2025 අප්‍රේල් මස 27 වන ඉරිදා
(මනෝප්‍රිය ගුණසේකර)
වැලිකඩ බන්ධනාගාරයේ රඳවා සිටි රැඳවියන් සමුහ ඝාතන කිරීමේ නඩුවේ තුන් වැනි විත්තිකාර බන්ධනාගාර බුද්ධි අංශයේ ප්‍රධානියා වශයෙන් කටයුතු කළ සහකාර බන්ධනාගාර අධිකාරී ඉන්දික සම්පත් මහතා සියලුම චෝදනා වලින් නිදොස් කොට නිදහස් කිරීමට වැලිකඩ බන්ධනාගාරයේ රඳවා සිටි රැඳවියන් සමුහ ඝාතන කිරීමේ නඩුව විභාග කරන විශේෂ ත්‍රිපුද්ගල මහාධිකරණ විනිසුරු මඩුල්ල අද (15) නියම කළේය.
විත්තිකාර ඉන්දික සම්පත් මහතාට එරෙහිව කිසිදු සාක්කියක් ඉදිරිපත් වී නොමැති හෙයින් ඔහුට එරෙහිව පියවර නොගන්නා බව පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් ඩිලාන් රත්නායක මහතා කළ ඉල්ලීමක් ඒකමතිව පිළිගත් ත්‍රිපුද්ගල මහාධිකරණ විනිසුරු මඬුල්ල සියලුම චෝදනා වලින් ඔහු නිදොස් කොට නිදහස් කිරීමට නියම කළේය.
මෙම නඩුවේ සාක්කි විමසීම ආරම්භ කිරීමටත් මත්තෙන් රටින් පිටව ගොස් සිටීම හේතුවෙන් ඔහු නොමැතිව සාක්කි විභාග කළ අතර සාක්කි විභාගය අතරතුර පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් ඩිලාන් රත්නායක මහතා කළ ඉල්ලීමක් පිළිගනිමින් විනිසුරු මඩුල්ල අදාළ නියෝගය නිකුත් කළේය.
මෙම නඩුව මහාධිකරණ විනිසුරු ගිහාන් කුලතුංග (සභාපති) ප්‍රදීප් හෙට්ටිආරච්චි සහ මංජුල තිලකරත්න මහත්වරුන්ගෙන් සමන්විත ත්‍රිපුද්ගල විනිසුරු මඬුල්ලක් හමුවේ කැඳවන ලදී.
නීතීපති, ජනාධිපති නීතීඥ දප්පුල ද ලිවේරා මහතා අගවිනිසුරු ජයන්ත ජයසුරිය මහතාගෙන් ඉල්ලීමකට අනුව අගනිවිනිසුරු ජයන්ත ජයසුරිය මහතා විසින් මෙම නඩුව විභාග කිරීම සඳහා විශේෂ ත්‍රිපුද්ගල මහාධිකරණ විනිසුරු මඩුල්ල පත් කරන ලදී.
2012 නොවැම්බර් මස 10 වැනිදා හෝ ඊට ආසන්න දිනයක වැලිකඩ බන්ධනාගාරයේ දී එහි රඳවා සිටි රැඳවියන් සමුහ ඝාතනය කිරීම ඇතුළු අපරාධ නඩු විධාන සංග්‍රහ පනත යටතේ අධි චෝදනා 33 ක් යටතේ නීතීපතිවරයා විසින් නඩු පවරා ඇත.
මෙම නඩුව කැඳවනු ලැබු අවස්ථාවේදී විත්තිකාර පොලිස් මත්ද්‍රව්‍ය නාශක කාර්යංශයේ පොලිස් පරීක්‍ෂකවරයකු ලෙස සේවය කළ දැනට පොලිස් ක්‍ෂෙත්‍ර බළකා මුලස්ථානයේ රාජකාරි කරන නියෝමාල් රංගජීව සහ එවකට මැගසින් බන්ධනාගාරයේ බන්ධනාගාර අධිකාරීවරයා ලෙස කටයුතු කළ එමිල් රංජන් ළමාහේවා යන මහත්වරුන් අධිකරණයේ පෙනී සිටියහ.
නඩුවේ 3 වැනි විත්තිකාර විත්තිකාර ඉන්දික සම්පත් මහතා පමණක් අධිකරණයට ඉදිරිපත් නොවී සිටීම නිසා ඔහු නොමැතිව නඩුව විභාග කෙරේ.
මෙම නඩුව කැඳවනු ලැබු අවස්ථාවේදී පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් ඩිලාන් රත්නායක මහතා අධිකරණය අමතමින් මෙම නඩුවේ 3 වැනි විත්තිකාර ඉන්දික සම්පත් මහතාට එරෙහිව මේ වනතුරු කිසිදු සාක්කියක් ඉදිරිපත් වී නොමැති හෙයින් ඔහුට එරෙහිව පියවර ගැනීමට අදහස් නැතැයිද ඔහු නිදහස් කිරීමට හැකියාව ඇතැයිද කීය.
