මැණික්,ස්වර්ණාභර්ණ අපනයනකරුවන්ට අගමැතිගෙන් පොරොන්දුවක්

(සුජිත් හේවාජුලිගේ )

මැණික් හා ස්වර්ණාභරණ අපනයනකරුවන් මුහුණ දෙන ගැටලු විසදීමට රජය අවධානය යොමු කරන බව අගමැති මහින්ද රාජපක්ෂ මහතා අද (21) පැවසීය.

ඔහු මෙසේ පැවසුවේ මැණික් හා ස්වර්ණාභරණ අපනයනකරුවන් මුහුණ දෙන ගැටලු සම්බන්ධයෙන් එම අපනයන කරුවන් පිරිසක් සමග අරලියගහ මන්දිරයේදී අද (21)පැවති සාකච්ඡාවකදීය.

අපනයන විනිමය වර්ධනය කිරීම සඳහා සංචාරක ක්ෂේත්‍රය මෙන්ම මැණික් හා ස්වර්ණාභරණ අංශයද සැලකිය යුතු දායකත්වයක් ලබා දිය යුතු බව අගමැතිවරයා මෙහිදී පෙන්වා දුන්නේය.

මැණික් හා ස්වර්ණාභරණ අපනයනකරුවන් සඳහා සියලු පහසුකම් දැනටමත් ලබා දී ඇති බවත් අපනයනකරුවන්ගේ අලවිය මත පදනම්වූ ආදායම් බදු මෙරටදී විදේශ මුදල් භාවිතා කෙරෙන අවස්ථාවලදී නිදහස් කිරීම කෙරෙහිද අවධානය යොමු කර ඇති බවත් මහින්ද රාජපක්ෂ මහතා කීවේය.

මෙරට මැණික් හා ස්වර්ණාභරණ ක්ෂේත්‍රය ලෝ පුරා වඩාත් ප්‍රචලිත කිරීම කෙරෙහි ගත යුතු ක්‍රියාමාර්ග සම්බන්ධයෙන්ද මෙහිදී අගමැතිවරයාගේ අවධානය යොමු විය.

මහින්ද රාජපක්ෂ මහතා ජනාධිපතිවරයා වශයෙන් සිටියදී 2015 වර්ෂයේ දී තමන්ට ලබා දුන් සහන පසුගිය රජය අහෝසි කළ බවත් අපනයනය කෙරෙහි සෘජුව බලපාන එම සහන යළි ලබාදෙන ලෙස ඉල්ලා සිටින බවත් මැණික් හා ස්වර්ණාභරණ අපනයනකරුවෝ පිරිසක් මෙහිදී අගමැතිවරයාගෙන් ඉල්ලා සිටියහ .

අයවැය මගින් අපනයනකරුවන් සඳහා දැනටමත් සහන ලබාදී දී ඇති බවට මෙහිදී පෙන්වා දුන් අගමැතිවරයා එම හන ප්‍රායෝගිකව ක්‍රියාත්මක වන්නේදැයි අවධානය යොමු කරන ලෙස අදාළ නිලධාරීන්ට උපදෙස් දුන්නේය .

අදහස් (5)

මැණික්,ස්වර්ණාභර්ණ අපනයනකරුවන්ට අගමැතිගෙන් පොරොන්දුවක්

de silva Monday, 21 June 2021 05:16 PM

මැණික්, ස්වර්ණාභරණ පමනක් නොව ලංකාවේ ව්‍යාපාර කරන හැමදෙනාම මුහුණ පාන විශාල ප්‍රශ්නයක් තමයි. ලංකාවේ තිබෙන කිසිම පදනමක් නැති ඉතා සංකීර්ණ නීති... ලංකාවේ ඉන්න ජනගහනයට සාපේක්ෂව රටේ ඉන්න රාජ්‍ය සේවකයෝ ප්‍රමානය ඉතා අධිකය. විවිධ දේශපාලකයින් විසින් ආධාර කරුවන්ට රජයේ රැකියා ලබාදී ඇත. ඔවුන් විසින් පගාගැනීමේ අරමුණ ඇතිව විවිධ සංකීර්න නීති නිර්මාණය කර පනත් මගින් සම්මත කරගෙන ඇත. එමනිසා සාමාන්‍ය මනුස්සයෙක්ට සුලු සහ මධ්‍ය පරිමාණ ව්‍යාපාරයක් ඇරඹීමේදී විශාල ලෙස පගාද ලබාදිය යුතුය..එහෙම නොමැති නම් දේශපාලක අනුග්‍රහයක් අවශ්‍ය වෙනවා. අපනයනයට සම්බන්ධ ව්‍යාපාරවලට මේ ප්‍රශ්නය ඉතා දරුණුවට බලපානවා..

