(අංජුල මහික වීරරත්න)

ලබන වසරේ සිට බිත්තර සදහා වැට් බද්දක් පැනවීමට රජය කටයුතු කරන බවටත් මේ නිසා බිත්තර මිල ඉහළ යා හැකි බවටත්  බිත්තර නිෂ්පාදකයින්ගේ සංගමයක් යැයි කියා ගන්නා එක්තරා සංගමයක් මාධ්‍ය වෙත නිකුත් කර ඇති නිවේදනයක් සම්බන්ධව අවධානය යොමු වී ඇතැයි කෘෂිකර්ම හා වැවිලි කර්මාන්ත අමාත්‍යාංශය පවසයි.

බිත්තර සඳහා  ලබන වසරේ සිට නොව මේ වන විටත් සියයට 18ක බද්දක් අය කරනු ලබන බවත්  මෙම වැට් ප්‍රමාණය කිසිසේත්ම ලබන වසරේ තවදුරටත්  ඉහල දැමීමට  සූදානමක් නැති බවත් කෘෂිකර්ම අමාත්‍යාංශය පවසයි.

පසුගිය වර්ෂයේ දී මෙරට දෛනික බිත්තර  පරිභෝජනය බිත්තර මිලියන 7ක් වුවද, මෙම වර්ෂයේ දෛනික බිත්තර පරිභෝජනය සියයට 15කින් ඉහළ ගොස් ඇතැයි ද අමාත්‍යාංශය කියයි.

දැනට ලංකාවේ  දෛනික බිත්තර අවශ්‍යතාවය බිත්තර මිලියන 8.5 දක්වා ඉහළ ගොස් ඇත.