මුතුරාජවෙල පරිසර වාර්තාව ප්‍රමාද කළ නිලධාරියාට දඬුවම් මාරුවක්

(විනීතා ගමගේ)

ගම්පහ කලාපය භාර පරිසර නිලධාරිවරයාට වහාම ක්‍රියාත්මක වන පරිදි ස්ථාන මාරුවක් ලබාදීමට මධ්‍යම පරිසර අධිකාරිය පියවර ගෙන ඇත. පරිසර අමාත්‍ය මහින්ද අමරවීර මහතාගේ නියෝග මත මෙම පියවර ගත් බව මධ්‍යම පරිසර අධිකාරිය කියයි.

මුතුරාජවෙල පරිසර හානියට එරෙහිව කිසිදු පියවරක් නොගැනීම හේතුවෙන් මෙම පිවවර ගන්නැයි මධ්‍යම පරිසර අධිකාරියට උපදෙස් දුන් බව පරිසර ඇමති මහින්ද අමරවීර මහතා ලංකාදීපයට පැවැසීය.

මුතුරාජවෙල තෙත්බිම පිරවීමට පස් අදිමින් සිටි වාහන තමන් සියැසින් දුටු බවත්, එකී පුද්ගලයින්ට එරෙහිව නීතිමය පියවර ගන්නැයි ගම්පහ පරිසර නිලධාරිවරයාට දැන්වූ නමුත් ඔහු කිසිදු පියවරක් නොගත් බවත් අමරවීර මහතා කීය.

මෙවැනි අවස්ථා රාශියක් නිරික්ෂණය කළ බව කී අමාත්‍යවරයා එකී නිරික්ෂණ වලින් පසු මෙම පියවර ගත් බවද සඳහන් කලේය.

විශේෂයෙන් මුතුරාජවෙල සිදුව ඇති හානිය පිළිබඳ සම්පූර්ණ වාර්තාවක් ඔහුගෙන් ඉල්ලූ නමුත් මාසයකට වඩා ගතවී ඇතත් මේ වනතුරු එය ඉටුවී නැතැයි ද හෙතෙම කියා සිටියේය. මෙම නිලධාරියා මධ්‍යම පරිසර අධිකාරියේ ප්‍රධාන කාර්යාලයට කැඳවා ඇති අතර වෙනත් නිලධාරියෙකු එහි යවන බව එම අධිකාරිය කියයි.

අදහස් (6)

මුතුරාජවෙල පරිසර වාර්තාව ප්‍රමාද කළ නිලධාරියාට දඬුවම් මාරුවක්

kalum Wednesday, 25 November 2020 10:08 AM

බෝපිටියේ පස් රනිල් සහ ජයතිස්ස කියන දෙන්නා තමයි මුතුරාජවෙල දැන් ඉහගෙන කනවා කියන්නේ.

: 2 8

Prabha Wednesday, 25 November 2020 10:51 AM

වැරැද්දක් කළා නම් ලැබෙන්න ඕනේ දඬුවම් මිස ස්ථාන මාරු නොවේ.

: 2 9

Ahinsaka Ratavesiya Wednesday, 25 November 2020 01:28 PM

ඇමැතිතුමනි, මේ පස් පිරවීම් වලට සම්බන්ධ සංවර්ධන කටයුතුවලට එක්වී ඇත්තේ ඉතාම ධනවත් සහ බලවත් සහ රජයේ ඉතාම ඉහළ තැන්වලට කෙළින්ම සම්බන්ධකම් ඇති ව්‍යාපාරික කොටසක් බවයි කියවෙන්නේ. නිලධාරීන්ට කොහොම වෙතත් ඇමැතිතුමාට මාරුවක් ලැබෙයිදෝ කියලා තමයි අපට බය.

: 2 8

The TAM Wednesday, 25 November 2020 04:41 PM

මේක මහ ගොන් කතාවක්. ඉඩම් ගොඩ කිරීම සම්බන්ධව කටයුතු කිරීමට පරිසර අධිකාරියට කිසිම බලයක් නැත. ඒ සඳහා බලය ඇත්තේ පහත් බිම් ගොඩ කිරීමේ සහ සංවර්ධනය කිරීමේ සංස්ථාව (S.L.R.D.C.) සතුවයි. පස් ලොරි ඇල්ලීමේ බලය ඇත්තේ භූ විද්‍යා හා පතල් ආයතනයටයි (G.S.M.B.). මුතුරාජවෙල ගොඩකිරීම් සම්බන්ධව පරිසර අධිකාරිය පැවරූ නඩු වලින් පරිසර අධිකාරියම පැරදී තිබුණා. ඒ පරිසර අධිකාරියට ඒ පිළිබඳව නීතිමය බලයක් නැති බව පැහැදිලි වීමෙනි. ඒ නිසා පරිසර අධිකාරියේ නිලධාරියා මාරු කිරීම මුවන්ට තඩි බෑමට නොහැකි විට මුවහමට තලනවා වැනිය...

