‘මේ රජයට රටක් පාලනය කරන්න බැහැ‘

(නිමල කොඩිතුවක්කු)

අනුර කුමාර දිසානායක ජනාධිපතිවරයා ප්‍රමුඛ රජයට රටක් පාලනය කිරීමේ හැකියාවක් නොමැති බව පෙන්වා දී ඇතැයි සමගි ජන බලවේගයේ නායක සජිත් ප්‍රේමදාස මහතා කොළඹදී පැවසීය.

මැතිවරණයේදී කියු ආකාරයට අත්‍යාවශ්‍ය ආහාරවල මිල පාලනය කිරීමට නොහැකි වී ඇති බවත් පොල් ගෙඩිය පවා ගන්න පෝලිම් යුගයට යාමට සිදුව ඇති බවත් ප්‍රේමදාස මහතා සඳහන් කළේය.

රටේ ජනතාවගේ ආදායම අඩුව බඩු මිල ඉහළ යාම නිසා දුදරුවන්ට අවශ්‍ය ආහාර දිය නොහැකි පවුල් ලක්ෂ ගණනින් ඇති බවත් දෙහිවල පැවැති ජන හමුවක් අමතමින් ඔහු පැවසීය.

මන්දපෝෂණය වර්ධනය වී මව්වරුන්ගේ දරුවන්ගේ සෞඛ්‍ය සම්පන්න භාවය අඩුව ඇති බවත් රජයට ජනතාව ජීවත් කරවන්න විසදුම් නොමැති බවත් සජිත් ප්‍රේමදාස මහතා කීවේය.

රටේ විදේශ ණය 2028 සිට ගෙවිය යුතු බවත් ඒ සදහා අවශ්‍ය ඩොලර් සංචිත ගොඩනැගීම සඳහා ඩොලර් ලබා ගන්නා ක්‍රමවේද වේගවත් විය යුතු බවත් ඔහු සඳහන් කළේය.

2028 දී ද ඩොලර් නොමැතිව ණය ගෙවන්න බැරි වුවහොත් නැවත වරක් බංකොලොත් වන බවත් ප්‍රේමදාස මහතා පැවසීය.

ඉදිරි වසර හතර තුළ රටේ ආර්ථිකය වේගයෙන් ඉදිරියට යා යුතු බවත් මන්දගාමී ආර්ථිකයක් තුළ ණය ගෙවිය නොහැකි බවත් මෙවැනි තත්ත්වයක් තුළ ජනතාව ජීවත් කළ හැක්කේ සමගි ජන බලවේග රජයකට පමණක් බවත් ඔහු සඳහන් කළේය.

ඉදිරි මහමැතිවරණයේදී මේ තත්වය පිළිබඳ අවබෝධයෙන් කටයුතු කරන්නැයි සියලු දෙනාගෙන් ඉල්ලා සිටින බවත් සජිත් ප්‍රේමදාස මහතා පැවසීය.

සැවොම එකට එකතු වී ජීවත් වන්නට පුලුවන් මූලික අවශ්‍යතාව සපුරා ගත හැක්කේ කුසගින්නෙන් බඩගින්නෙන් තොර රටක් නිර්මාණය කිරීමෙන් බවත් ඒ සඳහා සමගි ජන බලවේග රජයකට ශක්තිය ලබා දෙන ලෙසත් සජිත් ප්‍රේමදාස මහතා තවදුරටත් කීවේය.

අදහස් (20)

‘මේ රජයට රටක් පාලනය කරන්න බැහැ‘

Kamal Koyrala Sunday, 27 October 2024 02:32 PM

බලය නැතත් වැඩ කරනවා නම් දැනුත් සුහුරු වැඩ කරන්න පුළුවන් නේ. ජනාධිපති මැතිවරණයට පස්සේ මොකද නැවැත්තුවේ. දැන් විපක්ෂයට යනවා කියන එක වෙනස් වෙන් ඕන නම් අර දින 100 වගේ පැය කීයකින් ඔය වැඩ කරනවා කියලා සතියක් දෙන්න. තවමත් වෙලාව තියෙනවා.

