බස් නැති අවස්ථාවක ගාස්තු වැඩිකිරීම අසාධාරණයි

(ඩයනා උදයංගනී)

පෞද්ගලික බස්රථවලින් සියයට 90ක් ධාවනය කළ නොහැකිව මගීන් අසීරුතාවට පත්ව සිටින අවස්ථාවක බස් ගාස්තු වැඩිවීම අසාධාරණ බව පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පැවසීය.

රට තුළ ඉන්ධන නොමැති අවස්ථාවක ඉන්ධන මිල වැඩිකළ ආණ්ඩුව බස් ධාවනය නොවන අවස්ථාවක බස් ගාස්තු ද වැඩි කර ඇතැයි කී සභාපතිවරයා මෙවැනි ආණ්ඩුවකින් රටට පලක් නැතැයි ද සඳහන් කළේය.

වර්තමානයේ ක්‍රියාත්මක වන්නේ කොඩිව් වසංගතය පැවති සමයේ ආසන සංඛ්‍යාවට මගීන් ගෙනයාම සඳහා වැඩිකළ බස් ගාස්තුවත් සමඟ වැඩිවූ බස් ගාස්තුවක් බව කී විජේරත්න මහතා දැන් වහලයේ සහ බස් රථ පිටුපස එල්ලී යන මගියාත් ආසන ගාස්තුව ගෙවිය යුතුව ඇතැයි කීවේය.

බස් ගාස්තු වැඩිකිරීමේ ජාතික ප්‍රතිපත්තිය ක්‍රියාත්මකවීමේ වරදක් නැතත් වැඩිවන ගාස්තුව ක්‍රියාත්මකවීම ඉන්ධන ලැබී බස්රථවලින් සියයට 75ක්වත් ධාවනය වීම ආරම්භ වන තුරු කල්දැමීම වඩාත් සුදුසු බව ද හෙතෙම ප්‍රකාශ කළේය.

පවතින තත්වය දෙස බැලීමේදී ඇත්තේ දැඩි කලකිරීමක් බවත්, අවම බස් ගාස්තුව රුපියල් 40ක් දක්වා වැඩිකළ විට බොහෝ මගීන් එම දුර පයින් යාමට පෙළඹීමෙන් බස් කර්මාන්තයට ගැටලු ඇතිවිය හැකි බවත් කී සභාපතිවරයා දැන් තමන්ට ද අරගල භූමියට යාමට සිතී ඇතැයි පැවසීය.

අදහස් (8)

බස් නැති අවස්ථාවක ගාස්තු වැඩිකිරීම අසාධාරණයි

Chinthaka Thursday, 30 June 2022 01:21 PM

පුදුමයි ඒත් ඇත්තයි...!

: 3 30

de silva Thursday, 30 June 2022 01:56 PM

මේ මනුස්සයා කියන කතාව ඇත්ත. රුපියල් 40ක් ගෙවා බස්එකේ සාඩින් පැක්කළා මෙන් යනවට වැඩිය කෙටි දුර පාගමණින් යන එක ඇඟට ගුණයි.

: 3 28

ravin Thursday, 30 June 2022 02:10 PM

මෙයා කොහෙන්ද කතාකරන්නේ? දැන් දවස් කීපයකට ඉස්සෙල්ලා කිව්වා නේද බස්ගාස්තු වැඩිකිරීමට අවශ්‍යයි කියලා. මෙයා ජීවත් වෙනවා කියන්නද මේ හදන්නේ... නැතිනම් කප්පම්ද?

: 2 22

dasthakeer Thursday, 30 June 2022 02:29 PM

දැනටමත් කිලෝමීටර 2 යන්නේ පයින්ම තමයි.

: 0 19

ඔෂාන් Thursday, 30 June 2022 02:47 PM

තෙල් නැති නිසා මමයි, නෝනයි පුතාල දෙන්නයි අවශ්‍යතාවයකට බස්⁣ එකේ 11km ගිහින් ආපස්සට ආවා. ගමන් දෙකටම අපි හතර දෙනාටම 640ක් ගියා. මට වැගන් ආර් එකක් තියෙන්නේ ඒකේ ගියානම් තෙල් ලිටර 1 යි යන්නේ. එහෙනම් මට රුපියල් 450යි යන්නේ. කට්ට කාලා බස් එකේ ගිහිල්ලත් මට 190ක් පාඩුයි. මේ අයගේ බස් ගාස්තු නම් පුදුම අසාධාරණයි. දැන් ආයෙත් වැඩි කරන්න හදනවා.

