(ඩී.ජී.සුගතපාල)
වසරකට ආසන්න කාලයක් තිස්සේ උණවටුන රූමස්සල කඳු පාමුල කොරල්පරවල හිරවි තිබෙන නැව පරණ යකඩවලට කපා ඉවත් කිරීමට පියවර ගෙන ඇතැයි වරාය අධිකාරිය පවසයි.
ගාල්ල සිමෙන්ති සමාගමට ක්ලින්කර් ගෙනැවිත් ගොඩබා පිටත වරායේ නැගුරම්ලා තිබු ඉන්දියානු සමාගමකට අයත් “ශ්රී ලංකා ග්ලෝරි“ නමැති මෙම නැව පසුගිය වසරේ ජූනි මාසයේ 18 වනදින හමාගිය තද සුළඟින් නැගංරම්ද කඩාගෙන ගොස් රූමස්සල කඳු පාමුල කොරල්පරවල හිරවී තිබූ අතර එහි සිටි නාවිකයින් නම දෙනා බේරගනු ලැබිණි.
නැවේ තිබු තෙල් විසිරීමකින් පරිසර හානි ඇතිවීමට ඉඩ තිබු නිසා සමුද්ර පරිසර දූෂණ වැළැක්විමේ අධිකාරියේ අධීක්ෂණය යටතේ නැවේ තිබු තෙල් ටොන් 22ක් ශානිකා මෙරයින් නමැති සමාගම විසින් ඉවත් කරගෙන එම සමාගමට අයත් පුත්තලම පිරිපහදුව වෙත ගෙනයන ලදි.
පසුව නැව වෙළඳ නැව් අධ්යක්ෂවරයා බාරයට ගෙන බාහිර කිසිම පුද්ගලයෙකුට නැවට ඇතුළුවීමද තහනම් කර තිබිණි.
මේ අතර නැව කපා ඉවත් කිරීමට සමුද්ර දූෂණ වැළැක්වීමේ අධිකාරියේද වනජීවි දෙපාර්තමේන්තුවේද නිර්දේශ ලබා දී ඇත.
ඒ අනුව පුද්ගලික සමාගමක් විසින් නැව කපා ඉවත් කරනු ලැබේ.
උතුරු පළාත් අාණ්ඩුකාර පි. එස්. එම් චාර්ල්ස් මහත්මිය සිය ධූරයෙන් අද (23) ඉල්ලා අස්විය.
ඉදිරි දේශපාලන කටයුතු වෙනුවෙන් විපක්ෂයේ පොදු සන්ධානයක් පිහිටුවීම සඳහා සමගි ජන බලවේගය සමඟ සාකච්ඡා අරඹන්නැයි එක්සත් ජාතික පක්ෂ නායක හිටපු ජනාධිපති රනි
සමගි ජන සන්ධානයේ ප්රතිපත්ති පිළිගත හැකි සියලු දෙනාට ඉදිරි මැතිවරණ වෙනුවෙන් දොරටු විවෘත කරන බව විපක්ෂයේ ප්රධාන සංවිධායක පාර්ලිමේන්තු මන්ත්රී ලක්
කුඩාවැල්ල ධීවර වරායෙන් තනි දවසේ ධීවර රැකියාව කිරීමට ධීවරයින් තිදෙනකු සමග ඉකුත් 21 දා දහවල් 1.30 ට පමණ මුහුදු ගිය ධීවර යාත්රාවක් මේ දක්වා ගොඩබිමට නොපැමිණ
කොළඹ කොටස් වෙළෙඳපොළ සී.එස්.ඊ. මිල දර්ශකවල කැපී පෙනෙන ඉහළ යෑමක් අද (23) දිනයේ වාර්තා විය.
සම්ප්රදායික දේශීය නර්තන කලාව ජාත්යන්තරයට ගෙනගිය ජාත්යන්තර සම්මානලාභී ප්රවීණ නර්තන ශිල්පීනි ආචාර්ය වජිරා චිත්රසේන මහත්මිය අද දහවල් (23) අභාවප්
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
රූමස්සල හිරවූ නැව කපා ඉවත් කෙරේ
පහන් Wednesday, 17 June 2020 08:48 AM
ඔය නැව කපලා ඉවත් කරනවට වැඩිය ඔහොම්ම තියෙන්න ඇරියා නම් (සියළුම ඉන්ධන හා අහිතකර ද්රව්ය ඉවත් කළ පසු) එය සාගර ජීවීන්ගේ පැවැත්මට සහ වෙරළ ඛාදනය වැළැක්වීමට හොඳයි නේද? එහෙම බැරිනම් සංචාරකයින්ට නැරඹීම සඳහා වැඩපිළිවෙලක් හැදුවා නම්...
