ලංකා ආර්ථිකය ගොඩ නගන්න ඇමරිකා සහය

(අංජුල මහික වීරරත්න)

ශ්‍රී ලංකාවේ ආර්ථිකය ශක්තිමත් කිරීම සඳහා අවශ්‍ය ඕනෑම සහයෝගයක් ලබාදීමට ඇමෙරිකා එක්සත් ජනපදය එකඟතාව පළ කර ඇතැයි ශ්‍රී ලංකාවේ ඇමෙරිකානු තානාපති ජූලි චන්ග් මහත්මිය ජනාධිපති ලේකම් ආචාර්ය නන්දික සනත් කුමානායක මහතා හමුවේ පැවසීය.

ශ්‍රී ලංකාවට අපනයන වෙළඳ ආර්ථිකයක් නිර්මාණය කිරීම සඳහා අවශ්‍ය සහයෝගය ලබාදෙන බව ද ඇමෙරිකා තානාපතිනිය ප්‍රකාශ කළාය.

ජනාධිපති ලේකම් ආචාර්ය නන්දික සනත් කුමානායක මහතා හා ශ්‍රී ලංකාවේ ඇමෙරිකානු තානාපති ජූලි චන්ග් ( Julie Chung) මහත්මිය අතර ජනාධිපති ලේකම් කාර්යාලයේදී අද (08) පෙරවරුවේ පැවැති සාකච්ඡාවේදී මෙම කරුණු අනාවරණය විය.

ජනාධිපති අනුර කුමාර දිසානායක මහතාගේ ජයග්‍රහණය වෙනුවෙන් ඇමෙරිකා එක්සත් ජනපද ජනාධිපති ජෝ බයිඩන් මහතාගේ සුබ පැතුම් පණිවිඩය ද ශ්‍රී ලංකාවේ ඇමෙරිකා තානාපති ජූලි චන්ග් මහත්මිය විසින් ජනාධිපති ලේකම්වරයා වෙත මෙහිදී පිළිගන්වනු ලැබීය.

ශ්‍රී ලංකාවේ ආර්ථිකය නැංවීම සඳහා ජාත්‍යන්තර මූල්‍ය අරමුදල, එක්සත් ජනපද ජාත්‍යන්තර සංවර්ධන ඒජන්සිය (USAID) මඟින් ලබාදිය හැකි මූල්‍ය සහයෝග ලබාදීමට සූදානම් බව ද මෙහිදී ඇමෙරිකා තානාපතිනිය සඳහන් කළාය.

වංචා දූෂණ අක්‍රමිකතා වැළැක්වීම සඳහා ජනාධිපති අනුර කුමාර දිසානායක මහතා ගෙනයන වැඩපිළිවෙලට මූල්‍ය සහ තාක්ෂණික දායකත්වය ලබාදීමටද ඇමරිකානු එක්සත් ජනපදය සහතික විය.

යහපත් රාජ්‍ය පාලනයක් සඳහා ලබා දිය හැකි ඕනෑම සහයෝගයක් ලබාදීමටත් ශ්‍රී ලංකාවේ ආරක්ෂාව සුරක්ෂිත කිරීම සඳහා අවශ්‍ය ඕනෑම අවස්ථාවක සහයෝගය ලබාදීමටත් එක්සත් ජනපදය මෙහිදී එකඟාව පළ කර ඇත.a

අදහස් (8)

ලංකා ආර්ථිකය ගොඩ නගන්න ඇමරිකා සහය

sunil Tuesday, 08 October 2024 02:49 PM

චන්දයට පෙර, අනුරට ඉංග්‍රීසි බෑ . ජාත්‍යන්තරය දිනන්න පුළුවන් රනිල් ට පමණයි කියා ජනතාව නොමග යැවීමට දරපු අය දැන් වත් ඒ සියල්ල බොරු තර්ක බව ජනතාවට ඇවිල්ල කියල ජනතාවගෙන් සමාව ඉල්ලිය යුතුයි.

: 5 41

Nihal Dharmatileke Tuesday, 08 October 2024 02:56 PM

ඇමරිකානුවන් ඇතුවත් බෑ නැතුවත් බෑ

: 7 24

කිරිහාමිTuesday, 08 October 2024 05:45 PM

ලංකාවේ විතරක් නොවේ, ලෝකෙ අනික් රටවලිනුත් මිනිස්සු ඇමරිකාව, (Schengen) යුරෝපෙ, ඔස්ට්‍රේලියාව, ජපානය වගේ රටවල් වල සංචාරයට, පදිංචියට යන්නෙ ඇයි? විශේෂම හේතුවක් නැත්තං (ස්නෝඩ්න් වගේ), රුසියාවෙ, චීනෙ, එහෙම නැත්තං අරාබි රටවල පදිංචියට නොයන්නෙ ඇයි? හේතු හොයාගත්තනං තේරුම්යයි "ඇමරිකන් මොඩ්ල්" එක අනික් ඒවට වඩා හොඳයි කියලා. ඒකෙන් මම අදහස් කරන්නෑ මේ මොඩලය වැරැදි නෑ කියලා.

