(විමුක්ති එස් රුද්‍රිගු)

ශ්‍රී ලංකාවට වැඩිදුර මූල්‍ය සහාය සැපයීමට ආසියානු සංවර්ධන බැංකුව සූදානම් බව එම බැංකුවේ සභාපති මසට්සුගු අසකාවා මහතා වාර්ෂික රැස්වීමේදී ප්‍රකාශ කළේය.

ශ්‍රී ලංකාවේ උද්ධමනය අගෝස්තු මස සියයට 70.2 ක් වී ඇති බවත් ඉහළ උද්ධමනයෙන් පීඩා විඳීම හේතුවෙන් ජනතාවගේ ජීවන රටාවටද බලපෑම් එල්ල වී ඇතැයි ඔහු පෙන්වා දුන්නේය.මේ අභියෝගාත්මක කාලයේදී ශ්‍රී ලංකාවට සහාය වීම සඳහා මෙරට රජය සමග සමීපව කටයුතු කරන බව අසකාවා මහතා පැවසුවේය.

ණය හිමියන්ගේ මූල්‍ය සහතික ලබා ගනිමින් සහ අනිකුත් නිර් දේශ ක්‍රියාත්මක කරමින් ශ්‍රී ලංකාව ජාත්‍යන්තර මූල්‍ය අරමුදලේ ඩොලර් බිලියන 2.9 ක ණය මුදල ලබා ගැනීම සඳහා විධායක මණ්ඩලයේ අනුමැතිය ලබා ගනු ඇතැයි තමන්ට විශ්වාස බව අසකාවා මහතා ප්‍රකාශ කළේය.

ජාත්‍යන්තර මූල්‍ය අරමුදලේ ආධාර වැඩසටහන සම්පූර් ණ කර පසු ශ්‍රී ලංකාවට අමතර මූල්‍ය සහාය ලබාදෙමින් මෙම අර් බුදයෙන් ගලවා ගැනීමට සිතා බලන බව අසකාවා මහතා පැවසුවේය.