විජිත් Wednesday, 17 June 2020 09:43 AM
ඉතාම කාලෝචිත අදහසක්. ඔබ කීවා වගේ නැවේ ඇති සියලුම තෙල් වර්ග (නැවක තෙල් වර්ග 2 ක් භාවිතා වෙනවා. ඩීසල් - විදුලි උත්පාදක සඳහාත්, " කුණු " භූමිතෙල් නැවේ ප්රධාන එන්ජිම පණගැන්වීම සඳහාත් යොදාගන්නවා. කුණු භූමිතෙල් මිලෙන් අඩුයි. නැවේ ඇති "ඩිලාවල්" මගින් ඒවා පිරිසිදු කරගෙන පාවිච්චි කරනවා.) අයින් කොට,"නැප්තා" වැනි විෂ රසායනිකයන් අයින්කොට, මේ නැව ඔය තියෙන විදිහටම තබා, (අවශ්ය නම් තවත් ශක්තිමත් කොට) එහි කීල් එක ඇති ප්රදේශයේ පිටින් ගෙනෙන කොරල් " පැළ කළානම් " කලකදී ඉතා ලස්සන කුඩා කොරල් උද්යානයක් ඇති කරන්නට තිබුණා. බාහිර පරිසරය ඒ ලෙසම ආරක්ෂාකරමින් නැවේ අභ්යන්තරයේ කැඩී බිඳී ඇති තැන් ආරක්ෂාකාරී ලෙස නැවත ප්රතිසංස්කරණය කළා නම්.. විදේශිකයින් පමණක් නොව දේශීය සංචාරකයිනුත් ආකර්ෂණය කරගත හැකි "රෙස්ටුරන්ට්" එකක් ලෙසත් මෙය භාවිතා කරන්නට තිබුණා. සමහර රටවල ඒ ආකාරයට කටයුතු සිදුකළත්.. අපේ රටේ පාලකයින් හිතන හැටි පිළිබඳව අපිට දෙවරක් හිතන්න වෙලා..
yakaFriday, 19 June 2020 06:21 AM
මෙම නැව කොරල් පරයක් මත රැදී ඇති අතර එය ක්රමක්රමයෙන් කැබලි කීපයකට කැඩී යාමෙ තත්වයක තිබෙනවා. ඔබ සදහන් කල සියලු තත්වයන්ද සැලකිල්ලට ගෙන හොඳම විසදුම ලෙස තමයි මෙ කපා ඉවත් කිරීම සිදුකරන්නෙ.
Anura Wednesday, 17 June 2020 09:25 AM
මේ ආණ්ඩුවේ ඉන්නවා යකඩ මුදලාලි කෙනෙක් පරණ නැව් පෙන්නන්න බැහැ. මතකයිනේ යුද්ධය ඉවර වුණු ගමන්ම නන්දිකඩාල් වල තිබ්බ ඔයවගේ තව නැවකුත් ඉක්මනට යකඩවලට කපාගත්තා..
ravi Wednesday, 17 June 2020 10:51 AM
ඕක පංචිකාවත්තේ මුදලාලි කෙනෙකුට බාරදුන්නා නම්... විනාඩි 5කින් නැව තිබුණු තැනවත් නැහැ.
S.P Thursday, 18 June 2020 03:41 AM
මේ නැව කපලා ඉවත් කරන සමාගම මොකක්ද?
Samudra Thursday, 18 June 2020 03:49 AM
අපි නම් දන්නවා යකඩ ගිලින බහිරවයො කවුද කියලා. වැඩක් නෑ.අහිතකර දේවල් අයින් කලාට පස්සෙ ස්වාභාවික සමුද්ර පරිසර පද්ධතියක් බවට කාලය විසින් ඔය යකඩ ගොඩ පත් කරනවා.වෙන රටවල් වල එහෙම දේවල් තියෙනවා.කෝටි ගණන් වියදම් කරල ගොඩබිම සිමෙන්ති වලින් හදපු පිළිම ගිහින් මූදෙ ගිල්වලා සමුද්ර කෞතුකාගාර හදනවට වැඩිය ලේසියෙන් ඒක කරන්න තිබුනා.