: 0 0

sukitha Tuesday, 08 October 2024 03:25 PM

රුසියාව චීනය සමඟ අපට කැමති විදියට ගනුදෙනු කරන්න දෙන්න. ඊට වඩා වැඩි සහයෝගයක් තවත් නැහැ.

: 5 22

ajithWednesday, 09 October 2024 11:45 AM

එහෙම වෙනවා නම් හොඳයි. නමුත් එය යථාර්ථයට පටහැනි සිහිනයක්...!

: 0 0

ජිල්බු Tuesday, 08 October 2024 05:28 PM

මට ඡන්දෙට කලින් ඉංග්‍රීසි බෑ. ඡන්දෙට පස්සෙත් බෑ.

: 0 0

Dias R Wednesday, 09 October 2024 01:31 AM

බලාගෙන....ජුලී චුන්ග් ඈමෙරිකන් බොරුකාර ආගමික ප්‍රචාරක කට්ටියක්...

: 0 0

don Wednesday, 09 October 2024 04:49 AM

ඇමෙරිකාව නැතුව රටකට ගොඩයන්න අමාරුයි. ඒක මතක තියාගන්න.

: 0 0

ඔබේ අදහස් එවන්න

දියත

තෙවන ලෝක යුද්දයට එරෙහිව බෞද්ධයෝ පෙළ ගැසෙති

2024 නොවැම්බර් මස 25 539 0

ලෝකය තුළ යළි හිස ඔසවමින් පවතින යුද මානසිකත්වය මුළුමනින්ම තුරන් කර, සාමකාමී ලෝකයක් බිහිකිරීමේ අරමුණින් යුතුව ඉන්දියාවේ බුද්ධගයා පූජා භූමියේ ශ්‍රී මහ

කලපුවේ සැඟවුණු මල් කැකුලිය

2024 නොවැම්බර් මස 25 1099 0

මිගමුව කලපුවේ කුඩා ධීවර යාත්‍රාවක් පෙරළී යාමේන් අතුරුදහන් වු පියා හා දියණියෙගේ සිරුරු අද දහවල් මිගමුව මුන්නක්කරේ සිරිවර්ධනපුර කලපු තිරයේ තිබියදී ස

කුඩා දැරියකට අතවර කළ එක් දරු පියා වසර 8කට හිරේ

2024 නොවැම්බර් මස 25 761 0

කොළඹ ප්‍රදේශයේ වෙසක් සිරි නැරඹීමට සිය දෙමාපියන් සමඟ පැමිණී 11 හැවිරිදි දරුවකුට වෙසක් කලාපයක කුටියක් තුළදී බරපතළ ලිංගික අපයෝජනය කිරීමේ චෝදනාවන්ට වරදක

උසස් පෙළට එරෙහිව පෙත්සමක්

2024 නොවැම්බර් මස 25 875 0

මෙවර අ.පො.ස. උසස් පෙළ විභාගය පැවැත්වීම වලකාලන අතුරු නියෝගයක් නිකුත් කරන්නැයි ඉල්ලා ශිෂ්‍යාවක ගොනු කර ඇති මූලික අයිතිවාසිකම් පෙත්සම සම්බන්ධයෙන් කරුණු

අර්චුනා ගැන පරීක්ෂණයක්

2024 නොවැම්බර් මස 25 1634 2

යාපනය දිස්ත්‍රික් පාර්ලිමේන්තු මන්ත්‍රී අර්චුනා රාමනාදන් මහතාගේ ක්‍රියා කලාපය සම්බන්ධයෙන් පරීක්ෂණයක් පවත්වන බව කතානායක අශෝක රන්වල මහතා පැවැසීය.

සහල් ගැන හිටපු කෘෂි අධ්‍යක්ෂ කතා කරයි

2024 නොවැම්බර් මස 25 1442 1

රටින් සහල් ගෙන්වීම අවශ්‍ය නෑ. 2023/2024 මහ කන්නය සහ යල කන්න දෙක තුල මෙරට වී මෙට්රික් ටොන් 4. 24 ක් නිෂ්පාදනය කළා . වාර්ෂික සහල් අවශ්‍යතාවය සහල් මෙට්රික් ටොන් මිලි