: 132 81

විදුර Sunday, 27 October 2024 02:54 PM

පොඩ්ඩක් ඉදින් බන් තාව මාස තුනක් වත්.

: 102 87

BinaraMonday, 28 October 2024 08:20 AM

මාස ගණන් නෙමේ ආපු ගමන් කරනවා කියපුවා කරන්න පටන් ගත්තෙවත් නෑනේ තාම. මිනිස්සුන්ට 150ක් තෙල් වලින් අඩු කරන්න පුලුවන් කියලා 20ක් අඩු කරා. මොන රෙද්දක්ද ඕයි. ඩොලර් බිලියන 18ක් හොරකම් කරල තියෙනවා කිව්වා. දැන් කියනවා ඒව අවබෝධයෙන් කියපු බොරු කියලා. බිත්තර, හාල්, පොල්, ගෑස් පැත්තකින් තියපන්. අර පාස්කු නාඩගමේ හොරු දෙන්නෙක්නෙ ආයි පත් කරගෙන තියෙන්නෙ. දෙන්නන් උඹලට ආයි ඡන්දෙ.

: 10 4

බයියා Sunday, 27 October 2024 02:57 PM

අනේ සජිත් මහත්තයෝ ඔය මොනවට අනුර කුමාරට වැරදි කිව්වත් මන්ද පෝෂණයට ඒ මනුස්සයා මොකක් කරන්නද? මන්ද පෝෂණය කියන්නේ අදින් හෙටට බෝවෙන ලෙඩක් නොවේ කියලා දන්නේ නැතිවද තාම ඡන්දයක් දිනලා සුමාන 5ක් වත් නැති කෙනෙක්ට ඒ වරද පටවන්නේ. පහුගිය සුමාන පහට අනාගත්ත දේවල් තියනවා ඒත් ඔබතුමාහටත් සුමාන පහෙන් මොනවද කරන්න පුළුවන්. අපි නම් ඔබටවත් ඔහුටවත් ඡන්දය දෙන්නේ නැතිවෙයි. මොකද අපි තාමත් මහින්ද රාජපක්ෂ මහතාට ගරු කරන නිසා. හැබැයි සුමාන පහක් ආණ්ඩු කරන කෙනෙක්ට මාස ගාණක් අවුරුදු ගාණක් තිස්සේ ඇතිවන හේතු නිසා හැදෙන මන්දපෝෂණයට බනින්න තරම් අපේ අපේක්ෂකයා මන්ද බුද්ධික නෑ.

: 79 75

Pradeep Kumara Sunday, 27 October 2024 03:43 PM

කාලාන්තරයක් තිස්සේ රට කාලා තියන තරමට ශක්‍රයා ආවත් ඉක්මන් විසඳුමක් දෙන්න බෑ. ඔයාට නම් කොහොමවත් බෑ. තියන එකාගෙන් අරගෙන නැති එකාට බෙදලා රටක් ගොඩ ගන්න බෑ කියලා ඔයාටත් තේරෙයි. පොල් හිඟයක් හැම අවුරුද්දෙම මේ කාලෙට එනවා, මේක නැවත දෙසැම්බර් වෙනකොට හරි යනවා. පරණ දත්ත අරගෙන බලන්න.

: 74 84

shantha Sunday, 27 October 2024 07:04 PM

පාර්ලිමේන්තු ඡන්දෙන් මාලිමාවට ආසන 2/3කට වඩා ලැබෙනවා නියතයි. මේ වගේ පක්ෂයකට බලය දෙන්න මිනිස්සු මෝඩ නැහැ. මාලිමාවට ජයවේවා !!! AKD ජනාධිපති තුමාට ජයවේවා !!!

: 0 4

පිටරැටියා Sunday, 27 October 2024 08:25 PM

තමුන්ට පක්ෂය වත් හරියට හදාගන්න බැරිව කියන මෝඩ කතා...

: 0 5

wasantha Sunday, 27 October 2024 08:32 PM

මාස 3ක් පමණයි ගියේ. මේ අයගේ දැනුම බලන්න පුළුවන්...