: 0 1

The TAM Thursday, 26 November 2020 06:22 AM

මේක මහ ගොන් කතාවක්. ඉඩම් ගොඩ කිරීම සම්බන්ධව කටයුතු කිරීමට පරිසර අධිකාරියට කිසිම බලයක් නැත. ඒ සඳහා බලය ඇත්තේ පහත් බිම් ගොඩ කිරීමේ සහ සංවර්ධනය කිරීමේ සංස්ථාව (S.L.R.D.C.) සතුවයි. පස් ලොරි ඇල්ලීමේ බලය ඇත්තේ භූ විද්‍යා හා පතල් ආයතනයටයි. (G.S.M.B.). මුතුරාජවෙල ගොඩකිරීම් සම්බන්ධව පරිසර අධිකාරිය පැවරූ නඩුවලින් පරිසර අධිකාරියම පැරදී තිබුණා. ඒ පරිසර අධිකාරියට ඒ පිළිබඳව නීතිමය බලයක් නැති බව පැහැදිලි වීමෙනි. ඒ නිසා පරිසර අධිකාරියේ නිලධාරියා මාරු කිරීම මුවන්ට තඩි බෑමට නොහැකි විට මුවහමට තලනවා වැනිය.

: 0 3

Nish Thursday, 26 November 2020 07:07 AM

මධ්‍යම පරිසර අධිකාරියේ ඉන්නේ ජරාව කන අය. සල්ලි වලට ඕන වැඩක් කරයි. ඔය අයගේ වත්කම් හෙව්වා නම් පරිසරය රැකපු හැටි එළිවෙයි.

: 1 0

ඔබේ අදහස් එවන්න

දියත

වියදම් වාර්තාවෙන් කට්ටි පනින අපේක්ෂකයන්ට මැකෝගෙන් නඩු

2024 නොවැම්බර් මස 16 613 0

මැතිවරණ වියදම් වාර්තා බාර නොදෙන සියලුම අපේක්ෂකයන්ට දේශපාලන පක්ෂ සහ ස්වාධීන කණ්ඩායම් වලට එරෙහිව නඩු පවරන බව මැතිවරණ කොමිෂන් සභාව පවසයි.

පොහොට්ටුවේ ජාතික ලැයිස්තුව නාමල්ට

2024 නොවැම්බර් මස 16 4363 28

හිටපු පාර්ලිමේන්තු මන්ත්‍රී නාමල් රාජපක්ෂ මහතා ශ්‍රී ලංකා පොදු ජන පෙරමුණේ ජාතික ලැයිස්තු මන්ත්‍රී ධුරයට පත් කිරීමට යෝජනා වී ඇත.

ලක්ෂ පනස් තුනකට ඡන්දය එපාවෙලා

2024 නොවැම්බර් මස 16 1670 3

මෙවර මහ මැතිවරණයේදී ඡන්දය ප්‍රකාශ කිරීමට සුදුසුකම් ලැබූ ලක්ෂ පනස් තුනකට අධික පිරිසක් ඡන්දය ප්‍රකාශ කර නොමැති බව මැතිවරණ කොමිෂන් සභා ආරංචි මාර්ග සඳහන

අලුත් පාර්ලිමේන්තුවේ මංගල රැස්වීම 21

2024 නොවැම්බර් මස 16 681 0

නව පාර්ලිමේන්තුව ලබන 21 වැනිදා රැස්වන බව පාර්ලිමේන්තුවේ වැඩබලන මහලේකම් සහ කාර්ය මණ්ඩල ප්‍රධානී නීතිඥ චමින්ද කුලරත්න මහතා පැවසීය.

එල් බෝඩ් මන්ත්‍රීන්ට දින තුනක පාඩමක්

2024 නොවැම්බර් මස 16 3891 3

දස වැනි පාර්ලිමේන්තුවට තේරී පත්වූ නවක මන්ත්‍රීවරුන් වෙනුවෙන් විශේෂ වැඩමුළුවක් ලබන 25, 26 සහ 27 දිනවල පැවැත්වෙන බව පාර්ලිමේන්තුවේ වැඩබලන මහලේකම් නීතිඥ චම

ගම්පහ මනාප ප්‍රමාදය ගැන චෝදනා

2024 නොවැම්බර් මස 16 2910 0

දිවුලපිටිය මැතිවරන කොට්ටාසයේ මනාප ඡන්ද ගණන් කිරීමේ එක් කාමරයක පුථිපල ප්‍රමාදවීම සිදුවූයේ එම මධ්‍යස්ථානයේදී සිදුවු ගණන් කිරීමේ දෝෂයක් නිසා බවත් එහි