මා නිර්දෝෂී බව මගේ හෘද සාක්ෂිය හොඳින් දන්නවා

(*** අංජුල මහික වීරරත්න සහ *** සුජිත් හේවාජුලිගේ)

තමා නිර්දෝෂී බව තම හෘද සාක්ෂිය හොඳින් දන්නා බව රත්නපුර දිස්ත්‍රික් මන්ත්‍රී ප්‍රේමලාල් ජයසේකර මහතා (පො.පෙ.) පාර්ලිමේන්තුවේ දී ඊයේ (8) පැවැසීය.

තමා එල්ලු‍ම් ගස් යවන්නට බැරි වුවහොත් දේශපාලනයෙන් ඉවත්ව දලු කඩන බවට පසුගිය රජයේ අධිකරණ ඇමැතිවරිය ප්‍රකාශ කර තිබූ බව කී ප්‍රේමලාල් ජයසේකර මහතා තම දඬුවම රහස් පොලිස් නිලධාරීන් ගෙන්වා සැලැසුම් කොට සාක්ෂි හදා දුන් දඬුවමක් බව ද සඳහන් කළේය.

මරණ දඬුවමට නියම වී සිටින රත්නපුර දිස්ත්‍රික් පාර්ලිමේන්තු මන්ත්‍රී ප්‍රේමලාල් ජයසේකර මහතා ඊයේ (8) පාර්ලිමේන්තුවේ දී සිය මන්ත්‍රී ධුරයෙහි දිවුරුම් දීමෙන් අනතුරුව එදිනට නියමිත විවාදයේදී අදහස් දක්වමින් එසේ කීය.

ප්‍රේමලාල් ජයසේකර මහතා මෙසේ ද පැවැසීය.

“යහපාලන ආණ්ඩුව සමයේ අධිකරණ ඇමැති වූයේ කවුද? මගේ දඬුවම ගැන ඒ නිසා අමුතුවෙන් කිව යුතු නැහැ. රත්නපුර ජනතාවට මගේ ස්තුතිය පිරිනැමිය යුතුයි. 2001 වසරේ සිට මේ දක්වා පැවැති මැතිවරණ පහේදීම මට විශිෂ්ට ජයක් ලැබීමට හැකි වුණා. එයින්ම මගේ නිර්දෝෂී බව ඔප්පු කළ හැකියි. දිගින් දිගටම ජනතාව මා සමඟ සිටියේ ජනතාවට මා ආදරේ කළ නිසයි.

මා දේශපාලනයේදී ජනතාවට සේවය කළා මිස අත්වල ලේ හෝ කුණු ගාගෙන නැහැ. අප ජනතාව අතරට යන විට දේශපාලන වශයෙන් අප ඉවත් කරන්නට බොහෝ දෙනකුට වුවමනා වුණා. පසුගිය කාලයේ අධිකරණ ඇමැතිනිය වූ තලතා අතුකෝරල මහත්මිය පවසා තිබුණේ මා එල්ලු‍ම්ගස් යවන බවයි. එසේ කරන්නට නොහැකි වුවහොත් දේශපාලනයෙන් ඉවත් වී දලු‍ කඩන බව එතුමිය පවසා තිබුණා.
දුමින්ද සිල්වා නඩුවේ දී කටයුතු කළ ආකාරය පිළිබඳව අප හොඳින්ම දුටුවා. රන්ජන් රාමනායක මහතා එහිදී අධිකරණයට බලපෑම් එල්ල කළ ආකාරය දුටුවා. හඬ පටවලින් එය ඔප්පු වුණා.

මට වුණේ අපරාධයක්. මෙය රහස් පොලිස් නිලධාරීන් ගෙන්වා සැලැසුම් කොට සාක්ෂි හදා කළ දෙයක්. එම රහස් පොලිස් නිලධාරීන්ට එරෙහිව කටයුතු කළ යුතුයි.

