බූස්ටරයෙන් පසු සිවුවැනි එන්නතක්

'කොවිඩ් 19' වසංගතයෙන් ආරක්ෂා වීමට, බූස්ටර් එන්නතට අමතරව‍, ඊට පසු සිවුවැනි එන්නත් මාත්‍රාවක් ලබා දීමට ඊශ්‍රායලය තීරණය කර තිබේ.

ඊශ්‍රායල සෞඛ්‍ය අංශ, මේ මොහොතේ එම සිවුවැනි එන්නත නිර්දේශ කර ඇත්තේ අවුරුදු 60 වැඩි සහ බෝ නොවන රෝගාබාධ ඇති වැඩිහිටියන්ට සහ වෛද්‍යවරුන් ඇතුළු සෞඛ්‍ය සේවා කාර්ය මණ්ඩල සාමාජික සාමාජිකාවන්ටය.

සෞඛ්‍ය අංශ මෙසේ සිවුවැනි එන්නතක් නිර්දේශ කළ බව ඊශ්‍රායල ජනතාවට දැනුම් දුන්නේ එරට අග්‍රාමාත්‍ය නෆ්තාලි බෙනට්ය.

ඊශ්‍රායල වැසියන්ට වැඩි වශයෙන් ලැබී ඇත්තේ 'ෆයිසර්' එන්නතය.

පළමු සහ දෙවැනි මාත්‍රා ලබා දීමෙන් පසු ඊශ්‍රායලයේ යළි 'කොවිඩ් 19' වසංගතය හිස එසවූ බැවින්, 'ෆයිසර්' සමාගමේ නිර්දේශ සහ තමන් සිදු කළ සායනික අධ්‍යයන පාදක කර ගනිමින්, ඊශ්‍රායල සෞඛ්‍ය අංශ තෙවැනි එන්නතක් (බූස්ටර්) ලබා දීමට උනන්දු වූයේ පසුගිය අගෝස්තු මාසයේදීය.

ඒ අනුව, ලොව පළමු වරට බූස්ටර් එන්නත් දීම ආරම්භ කළේ ද ඊශ්‍රායලයයි.

ඒ වනවිට ඊශ්‍රායලයේ 'කොවිඩ් 19' ආසාදිතයන් යළි වැඩි වීමට පටන්ගෙන තිබුණේ 'ඩෙල්ටා' විකෘතිය හේතුවෙනි. ඊශ්‍රායලය 'බූස්ටර්' එන්නත් දීම ආරම්භ කිරීමෙන් පසු සෙසු රටවල් ද එය අනුගමනය කළේය. ඊශ්‍රායලයට පසු බූස්ටර් එන්නත් දීම ආරම්භ කළේ ඇමෙරිකාව, කැනඩාව සහ මහා බ්‍රිතාන්‍යයයි.

දැන් සිවුවැනි මාත්‍රාවක් ලෙස තවත් 'ෆයිසර්' එන්නතක් 60 වැඩි බෝ නොවන රෝගවලින් පෙළෙන වැඩිහිටියන්ට ලබා දීමට ඊශ්‍රායල සෞඛ්‍ය අංශ තීරණය කර ඇත්තේ 'ඔමික්‍රෝන්' විකෘතිය සැලකිල්ලට ගනිමිනි.

ඊශ්‍රායල සමාජයෙන් ද මේ වනවිට 'ඔමික්‍රෝන්' ආසාදිතයන් වාර්තාවීමට පටන්ගෙන ඇත.

(එන්.ඩී.ටීවී.)

අදහස් (6)

බූස්ටරයෙන් පසු සිවුවැනි එන්නතක්

යෝගා Wednesday, 22 December 2021 06:57 AM

අතුරු ආබාධ ගැන හරියටම නොදැන විදින මේ එන්නත් පෝලිම නිසා මිනිස්සුන්ට මොනවා වෙයිද කියලා හිතාගන්නත් බෑ

: 0 11

kamal Wednesday, 22 December 2021 11:16 AM

මෙම බෙහෙත් මාෆියාවට රැවටෙන්න එපා.මිනිසුනේ බුද්ධියෙන් කටයුතු කරන්න.අකාලයේ තමන්ගේ ජීවිතය මේවාට යටපත් කරගන්න දෙන්න එපා.කොරෝනා එන්නත් ලබා ගන්න එපා.දැන් වයිරසය බාල වෙමින් පවතිනවා.මෙම එන්නත් තුලින් ඔවුන් පොහොසත් වුවත් අප ලෙඩ වනවා

: 6 13

hesaWednesday, 22 December 2021 11:46 AM

හරිනෙ..මේ පිලිඹඳව තොරතුරු හරිම අල්පයි.. දීර්ග විස්තර පැහැදිලි කිරීම් අවශ්‍යයි දැන් ඡනතාවට..යුරෝපීය රටවල් විශාල වශයෙන් මේ එන්නත දම්වැලට විරුධව නැගී සිටිනව..අප රටේ පාරට බහින්නේ දේශපාලන අතකොළු පමනයි..

