(අංජුල මහික වීරරත්න)

නිදහස් හා සාධාරණ මැතිවරණයක් සඳහා මැතිවරණ කොමිසමේ සහ අනෙකුත් ආයතනවල අවුල් ඇතිකර ගැනීමෙන් වලකින්නැයි ශ්‍රී ලංකා මැතිවරණ නිරීක්ෂණ ජාතික මධ්‍යස්ථානය නිවෙිදනයක් නිකුත් කරමින් පවසයි.

මැතිවරණ දිනය ප්‍රකාශයට පත් කරමින් මේ දක්වා ගැසට් නිවේදනයක් නිකුත් කර නැති බවද දිනය ප්‍රකාශ කරන නිවේදනයකට කොමිසමේ සාමාජිකයන් බහුතරයක් අත්සන් තබා නැති බවට ද දැනගන්නට ලැබී ඇතැයි කියන මැතිවරණ නිරීක්ෂණ මධ්‍යස්ථානය  මැතිවරණය නිදහස් හා සාධාරණ ලෙස පැවැත්වීමට අමතරව එහි නිත්‍යානුතූල වලංගුභාවයද ඉතා වැදගත් වන බව සඳහන් කරයි.

පළාත් පාලන මැතිවරණය පිළිබඳව ජනතාවගේ බියක්ද දැඩි අවිශ්වාසයක් ඇති නොවන පරිදි  සෑම විටම පාරදෘෂ්‍යභාවයකින් හා වගවීමකින් යුතුව කටයුතු කරන ලෙස මැතිවරණ කොමිසමෙන් ඉල්ලා සිටින මැතිවරණ නිරීක්ෂණ ජාතික  මධ්‍යස්ථානය පළාත් පාලන මැතිවරණයට අදාළ සෑම තොරතුරක්ම මහජනතාවට දැන ගැනීමට හැකිවන පරිදි ප්‍රසිද්ධියට පත් කරන ලෙසද පවසයි.

ශ්‍රී ලංකා මැතිවරණ නිරීක්ෂණ ජාතික  මධ්‍යස්ථානයේ විධායක අධ්‍යක්ෂ කේ.බී හේරත් මහතාගේ අත්සනින් අදාල නිවෙිදනය නිකුත් කර ඇත.