: 0 0

Polpot Sunday, 27 October 2024 09:07 PM

මේ කාලෙට පොල් ගණන් යන බව ඕනෑ කෙනෙක් දන්නවා. අනුර පෝලිමෙන් හරි පොල් කීයක් හරි අඩුකරලා දෙනවා. තමුන් මොකද කරන්නේ..!

: 0 4

lasa Sunday, 27 October 2024 10:10 PM

දැන් ඔය ඔක්කෝම වුනේ මේ පහුගිය මාසේ ඇතුලතද? මොංගල් බව රටම දන්නවා... ඒත් මෙච්චර මොංගල් කියලා දන්නේ දැන්...

: 0 5

Prasanna Sunday, 27 October 2024 11:18 PM

අපේ රටේ බහුතරය පක්ෂ බෙල්ලේ එල්ලාගෙන ඉන්නේ ,වැරද්දක් පෙන්නුවාම පුදුම කැක්කුමක් තියෙන්නේ .තමන්ගේ ගෑනිට ළමයින්ට වඩා පක්ෂයට කරන හරක් ඉන්න රටක්

: 0 0

gamith Monday, 28 October 2024 01:38 AM

ඔයාගේ හැකියාවත් අපි හොඳට දන්නවා. ඒ වගේම ඔයාගේ හැදියාවත් හොඳට ක්‍රියාවෙන්ම පෙන්වලයි තියෙන්නේ. නිකන් විහිළු සපයන්නේ නැතිව ඉන්න මහත්තයෝ...

: 1 2

චතුරි Monday, 28 October 2024 02:00 AM

මේ යකා කට ඇරියොත් කියන්නේම මෝඩ කතා. ළමයින්ට මන්ද පෝෂණය හැදුවේ අනුර කුමාරද? ඔය හොර නඩේනේ ළමයි විතරක් නෙමේ, වැඩිහිටියෝත් ඉන්නවා. මන්ද මානසිකත්ව ඒ මොවුන් හින්දා. දැන් මෙයා එන්නේ හොරු අල්ලන එක නතර කරන්න වෙන්න ඇති. මොවුන් කෙනෙකුට පාර්ලිමේන්තුවේ පස් පාගන්න දෙන්න නරකයි. අනුර කුමාර කරපු ටික ඇති සති ගාණකට අවුරුදු ගාණක් බලය තිබුණා. එක හොරෙක් එක හොර වාහනයක් ඇල්ලුවාද? අනුර කුමාරට පිටරටවල කට්ටිය ආදරෙයි. බොරුව, වන්චාව, පෙරේතකම නැහැ. මේ නඩේ රජ වුණා නම්... කොහොමද වියදම? මල් වෙඩි හිල්ටොන් එකෙන් කෑම. ආපහු හොර සක්කිලි ටික වැජබෙන්න එන්න හදන්නේ...

: 1 3

මුදිත් Monday, 28 October 2024 08:52 AM

සජිත් ප්‍රේමදාසට ජය! මාලිමාව ඡන්දයෙන් පස්සේ දෙකට කැඩෙනවා. අපේක්ෂක ලැයිස්තුව දැක්කම කියන්න පුළුවන් . මාලිමා නියෝජනයක් එතන නැහැ! නංගි පෙන්නලා අක්කව දෙන්න හදන්නේ.

: 8 3

Bunny Preena Monday, 28 October 2024 09:06 AM

ලංකාවේ ක්ෂණික නූඩ්ලස් වගේ ක්ෂණිකව හැදෙන පොල් තියන බවක් මම දැනගත්තේ මෑතකදි

: 0 8

chinthaka Monday, 28 October 2024 09:19 AM

ජනාධිපතිවරණය පවත්වල මාසයයි , ජනතාව රවට්ටන්න කියන මෝඩ කතා , තව ටික දවසකින් තමුන්ටත් තේරුම් යාවි ජනාධිපති කෙනෙක් කියන්නේ මොනවගේ තනතුරක්ද කියල.

: 2 11

Lakmal - Katunayaka Monday, 28 October 2024 10:06 AM

ඔබ හිතන්නේ ඔබ වගේ ජෝකර් කෙනෙක් ට රට පාලනය කරන්න පුළුවන් කියලාද?