: 2 11

චමින්ද ජයනාත් ජයසූරිය Wednesday, 22 December 2021 01:00 PM

මම මේ ගැන කියද්දි මට මතකයි සමහර අය ඉස්සර හිනා උනා... එත් මම නම් හිතුවෙ මේ අවුරද්දෙ එන්නත් දෙකක් විදල ඊලග හැම අවුරුද්දකම එන්නත ගානෙ විදින්න පටන් ගනියි කියල... දැන් බලාපුහම මේ කොම්පැනි කොච්චර ඉස්සරහින්ද ඉන්නෙ කියල තේරෙනව... ඉස්සර එන්නත්වලට පොලිමේ හිටිය... දැන් එන්නත් පොලිමේ එනව... කවුරුවත් හිතුවද විකෘතියක් ආපු ඇසිල්ලෙම ඒකට මෙච්චර ඉක්මනින් වැක්සින් එකක් එන්නෙ කොහොමද කියල...

: 2 9

Prasheen Wednesday, 22 December 2021 01:14 PM

මේ යන විදිහට මැරෙනකන් එන්නත් ගගහ ඉන්න වෙන්නේ. ස්වභාවිකවම ඇඟේ හැදෙන ප්‍රතිදේහ වලින් ඉස්සරහට ආරක්ශා වෙන්න පුලුවන් වෙයි වගේ

: 3 6

Sriland Thursday, 23 December 2021 04:06 AM

මම එදත් අදත් හෙටත් කවදත් කියන්නේ මේකයි .කොරෝනා කියන්නේ තනිකරම බොරුවක් ,ජාත්‍යන්තර ගේමක් බෙහෙත් ජාවාරමක්

: 0 2

ඔබේ අදහස් එවන්න

දියත

පුත්තලමේ විභාග මධ්‍යස්ථාන ජලයෙන් යට වේ

2024 නොවැම්බර් මස 26 55 0

පුත්තලම අධ්‍යාපන කලාපයෙ උසස් පෙළ මධ්‍යස්ථාන දෙකක මහ වැසි හේතුවෙන් සිසුන්ට යම් බාධා එල්ල වු බව පුත්තලම කලාප අධ්‍යාපන අධ්‍යක්ෂ අර්ජූන අබේරත්න මහතා අද ප

කෝටි 150ක කුඩු වටරැකින් මාට්ටු

2024 නොවැම්බර් මස 26 81 0

පාදුක්ක වටරැක හල්බරාව ප්‍රදේශයේ මත්ද්‍රව්‍ය බෙදා හැරීමේ මධ්‍යස්ථානයක් වටලා රුපියල් කෝටි එකසිය පණහකට වැඩි වටිනාකමින් යුත් මත්ද්‍රව්‍ය තොගයක් අත් අඩ

උසස් පෙළට කාලගුණය හරස් වෙයි

2024 නොවැම්බර් මස 26 261 0

පවතින අයහපත් කාලගුණික තත්ත්වය සැලකිල්ලට ගනිමින් මේ දින වල පවතින අපොස උසස් පෙළ විභාග එළැඹෙන 27 28 සහ 29 යන තෙදින තුල නොපැත්වෙන බව විභාග කොමසාරිස් ජනරාල් අම

ශ්‍රී ලංකා අමරපුර මහා නිකායේ මහා නායක ධූරයට මෛත්‍රී මුර්ති හිමි පත් වෙති

2024 නොවැම්බර් මස 26 2 0

කරගොඩ උයන්ගොඩ මෛත්‍රී මුර්ති මහා නාහිමියෝ ශ්‍රී ලංකා අමරපුර මහා නිකායේ උත්තරීතර මහා නායක ධුරයට තේරි පත්වූහ.

’’ටියුෂන් තහනම් කරන්න තීරණයක් ගෙන නෑ’’

2024 නොවැම්බර් මස 26 440 0

උපකාරක පන්ති තහනම් කිරීමට කිසිදු තීරණයක් ගැන නැතැයිකැබිනට් මාධ්‍ය ප්‍රකාශක අමාත්‍ය වෛද්‍ය නලින්ද ජයතිස්ස මහතා අද (26) පැවසීය.

පරාක්‍රම සමුද්‍රයේ වාන් දොරටු අරී

2024 නොවැම්බර් මස 26 297 0

මහවැලි ගඟ මනම්පිටිය ප්‍රදේශයෙන් පිටාර ගැලීම නිසා මනම්පිටිය ගල්ලෑල්ල මාර්ගය ජලයෙන් යටවීමත් සමග පොළොන්නරුව මඩකලපුව ප්‍රධාන මාර්ගයේ වාහන ගමනා ගමන කටය