(මනෝප්‍රිය ගුණසේකර)

දුප්පත්කම දඩම්මා කරගෙන ජීවිතය පිළිබඳ නිසි අවබෝධයක් නොමැති බාල වයස්කාර දරුවන් වහල් භාවයට පත් කරමින් ශ්‍රමය සූරාකන මිනිස් වෙළෙඳාම් කිරීම මනුෂ්‍යත්වයට නොගැලැපෙන තීරස්චීන ක්‍රියාවක් බව පෙන්වා දුන් කොළඹ මහාධිකරණ විනිසුරු නවරත්න මාරසිංහ මහතා මිනිස් වෙළෙඳාම් කිරීමේ චෝදනාවන්ට වරදකරු වු කල්මුණේ ප්‍රදේශයේ පදිංචි තිදරු පියකුට බරපතල වැඩ සහිත වසර 12ක සිර දඬුවම් අද (10) නියම කළේය.

විදේශ ගතවී මාස දෙකක් ගත වීමටත් පෙර හාම්පුතුන්ගේ හිරිහැරයට ලක් වුවත් ජීවිතය රැකගෙන යළි මෙරටට පැමිණීමේ වාසනාව ඇයට හිමි වු බව පෙන්වා දුන් විනිසුරුවරයා එසේ නොවුවානම් අඩු වයසින් විදේශ ගතවී ජීවිතය පූජා කළ රිසානා දැරියට අත් වූ ඉරණමම මෙම දැරියට ද අත්වීමට බොහෝ දුරට ඉඩ තිබුණේ යැයි ද පෙන්වා දෙමින් අදාළ දඬුවම් නියම කළේය.

විත්තිකරුට රුපියල් 25,000/-ක දඩයක්ද මිනිස් වෙළෙඳාමට හසුවු බාලවයස්කාර දැරියට රුපියල් ලක්ෂ තුනක වන්දියක්ද ගෙවීමට නියම කළ විනිසුරුවරයා දඩ සහ වන්දි මුදල් නොගෙවුවහොත් තවත් වසර 1 1/2ක සිරදඬුවමක්ද නියම කළේය.