: 1 13

Sugath Monday, 28 October 2024 10:38 AM

ඉදිරි රැස්වීම්වලදී සජිත්ගේ මෝඩ කතා මට සිතාගත හැකිය. මේ මිනිසා ඕනෑවට වඩා උඩඟු ය. හරිම ආත්මාර්ථකාමී මෝඩයෙක්. මේ වගේ කමෙන්ට් වලට dislike කරන්න ෆේක් එකවුන්ට් පාවිච්චි කරන සජිත්ට එයාගේම මාධ්‍ය හමුදාවක් ඉන්නවා... බොරු නෙවෙයි. මම එවැනි ව්‍යාජ ගිණුම් 75ක් පමණ ඇස්තමේන්තු කරනවා. රුපියල් 500 කහින උන්...ලජ්ජයි , හිරිකිතයි, හරි අප්පිරියයි.

: 1 13

Anura Pathirana Monday, 28 October 2024 12:11 PM

හ්ම්ම් මට පක්ෂය පාලනය කරගන්න බෑ

: 0 3

ගමේ එකාලා Monday, 28 October 2024 02:24 PM

තමුන්ට නම් රටක් කෙසේ වෙතත් පක්ෂය වත් හරියට පාලනය කර ගන්ඩ බැරිබව පේන්ඩම තියෙනවා.

: 0 3

ඔබේ අදහස් එවන්න

දියත

කුවේට් ලාංකික සිරකරුවන් 32ක් කටුනායකට

2024 නොවැම්බර් මස 25 2 0

කුවේට් රාජ්‍යය සහ ශ්‍රී ලංකාව අතර 2007 වසරේ අත්සන් තබා ඇති සිරකරුවන් හුවමාරු කිරීමේ ගිවිසුම යටතේ , එරට මධ්‍යම බන්ධනාගාරයේ (Central Jail of Kuwait) මත්ද්‍රව්‍ය චෝදනාවලට

චීන දූත පිරිසක් ජනපති හමුවෙයි

2024 නොවැම්බර් මස 25 220 0

චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුවේ (IDCPC) උප ඇමති සුන් හයියැන් (Sun Haiyan) මහත්මිය ප්‍රමුඛ චින දූත පිරිස අද (25) ජනාධිපති කාර්ය

අර්ජුන ඇලෝසියස්ට තවත් නඩුවක්

2024 නොවැම්බර් මස 25 942 0

බදු ගෙවීම පැහැර හැරීම සම්බන්ධයෙන් මාස හයක සිර දඬුවම් විඳින මෙන්ඩිස් සමාගමේ අධ්‍යක්ෂ අර්ජුන ඇලෝසියස් සැකකරු ප්‍රවෘත්ති පත්‍රයක් මුද්‍රණය කිරීම සඳහා

හඳුන්නෙත්ති මහජනතාවට අමාත්‍යාංශයේ දොර අරියි

2024 නොවැම්බර් මස 25 1274 0

වසර හතරකට පසු කර්මාන්ත අමාත්‍යාංශයේ මහජන දිනය අද ඇරැඹිණි.

මෙන්න මහා අපරාධයක්

2024 නොවැම්බර් මස 25 1686 1

මීට වසර 31කට පෙර වැසී ගිය කන්තලේ සීනි සමාගම සතුව සක්‍රීය තත්වයේ තිබූ යන්ත්‍ර සූත්‍ර විශාල ප්‍රමාණයක් මේවන වට විනාශ වී දිරාපත්ව ඇති අයුරු එහි ගිය අපට දැක

තෙවන ලෝක යුද්දයට එරෙහිව බෞද්ධයෝ පෙළ ගැසෙති

2024 නොවැම්බර් මස 25 1193 0

ලෝකය තුළ යළි හිස ඔසවමින් පවතින යුද මානසිකත්වය මුළුමනින්ම තුරන් කර, සාමකාමී ලෝකයක් බිහිකිරීමේ අරමුණින් යුතුව ඉන්දියාවේ බුද්ධගයා පූජා භූමියේ ශ්‍රී මහ