( තිලකරත්න දිසානායක.)

ප්‍රධාන බැංකුවකට  මුදල් රැගෙන යාම සදහා ආයතන වෙතින් මුදල් ලබාගැනීම සිදුකරමින් යමින් සිටියදී එකතු කරගත් මුදල් රුපියල් කෝටි හතකට අධික මුදලක් රැගෙන පළායාමේ සිද්ධියට සම්බන්ධ ප්‍රධාන සැකකරුවෙකු අද (19) මාකෙවිට ප්‍රදේශයේදී අත් අඩංගුවට ගත් බව ගම්පහ කොට්ඨාස අපරාධ විමර්ශන කාර්යාංශය සදහන් කරයි. 

මුදල් පැහැර ගෙන පළායාම,  මුදල් ලබාගැනීම සිදු කරමින් සිටි වෑන් රථයේ රියදුරා විසින් සිදු කොට තිබීමේ සිද්ධිය සම්බන්ධයෙන් කොට්ඨාස අපරාධ විමර්ශන කාර්යාංශයට ලැබී ඇති තොරතුරක් මත මෙම කොල්ලයේ මහ මොළකරු බව පැවසෙන පුද්ගලයා සමග රුපියල්  3,15,00000 පමණ මුදලක් සමග මාකෙවිට ප්‍රදේශයේ නිවසකදී අත් අඩංගුවට ගත් බව පොලීසිය පවසයි. 

කොල්ලයට සම්බන්ධ තවත් කිහිප දෙනෙකු අත් අඩංගුවට ගැනීම සඳහා පරීක්ෂණ ආරම්භ කර තිබේ.