: 1 23

fairoos Thursday, 30 June 2022 02:57 PM

මේ කාලකණ්ණි ආණ්ඩුව සහ නන්දසේන රටට කළ විනාශය...!

: 7 18

කතාබස් Thursday, 30 June 2022 07:10 PM

මේ විදිහට බස්ගාස්තු වැඩිකිරීම නීති විරෝධියි. කොරෝනා කාලේ සීට් එකට එක මගියා ගානේ යන හේතුව මත බස් ගාස්තු වැඩි කළා. මුලින්ම ඒ වැඩිකළ නීති විරෝධී ගාස්තුව අඩුකර ඉන්පසු සාමාන්‍ය ගාස්තු සංශෝධනයක් කළ යුතුයි. අද බස් එකේ යන අයටත් මේවා අමතකයි. වැඩිකළ ඇමතියත් නෑ.. වංචාව විතරක් අපූරුවට කරගෙන යනවා... වැඩිකරන තරමට ගෙවන බත්කන හරක් ඉන්න රටක වෙන දෙයක් බලාපොරොත්තු වෙන්න බෑ.

: 0 0

sugath Thursday, 30 June 2022 07:26 PM

මෙයා දැන් කොහෙන්ද කතා කරන්නේ?

: 0 0

ඔබේ අදහස් එවන්න

දියත

පානදුර පොදු වැසිකිලියේ මුදල් කොල්ලකෑ සිසුන් හයක් අත්අඩංගුවට

2024 නොවැම්බර් මස 17 523 0

පානදුර මුහුදු වෙරලේ පොදු වැසිකිලියේ සේවකයාගේ මුදල් භාජනය කොල්ලකෑ පාසල් සිසුන් හය දෙනෙකු අත්අඩංගුවට ගත්බව පානදුර දකුණ පොලිසිය පවසයි .

කැබිනට් මණ්ඩලය හෙට දිවුරුම් දෙයි

2024 නොවැම්බර් මස 17 1342 0

නව රජයේ කැබිනට් මණ්ඩලය හෙට (18) පෙරවරුවේ ජනාධිපති කාර්යාලයේදී දිවුරුම් දීමට නියමිතව ඇත.

විදෙස් ගමන් බලපත් 66ක් සමඟ යුවළක් මාට්ටු

2024 නොවැම්බර් මස 17 477 0

විවිධ පුද්ගලයන්ට අයත් විදේශ ගමන් බලපත්‍ර 66 ක් සන්තකයේ තබාගෙන සිටි කාන්තාවක් සහ පිරිමි පුද්ගලයකු අත්අඩංගුවට ගත් බව කහ තුඩුව පොලිසිය කියයි.

මහනුවරින් තවත් ඩිෆෙන්ඩරයක් සොයාගනී

2024 නොවැම්බර් මස 17 1089 0

නීති විරෝධී බවට සැක තවත් නවීන සුඛෝපභෝගී ඩිෆෙන්ඩර් රථයක් මහනුවර මූලස්ථාන පොලිසිය මගින් අත්අඩංගුවට ගෙන තිබේ.

අද - හෙට විශේෂ දුම්රිය කීපයක්

2024 නොවැම්බර් මස 17 138 0

මහ මැතිවරණය සහ සතිඅන්තයේ දීර්ඝ නිවාඩුව අවසන් වී රැකියා ස්ථාන වෙත පැමිණෙන හා සෙසු ජනතාවගේ ගමන් පහසුව සඳහා අද (17) හා හෙට (18 ) විශේෂ දුම්රිය කීපයක් ධාවනය කිරී

පිපිරීමකින් තරුණයෙක් මරුට

2024 නොවැම්බර් මස 17 805 0

අගුණකොලපැලැස්ස , රන්න පාරේ ඉන්ධන පිරවුම් හල අසල පිහිටි වාහන වලට තීන්ත ආලේපනය කරන ගරාජයක් තුළ තිබූ යකඩ බැරලයක් හදිසියේ පුපුරාගොස් එහි කැබැල්ලක් ගෙලෙහි