රට නොයා ඉන්න එක. සල්ලිත් ගත්තා නම් ඉල්ලුම් පතත් භාර ගත්තා නම් වේලාවට පාස්පෝට් එක දී ගන්න බැරුව තටමනවා නම් රටට අබසරණ තමයි...!

: 1 2

Duninda Tuesday, 10 December 2024 06:43 AM

මමත් එක්දින සේවාව මාර්ගයෙන් කිසිඳු බාධාවකින් තොරව පාස්පෝට් එක ලබාගත්තෙමි.

: 0 0

ඔබේ අදහස් එවන්න

දියත

ජනපති ලබන මස චීනයට

2024 දෙසැම්බර් මස 21 223 0

ලබන ජනවාරි මාසයේ මැද තමා චීනයේ සංචාරයක යෙදෙන බව ජනාධිපති අනුර කුමාර දිසානායක මහතා පැවසීය.

බසයක් පෙරළී තුනක් මරුට:46ක් රෝහලට

2024 දෙසැම්බර් මස 21 1389 0

හැටන් සිට මහනුවර බලා ධාවනය වූ පෞද්ගලික බස් රථයක් අද (21) මාර්ගයෙන් ඉවතට පැන ප්‍රපාතයකට පෙරළී සිදුවූ අනතුරකින් තිදෙනකු මිය ගොස් ඇති බව හැටන් පොලිසිය පවසය

හිටපු ඇමැති 15 ක් රට ඇතුළේ උඩින් ගිහින්

2024 දෙසැම්බර් මස 21 1737 4

හිටපු ඇමතිවරුන් 15 දෙනකු පසුගිය කාලයේදී විවිධ සංචාර සහ ප්‍රවාහන අවශ්‍යතා සඳහා ශ්‍රී ලංකා ගුවන් හමුදාවේ විවිධ ගුවන් යානා යොදාගෙන තිබූ බව ශ්‍රී ලංකා ග

සහල්වලින් කෝටි 430 ආනයන බදු ආදායමක්

2024 දෙසැම්බර් මස 21 1226 2

සහල් ආනයනය සඳහා ආණ්ඩුව අවසරදී තිබූ කාලය වූ ඊයේ ( 20) මධ්‍යම රාත්‍රි වන විට පෞද්ගලික ආනයනකරුවන් සහල් මෙට්‍රික්ටොන් 67000 ක් මෙරටට ගෙන්වා තිබූ බවත් එම සහල් තොග

තියුණු ආයුධයකින් ඇන දෙදරු පියා මරාදාලා

2024 දෙසැම්බර් මස 21 1080 1

කළුතර , කටුකුරුන්ද ප්‍රදේශයේ නිවසක් තුලදී පපුවට තියුණු ආයුධයකින් පහරදී දෙදරු පියෙකු ඝාතනය කර ඇති බවට ලද තොරතුරක් මත පයාගල පොලිසිය පරීක්ෂණ ආරම්භ කර ති

මුදල් ජාවාරම් 20කට මහ බැංකුවෙන් නඩු

2024 දෙසැම්බර් මස 21 692 1

නීති විරෝධී මූල්‍ය යෝජනා ක්‍රියාත්මක කළ ආයතන 20කට එරෙහිව විමර්ශන ආරම්භ කර ඇතැයි ශ්‍රී ලංකා මහ බැංකුව පවසයි.