(ශාන්ත චන්ද්‍රසිරි )

තලවකැලේ, ආගරපතන, ඇල්බියන් නිව්ප්‍රෙස්ටන් වත්තේ    වතු කම්කරු කාන්තාවන්   පිරිසකට  බඹරුන් දෂ්ඨ කිරීම හේතුවෙන් ඉන් තුවාල ලැබු 15ක්  ප්‍රතිකාර සඳහා ආගරපතන ප්‍රාදේශීය රෝහලට අද (03) ඇතුලත් කොට තිබේ.

වත්තේ ගසක බැද තිබු බඹර කූඩුවක් කැඩී එහි සිටි බඹරුන් ඇවිස්සී තේ දළු නෙලමින් සිටි වතු කම්කරු කාන්තාවන්  පිරිසකට  මෙසේ  දෂ්ඨ කොට ඇති බවත්, ඔවුන් කඩිනමින් ‌රෝහල් ගත කිරීමට පියවර අවශ්‍ය පියවර ගත් බව   වතු නිලධාරීහු පවසති.

බඹරුන් දෂ්ඨ කිරීම හේතුවෙන්  රෝහලට ඇතුලත් කරන ලද පිරිසෙන් 11ක් ප්‍රතිකාර ලබා පිටව ගිය බවත්, තවත්  තුවාලකරුවන් හතර දෙනෙකු තව දුරටත් රෝහලේ නේවාසිකව ප්‍රතිකාර ලබමින් පසුවන බව ආගරපතන ප්‍රාදේශීය රෝහලේ ප්‍රකාශකයෙකු  පැවැසීය.