විත්තිකරු වෙනුවෙන් පෙනී සිටි නීතීඥ නලින්ද ඉන්ද්‍රතිස්ස මහතා කරුණු ඉදිරිපත් කරමින් පැමිණිල්ලෙන් ඉදිරිපත් කරන කරුණු අනුව තම සේවාදායකයා නිදොස් කොට නිදහස් කරන්නැයි ඉල්ලා සිටියේය.
සියලු කරුණු සළකා බැලු විනිසුරු මඩුල්ල 3 වැනි විත්තිකාර ඉන්දික සම්පත් මහතා සියලුම චෝදනා වලින් ඔහු නිදොස් කොට නිදහස් කිරීමට ඒකමතිකව නියම කළේය.
දළදා දැක්ම පැවති දින දහය තුළදී කසල ටොන් 600ක් සැදැහවතුන් ඉතාමත් අවිධිමත් ලෙස පරිසරයට මුදා හැර ඇති බව මහනුවර මහ නගර සභාවේ ජල කර්මාන්ත ප්‍රධාන ඉංජිනේරු සහ
වසර 16 කට පසුව පැවැත්වූ සිරි දළඳා දැක්ම ලක්ෂ සංඛ්‍යාත සැදැහැවතුන්ගේ බැතිබර සිතින් වන්දනා කර ගැනීමෙන් අද සවස සාර්ථකව අවසන් විය.
දින දහයක් පුරා පැවැති ඓතිහාසික සිරි දළඳා දැක්මේ කාලයේ මහනුවර නගරයට පැමිණී ලක්ෂ දහයකට අධික ජනතාවගේ යටිතල පහසුකම් සලසා දීම වෙනුවෙන් කැපවීමෙන් ක්‍රියා
අධ්‍යනය පොදු සහතික පත්‍ර සාමාන්‍ය පෙළ විභාගයට පෙනී සිට මාස හයක් ගතවීමට පෙර අපොස උසස් පෙළ (2024) විභාගයට ගණිත අංශයෙන් පෙනී සිට ඒ සාමාර්ථ තුනක් ලබා ගැනීමට පා
නුවරඑළියට අද සවස කෙටි කාලයක් තුළ ඇද හැලුනු මහා වර්ෂාවෙන් නුවරඑළිය නගරයේ ස්ථාන රැසක් ජලයෙන් යට විය.
සිය බිරිඳට පීහියෙන් ඇන ඝාතනය කර සිරුර දෙකට කපා බෑණා ලවා ස්ටේට් පුර කුණු ඇලට දැමූ සැකකාර සැමියා සහ බෑණා අත්අඩංගුවට ගත් බව ග්‍රෑන්ඩ්පාස් පොලිසිය කියයි.
2025 අප්‍රේල් මස 18
935
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
561
2
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
බන්ධනාගාර බුද්ධි ලොක්කා සියලු චෝදනා වලින් නිදොස් කොට නිදහස්
රංගේ Wednesday, 15 July 2020 10:19 AM
දැන් සැපයිද? එක රටක්, එක් නීතියක් කොහොමද?
සිරිබිරිස් Wednesday, 15 July 2020 10:24 AM
දැන් ඉතිං අනිවාර්යයෙන් එහෙම වෙන්න එපැයි. සමහර අයට චෝදනාපත්‍ර දෙන්නත් බැහැ. උසාවියට ගෙන්නන්නත් බැහැ.
අතුලThursday, 16 July 2020 02:44 AM
ඔව්... බොරු නඩුවලට පටලවලා දක්ෂ නිලධාරින්ගෙන් පළි ගන්නත් බැහැ. කුඩු, පාතාල ඇතුළු දුසිරිත් මර්ධනය අඩපණ කරන්නත් බැහැ. ඔබතුමාට අවුල්ද?
karu Wednesday, 15 July 2020 10:48 AM
එහෙනම් හෙට, අනිද්දා රංගජීව කියන මිනීමරුවත් නිදහස් වේවි..!!! හැබැයි වෙන ආණ්ඩුවක් ආවොත් ආයෙත් කූඩුවට නොවෙයි ..එල්ලුම් ගස් යන්න බලාගෙන ඉන්න.
maheeWednesday, 15 July 2020 11:41 AM
රංගජීව කියන්නේ ඩ්‍රග්ස් ඒජන්ලාට ඇප නැතිවෙන්න දීපු ඒ හින්දම මරණය ආපු කෙනෙක්...
අතුලWednesday, 15 July 2020 12:09 PM
රංගජීව මහතා වැනි වීරයෙකුට.., අපහාස කරන ඔබ බොහෝවිට කුඩුකාරයකු විය හැකියි.