දහනව වැනි ආණ්ඩුක්‍රම ව්‍යවස්ථාව සංශෝධනය කිරීම සඳහා ජනතාව තුනෙන් දෙකක බලයක් දී තිබෙනවා. ජනපති අගමැති මෙන්ම බැසිල් රාජපක්ෂ මහතාත් මෙහිදී ගෞරවයෙන් සිහිපත් කළ යුතුයි. රජය බිහි කරගැනීම සඳහා එතුමන්ලා විශේෂ උත්සාහයක් දැරුවා. විපක්ෂ මන්ත්‍රීවරුන් කළු පටි පැළැඳ පැමිණ නොයෙක් චෝදනා කළා. මා නිර්දෝෂී බව මගේ හිත දන්නවා.

පිල්ලෙයාන් මන්ත්‍රීතුමා වසර පහක් තිස්සේ රඳවාගෙන සිටිනවා. මේ අපරාධ නැවැත්විය යුතුයි. මහින්ද රාජපක්ෂ අගමැතිතුමා සමග එක්ව මේ රට හොඳ තැනකට ගෙන ඒම සඳහා අප කටයුතු කරනවා. වරදක් නොකර ඇතුළේ සිටින්නට සිදුවීම ගැන මා කනගාටුවට පත්වෙනවා. මෙලෙස පලිගැනීම් කරන්නට හොඳ නැහැ.

මට මේ දේ වුණේ රහස් පොලිසිය සම්පූර්ණයෙන්ම සාක්ෂි නිර්මාණය කිරීමෙනුයි. ඒ පිළිබඳවත් පරීක්ෂණයක් කරන ලෙස ඉල්ලා සිටිනවා. කොමිෂන් සභා සියල්ල අහෝසි කොට රට ඉදිරියට ගෙන යෑම සඳහා ජනපතිට මෙන්ම අගමැතිතුමාටත් අප ශක්තිය ලබාදෙනවා.” යැයි ද ප්‍රේමලාල් ජයසේකර මහතා පැවැසීය.

අදහස් (33)

මා නිර්දෝෂී බව මගේ හෘද සාක්ෂිය හොඳින් දන්නවා

nalin Wednesday, 09 September 2020 06:20 AM

හදවතට එකග නැති ගොඩක් මිනීමරුවෝ කියන්නෙ මම නිර්දොශියි කියලා තමයි ...

: 0 0

NIMAL Wednesday, 09 September 2020 06:20 AM

මේවා අහන්න තරම් අපි අවාසනාවන්ත වුනානේ.

: 0 0

Indhika Wednesday, 09 September 2020 06:44 AM

මේක අනිත් හිරකරුවන්ගේ මානව හිමිකම් කඩකිරීමක්. අධිකරණයෙන් දඬුවම් ලබපු අනිත් හිරකරුවන්ට මෙහෙම ප්‍රසිද්ධ ප්‍රකාශ කරන්න අවස්ථාවක් හම්බ වෙන්නේ නැහැ. ඇයි මෙයාට විතරක් මෙහෙම චාන්ස් එකක්? පාර්ලිමේන්තු එන්න ඉඩ දුන්නේ තමන්ගේ ප්‍රශ්න ගැන කතා කරන්න නෙවේනේ...

: 0 149

Dharmatileke Wednesday, 09 September 2020 06:47 AM

අවසානයේ තීන්දුව දෙන්නේ සොබාදහමයි..

: 1 51

Roshan Wednesday, 09 September 2020 07:01 AM

වඳුරෙක් කිව්වලු මම කවදාවත් ගහකට නැගලා නෑ කියලා...

: 1051 1291

SOME AYIYA Wednesday, 09 September 2020 07:12 AM

බල්ලටම ගිය පාර්ලිමේන්තුව..

: 528 704

samanWednesday, 09 September 2020 12:46 PM

කරුණාකර සුනඛ ගති ඇත්තන්ට නිග්‍රහ කරන්න.

