(  අංජුල මහික සහ මහින්ද  නිශ්ශංක)

මාස 10 කට පසු යාල්දේවී හා රජරට රැජින හෙට (28) ගමන් ආරම්භ කරන බව දුම්රිය දෙපාර්තමේන්තුව පවසයි.

උතුරු දුම්රිය මාර්ගයේ දුම්රිය ධාවනය යලි ආරම්භ කරමින් යාල්දේවී දුම්රිය කොළඹ කොටුව හා කන්කසන්තුරේ අතර ද රජරට රැජින දුම්රිය කොටුව හා අනුරාධපුරය අතර ද ධාවනය කෙරෙන බව නියෝජ්‍ය දුම්රිය සාමාන්‍යාධිකාරී එන්.ජේ.ඉදිපොලගේ මහතා පැවසීය.

හෙට පෙරවරු 5.45 ට කොළඹ කොටුව දුම්රිය ස්ථානයෙන් පිටත් වන යාල්දේවී දුම්රිය පස්වරු 1.23 ට කන්කසන්තුරේ දුම්රිය ස්ථානයට ළඟා වන බව දුම්රිය පාලක මැදිරිය සදහන් කරයි.

කොළඹ කොටුව දුම්රිය ස්ථානයෙන් පස්වරු 1.45 ට පිටත් වන රජරට රැජින දුම්රිය පස්වරු 6.15 ට අනුරාධපුර දුම්රිය ස්ථානයට ළගා වන බව ද පාලක මැදිරිය පවසයි.

 නැවත අනිද්දා (29) පෙරවරු 10.30 ට 

 පිටත් වන යාල්දේවී දුම්රිය පස්වරු 6.30 ට

කොටුව දුම්රිය ස්ථානයට ළඟා වන අතර පෙරවරු 5.30 ට පිටත් වන රජරට රැජින දුම්රිය පෙරවරු 10.18 ට කොළඹ කොටුව දුම්රිය ස්ථානයට ළඟා වීමට නියමිතය.

මේ අතර හෙට සිට කොළඹ කොටුව හා ත්‍රීකුණාමලය අතරද දුම්රියක් ධාවනය කෙරෙන බව නියෝජ්‍ය දුම්රිය සාමාන්‍යාධිකාරී එන්.ජේ.ඉදිපොලගේ මහතා පැවසීය.