(අමිල චින්තක ගමගේ)

ඉදිරියේදී පැවැත්වෙන පළාත් පාලන මැතිවරණය සඳහා සාකච්ඡා කිරීමට ශ්‍රී ලංකා පොදුජන පෙරමුණේ පළාත් පාලන නියෝජිතයෝ පිරිසක්  හමු වූ බව ශ්‍රී ලංකා පොදුජන පෙරමුණේ මහ ලේකම් සාගර කාරියවසම් මහතා පවසයි.

 ඉදිරියේදී පැවැත්වෙන මැතිවරණයයේදී  නාම යෝජනා භාරදීම සම්බන්ධයෙන් මෙහෙදී සාකච්ඡා කළ බව ඔහු සඳහන් කළේය.

මේ වන විට සමහර අපේක්ෂකයන් මියයාම, විදේශගතවීම හා පක්ෂයෙන් ඉවත් වීම වැනි කාරණා ඇතිවී තිබෙන නිසා ඒවාට ගත හැකි විසඳුම් සම්බන්ධවද සාකච්ඡා කළ බව ඔහුු සදහන් කළේය.ලබන මාසයේ පුංචි ඡන්දය පැවැත්වීම සම්බන්ධව ජනාධිපතිවරයා ප්‍රකාශ කර තිබෙන නිසා ඉතා ඉක්මනින්මපොහොට්ටුවේ ප්‍රතිසන්ධාන කටයුතු ආරම්භ කරගෙන ජයග්‍රාහී ලෙස මැතිවරණයට මුහුණ දෙන බවද සාගර කාරියවසම්  මහතා සඳහන් කළේය.