(මහින්ද නිශ්ශංක)

බිත්තර තොග සඟවන්නන්ට එරෙහිව නීතිමය පියවර දැඩි කිරීමට කටයුතු කරන බව පාරිභෝගික කටයුතු පිළිබඳ අධිකාරිය පවසයි.

ඒ අනුව බිත්තර තොග සඟවන්නන්ට එරෙහිව සිදු කරන වැටලීම් වැඩි කරන බව ද පාරිභෝගික අධිකාරියේ උසස් නිලධාරියෙක් පැවසීය.

විශේෂයෙන් වෙළෙඳ පොළට බිත්තර සැපයීම සීමා කිරීමක් හෝ බිත්තර තොග නිකුත් කිරීම සීමා කිරීමක් හෝ කරන්නේ නම් ඔහුන්ට විරුද්ධ නීතිමය පියවර ගැනීමටත් ඒ පිළිබඳව සොයා බලන ලෙස පාරිභෝගික කටයුතු පිළිබඳ අධිකාරියේ විමර්ශන නිලධාරීන්ට උපදෙස් ලබා දී ඇති බවත් ඔහු වැඩි දුරටත් සඳහන් කළහ.

මේ අතර පසුගිය දිනවල රුපියල් 28,35 අතර අලෙවි කළ බිත්තරයක සිල්ලර මිල මේ වනවිට රුපියල් 40,45 දක්වා ඉහළ ගොස් ඇතැයි පාරිභෝගිකයෝ පවසති.