: 0 2

සෑම් Wednesday, 09 September 2020 07:26 AM

හරි මරු කතාව, ලංකාවේ ඉන්න සියළු මිනීමරුවන් අපරාධකරුවන් හොරුන්, තක්කඩින්, කුඩු කාරයින් පාර්ලිමේන්තු ගෙන්වා ඔවුන්ගේ අහිංසක භාවයත් පොලිසියේ සහාසික ස්වභාවයත් ප්‍රකාශකර සියළු පොලිසි සහ අධිකරණ වසාදැමිය යුතුයි.

: 473 693

Perera Wednesday, 09 September 2020 07:43 AM

කොයි හොරත් මිනීමැරුවත් කියන්නේ ඔය කතාව තමයි. චූදිතයාගේ හෘද සාක්ෂිය අනුවනම් නඩු තීන්දු දෙන්නේ ... උසාවි වහලා දැම්මා නම් ඉවරයි.

: 374 479

Nihal Wednesday, 09 September 2020 07:43 AM

මේ මනුස්සයා අධිකරණයට අපහාස නොවේද මේ කරන්නේ?

: 356 443

kamal Wednesday, 09 September 2020 07:48 AM

අධිකරණයට අපහාස කරලා තියෙන්නේ රංජා මල්ලි විතරයිනේ...

: 7 245

wedage Wednesday, 09 September 2020 08:01 AM

හදවතක් ඇතැයි කියලා පොදු මහජනතාව හිතන්නේ නේ...

: 0 21

pradeepa Wednesday, 09 September 2020 08:15 AM

ප්‍රේමලාල් අපේ පක්ෂය වෙනුවෙන් මහන්සිවෙලා වැඩකරපු කෙනෙක්... ඒවා අපේ සර් දන්නවා. එමනිසා අපේ සර් ජනාධිපති සමාවක් දීලා ප්‍රේමලාල්ට ඇමැති ධුරයක් දේවි.

: 45 121

Bamunuarachchi Wednesday, 09 September 2020 08:16 AM

අධිකරණයත් හෘද සාක්ෂිය දන්නවා. එයට එකඟව තීන්දු දීලා තිබෙනවා.

: 15 194

Nuwan Wednesday, 09 September 2020 08:31 AM

ලංකාව ලෝකෙටම විහිළු සපයන රටක් වෙලා ඉවරයි අපේ හාමුදුරුවනේ...!!!

: 20 107

siri Wednesday, 09 September 2020 08:37 AM

රටට ගිය කලක්.. ලෝකය පුරාම මේ පුවත ඉහළින්ම වාර්තා වෙලා. 69 ලක්ෂයට දැන් සැපද?

: 20 111

baddrani Wednesday, 09 September 2020 08:50 AM

මිනීමැරීම් මේ තරම් වන රටේ ඒකට අමාත්‍යාංශයක් ඇති නොකළේ අත්දැකීම් ඇති හරිහමන් ඇමැති කෙනෙක් හොයාගන්න බැරි නිසා වෙන්න ඇති. දැන් ඉතින් එහෙම ප්‍රශ්නයක් නැහැනේ.

: 0 27

Shaf Wednesday, 09 September 2020 08:52 AM

බමුණුආරච්චිට දැන් සතුටු ඇතිනේ..

: 7 44

janahitha Wednesday, 09 September 2020 08:58 AM

වෙඩි තැබූයේ කවුද? එය කළේ ඔහු නම් දඬුවම සාධාරණය. එසේ නොමැති නම් අසාධාරණය. ජීවිතයක් අහිමි වෙලා තියෙනවා. මිනීමරුවන්ට දඬුවම් ලැබිය යුතුය.

: 3 24

siriWednesday, 09 September 2020 09:23 AM

දඬුවම දෙන්න ඇත්තේ ඒ සියලු දේවල් ගැන කරුණු කාරණා සහ සාක්කි සොයා බලලා විය යුතුයි නේද?

: 3 117

sirimal Wednesday, 09 September 2020 09:06 AM

‘‘එක රටක්, එක නීතියක්‘‘, චොකා බයිලාවක් වූ වගයි.