: 1 6

Prse Monday, 21 June 2021 06:50 PM

පිටරටවල් වලින් ණය අරගෙන ලංකාවේ නිකන් බෙදුවට වැඩක් නැහැ.. ඩොලර් 01 ණයට ගන්නවා නම් 2 කරන්න වැඩපිළිවෙළක් තියෙන්න ඕනෑ...

: 0 13

විපරමා Monday, 21 June 2021 07:58 PM

පොරොන්දු නම් ඕන හැටියේ දෙන්න බැරිකමක් නැහැනේ... ඒවා ඉටු කරන එක තමයි අවුල...

: 0 21

Rata Perata Tuesday, 22 June 2021 02:44 AM

මේ අර දැන් සැපද කියලා අහපු විහිළුකාරයා නේද? අනේ මේ කිසි පොරොන්දුවක් ඕනෑ නෑ.. කරුණාකරලා ඉල්ලා අස්වෙන්න.

: 0 0

ganegoda Tuesday, 22 June 2021 12:10 PM

ඔය උදේ ඉඳන් රෑ වෙනකම් ධර්මිෂ්ඨකම් ගැන කියවන මහින්දලටමනේ මැණික් මලු අහසින් පාත් වෙන්නේ... මතකයි නේද?

: 0 0

ඔබේ අදහස් එවන්න

දියත

ජනපති රුව 5000 ඔබ්බ වූ අලෙවි නියෝජිතයා මාට්ටු

2024 නොවැම්බර් මස 05 1 0

ජනාධිපති අනුර කුමාර දිසානායක මහතාගේ රුව ඇතුළත් කරමින් රුපියල් 5000/= නෝට්ටුවක් ව්‍යාජව සකස්කර අන්තර්ජාල සමාජ මාධ්‍ය ඔස්සේ ප්‍රචාරය කළ පුද්ගලයකු අත්අඩං

තැපැල් ඡන්දය දෙන්න තවත් දින දෙකක්

2024 නොවැම්බර් මස 05 4 0

තැපැල් ඡන්දය සළකුණු කළ නොහැකි වූ රාජ්‍ය සේවකයන් සිටී නම් ලබන 7 සහ 8 දෙදින රාජකාරි කරන කාර්යාලයට අදාල දිස්ත්‍රිකකයේ තේරීම් භාර නිලධාරි කාර්යාලයේ තැපැල්

ගිණි අවි සමග විශ්‍රාමික සෙබලෙකු අත්අඩංගුවට

2024 නොවැම්බර් මස 05 37 0

කොළඹ විශේෂ කාර්ය බළකා මූලස්ථානයට ලද තොරතුරක් මත ඇඹිලිපිටිය, කොතලාවල හංදිය සීමාවේ ගෙවත්තක සඟවා තිබූ ටී. 56 වර්ගයේ ගිණි අවියක් ඇතුළු ආයුධ රැසක් සමග යුධ හම

පාසලට ඇතෙක් පනී

2024 නොවැම්බර් මස 05 52 0

ගලෙන්බිඳුණුවැව කහටගස්දිගිලිය කොට්ඨාසයේ පණ්ඩුලගම මහා විද්‍යාලයට පාසල් කාලයේ ඇතෙකූ පැමිණීම නිසා ගුරුවරුන් මෙන්ම පාසල් සිසු සිසුවියන් නොසන්සුන්කාරී

’’තෙල් මිල අඩු කරන්න පසුගිය රජයේ ගිවිසුම්වලින් බාධාවක් නෑ’’

2024 නොවැම්බර් මස 05 35 0

ලංකා ඛනිජ සංස්ථාව ඉන්ධන මිල තීරණය කිරීමේදී වෙනත් තරගකරුවෙක් හෝ ක්‍රියාකරුවෙක් සමඟ කිසිදු සම්බන්ධයක් නොමැති බවත් සෙසු තරගකරුවන්ට අළෙවියෙන් හෝ මිලකර

බදුල්ල අනතුරේ රියැදුරුගෙ බලපත්‍රය අත්හිටුවලා

2024 නොවැම්බර් මස 05 223 0

කොතලාවල ආරක්ෂක විශ්ව විද්‍යාලයේ සිසුවියන් දෙදෙනකුට මරු කැඳවමින් ඉකුත්දා බදුල්ලේදි සිදුවු මාරක රිය අනතුරට සම්බන්ධ බස් රථයේ රියදුරුගේ රියදුරු බලපත්‍