(ටී.කේ.ජී.කපිල)

2022 - හතර වන ලෝක කුසලාන සූපවේදී තරගාවලියට (Calinary World Cup - 2022 ) ශ්‍රී ලංකාව නියෝජනය කරමින් සහභාගී වූ ශ්‍රී ලාංකික සූපවේදීන් එකොළොස් දෙනකු රන් පදක්කම් 06 ක්,රිදී පදක්කම් 06 ක් සහ ලෝකඩ පදක්කම් 09 ක් දිනා අද අලුයම කටුනායක ගුවන් තොටුපළෙන් දිවයිනට පැමිණියහ.

සෑම වසර හතරකටම වරක් පවත්වන මෙම තරගාවලියට මෙවර රටවල් 55 ක් නියෝජනය කරන සූපවේදීන්ගේ සහභාගීත්වයෙන් ලක්සම්බර්ග් හිදී නොවැම්බර් 19 සිට නොවැම්බර් දක්වා පැවැත්විණි

මෙම තරගාවලිය තුළ උණුසුම් ආහාර සැකසීම ( Hot Cooking ) සහ ප්‍රේස්ට්‍රි (Pestri ) යන අංශ වල ආහාර පිළියෙල කිරීමේ ඉසව්වලදී වැඩි දක්ෂතා පෙන්නුම් කළ බව මෙම ශ්‍රී ලාංකික සූපවේදී කණ්ඩායමේ නායක දිමුතු කුමාරසිංහ මහතා ගුවන් තොටුපළේ දී පැවසීය .

එසේම මෙම ජයග්‍රහණයන් ලෝකයේ සංචාරකයන්ගේ අවධානය ශ්‍රී ලංකාව වෙත දිනා ගැනීමට හේතු වන බැවින් මෙම ජයග්‍රහණයන් අනාගතයේ ශ්‍රී ලංකාවේ සංචාරක කර්මාන්තය නගා සිටුවීමට බෙහෙවින් උපකාර වන බව ද දිමුතු කුමාරසිංහ මහතා පැවසීය .

මෙම තරගාවලිය නියෝජනය කිරීම සදහා සහභාගී වූ ශ්‍රී ලාංකික සූපවේදීන් අතර එයිට්කන් ස්පෙන්ස් හෝටල් සමූහය නියෝජනය කරන සූපවේදීහු 07 දෙනෙක් , ෂැංග්‍රිල්ලා හෝටලය නියෝජනය කරන සූපවේදීහු තිදෙනෙක්ති සහ බාරෝස් හෝටලය නියෝජනය කරන එක් සූපවේදියෙක් සහභාගී වූහ .