: 3 231

විජේ Wednesday, 09 September 2020 09:46 AM

ලැජ්ජාවක් නැතිකම පාර්ලිමේන්තු මන්ත්‍රීකමටත් වඩා ලොකුයි චොකා මල්ලි...

: 2 63

kamal Wednesday, 09 September 2020 09:59 AM

මෝල්ගහ මිනීමරුවා කියලා තීන්දු වුණු උසාවියක් ඇති රටේ මේක පුදුමයක්ද?

: 14 55

නන්නාදුනන හාදයා Wednesday, 09 September 2020 11:46 AM

මිනීමරලා, උසාවියෙන් දඬුවම් නියම වෙලාත්, ආණ්ඩුවේ බලපෑම් මත පාර්ලිමේන්තුව කියන උත්තරීතර ආයතනයට ඇවිත්, රට කන්න හදන මෙවැනි පුද්ගලයින්ට දඬුවම් දෙන්න තමයි නන්නාඳුනන තුවක්කුකරු ඉන්නේ. නන්නාඳුනන තුවක්කු කරුවාණෙනි. මෙන්න ඉලක්කයක්.. පව් නැහැ.

: 0 305

de silva Wednesday, 09 September 2020 01:02 PM

සර් චොකා මල්ලිට ඡන්දය දිනුව ගමන් ජනාධිපති සමාවක් දුන්නා නම්, අධිකරණය සහ පාර්ලිමේන්තුව යන ආයතන දේකේමගෞරවය ආරක්ෂා වෙනවා. චොකාමල්ලිට අභියාචනා ඉදිරිපත් කරමින් කරදර වෙන්න ඕනේ නැහැ.

: 1 1

kamal Wednesday, 09 September 2020 01:55 PM

ලෝකයේ වැඩිම දූෂිතයන් ඉන්න එකම පාර්ලිමේන්තුව කොයි රටේද තියෙන්නේ කියන ප්‍රශ්නයට අපි පිළිතුරු සොයමු නේද පුතේ...?

: 0 19

isuru Wednesday, 09 September 2020 01:57 PM

එකම රටක්., එකම නීතියක් ... පාර්ලිමේන්තුවට මිනීමරුවන්... මෙන්න රට...

: 0 1

rocky Wednesday, 09 September 2020 01:57 PM

මෙහෙම ගියාම අපරාධකරුවෙකු හැටියට උසාවියෙන් දඬුවම් ලැබීම ඡන්ද අපේක්ෂකයෙකුගේ සුදුසුකමක් වෙන්න ඉඩ තිබෙනවා.

: 0 1

tharindi Wednesday, 09 September 2020 02:00 PM

රාජපක්ෂ පවුල් ආණ්ඩුවකින් මීටවැඩිය දෙයක් බලාපොරොත්තු නොවිය යුතුයි. 2/3 රඟේ තවම පටන් ගත්තේ නැහැ.

: 5 10

kamal Wednesday, 09 September 2020 02:01 PM

ඔයා නිර්දෝශයි නම් උසාවිය...?.

: 0 1

isuru Wednesday, 09 September 2020 02:17 PM

එකම රටක්.. එකම නීතියක්... එකම රටක්... මිනීමැරුම් චෝදනා වැරැදි කරුවෙච්ච කෙනෙක් එල්ලුම් ගහ වෙනුවට පාර්ලිමේන්තු මන්ත්‍රීකමක් දුන්නු එකම රට...

: 0 1

jagath Wednesday, 09 September 2020 02:19 PM

කමල් ඔබ හරියටම හරි... එහෙනම් කාටද දඬුවම් දෙන්න ඕනේ..?

: 0 0

thilak Wednesday, 09 September 2020 02:25 PM

මිනී මැරුවන්, කුඩු ව්‍යාපාරිකයන්, එතනෝල් ව්‍යාපාරිකයන්, අපචාර කරුවන්, කොමිස් කරුවන්, මංකොල්ලකරුවන්, බොරුකාරයන් ඉන්න එකම පාර්ලිමේන්තුව තියෙන්නේ දියවන්නාවේ...

: 0 0