සමරතුංගWednesday, 15 July 2020 05:03 PM
ලංකාවේ කුඩු ප්‍රශ්නයේ ඇතුලාන්තය දන්නේ නැති පොඩි බබාලා කියන දේවල් දැක්කම හිනාත් යනවා.
suppaWednesday, 15 July 2020 12:24 PM
ආණ්ඩුවක් මාරුවුණු පළියට මිනිස්සුන්ව එල්ලන්න පුළුවන්ද? නඩු අහලා කරුණු හොයලා නෙමෙයිද එල්ලන්නේ...?
BamunuarachchiFriday, 17 July 2020 01:13 PM
එහෙම හිතන ලක්ෂ 55ක්ම මේ රටේ ඉන්නවා.
lankasri Wednesday, 15 July 2020 11:13 AM
බඩුත් හාමුදුරුවන්ගේද? නඩුත් හාමුදුරුවන්ගේද?
අතුලWednesday, 15 July 2020 02:00 PM
"වරදක් කරලා නැත්නම් නීතිය හමුවට යන්න බය වෙන්න ඕනෙ නෑ" කිව්වේ ඔබතුමාලා නේද පහුගිය කාලෙ? පහුගිය යමපාලන ආණ්ඩු කාලෙදි, වත්මන් ජනාධිපතිතුමා ඇතුළු අතිබහුතරයක් රණවිරුවන්ට පටලවපු බොරු නඩු, සාක්ෂි නැතිව වීසි වෙනකොට හිතට අමාරුයි වගේද? ඒ වැරදි නොකරපු අය තමයි අද මේ නිදොස් වෙලා නිදහස් වෙන්නේ.
BamunuarachchiFriday, 17 July 2020 01:12 PM
ඉතින් බඩුයි, නඩුයි යහපාලන අයිතිකාරයින් දාපු නඩු ඇසුවේ ඒගොල්ලෝ පත්කළ විනිසුරුවන් ... ඒ කාලේ දාපු නඩුවලටයි මේ තීන්දු ලැබුණේ. දැන් මොකක්ද ප්‍රශ්නය? ඔයාලා බලාපොරොත්තු වුණු තීන්දුව ලැබෙන්නේ නැතිනම් පවතින ආණ්ඩුව වැරැදිද? මෙහෙමත් මැට්ටෝ තව ලක්ෂ 55ක් ඉන්නවානේ..
දමයන්ති Wednesday, 15 July 2020 11:20 AM
මේක හරි පුදුම රටක්... මිනීමරුවන් වීරයින් කරගෙන වඳින, පුදන රටක්... කොච්චර අපූරුයිද කියනවා නම් තනතුරේ බලතල නිසා චෝදනා පත්‍රයක් බාර දීගන්න බැරිතරම් අපූරුයි..
අතුලThursday, 16 July 2020 02:37 AM
ගැමුණු මහ රජතුමාටත් අපහාස කරන්නේ මුල්සිඳුණු ඔබ ඇතුළු "අලුත් පරපුරේ" උන්දැලා තමයි.
siri Wednesday, 15 July 2020 11:20 AM
ඔන්න ඔහොමනේ නඩු අහන්න ඕනෑ මහත්තයෝ.. අවුරුදු 5ක්ම අද අද ගිය ඒවා දැන් මාස 9න් විසඳෙනවා. හරි සැපයි..
Anura Wednesday, 15 July 2020 12:29 PM
මට නන්දා මාලනීගේ සින්දුවක් මතක් වුණා..
අතුලWednesday, 15 July 2020 01:54 PM
ඔබතුමාට පහුගිය යමපාලන ආණ්ඩු කාලේ ඔය සින්දු මතක් වුණේ නැද්ද?
නවරියන් Wednesday, 15 July 2020 03:53 PM
පොහොට්ටු ලොන්ඩරියේ අය හෝගාලා කමෙන්ට්වල වැඩ පටන් අරන් වගේ.. ඩිස්ලයික් එකකට කීය ගානේ ගෙවනවද දන්නේ නෑ...
අතුලThursday, 16 July 2020 10:16 AM
ඔබතුමන්ලා ගහන මඩ හෝදන්න ලොන්ඩරිකාරයෝත් ඉන්න එපායැ මහත්තයෝ... ගෙවන ගාණ අහන්නේ ඔබතුමන්ලා වගේ මුදලට කැමැති වෙන අය කියලා හිතාගෙන වෙන්න ඇති. අතින් වියදම් කරගෙන මේවා ලියන්නේ නොමග ගිය එක කෙනෙක් හරි දැනුවත් වේවිය කියලා හිතාගෙන. ඔබට නුවණ පහළ වේවා..!!!
අතුල Thursday, 16 July 2020 10:11 AM
මෙම අදහසට අදාළව, පොඩි බබාලා නොදන්න ඔබතුමා දන්නවා යැයි හිතාගෙන ඉන්න දේවල් කියන්න බලන්න... හිනාව නවත්තලා ලොකුමාමේ...