(ශාන්ත ප්‍රදීප් කුමාර කුලරත්න)

මැතිවරණ රාජකාරී සඳහා මරදාන පොලිස් ස්ථානයෙන් කහතුඩුව පොලිස් ස්ථානයට තාවකාලිකව අනුයුක්ත කර සිටි නිලධාරියෙකු අනවසරයෙන් පලා ගොස් පුද්ගලයකුගේ ජංගම දුරකථනයක් බලහත්කාරයෙන් කොල්ල කමින් සිටියදී (22) දා අත්අඩංගුවට ගත් බව ග්‍රෑන්ඩ්පාස් පොලිසිය පවසයි.

මෙසේ අත්අඩංගුවට ගෙන ඇත්තේ මරදාන පොලිස් ස්ථානයට අනුයුක්තව රාජකාරි නිරතව සිටි (21200) පොලිස් කොස්තාපල් වරයෙකි.

මෙම නිලධාරියා ඉකුත් 19 දා විශේෂ මැතිවරණ රාජකාරි සඳහා කහතුඩුව පොලිස් ස්ථානයට අනුයුක්ත කර තිබු අතර 21 දා රාත්‍රියේ ස්ථානයට නොදන්වා මෙසේ අනවසරයෙන් බැහැරට ගොස් 22 දා උදෑසන 08.30 පමණ  ග්‍රෑන්ඩ්පාස් ප්‍රදේශයේදී පුද්ගලයකුගේ ජංගම දුරකථනයක් බලහත්කාරයෙන් කොල්ලකන  අවස්ථාවේදී සැකකරු පොලිසිය මගින් අත්අඩංගුවට ගෙන ඇති බව පැවසේ.

ඒ අනුව අත්අඩංගුවට ගත් සැකකරු ග්‍රැන්ඩ්පාස් පොලිසිය මගින් අධිකරණයට ඉදිරිපත් කිරීමට නියමිතව තිබුණි.