(හිරාන් ප්‍රියංකර ජයසිංහ)

නීති විරෝධී ලෙස මුහුදු මාර්ගයෙන් රැගෙන විත් ප්‍රවාහනය කරමින් තිබු රුපියල් ලක්ෂ 70 කට අධික වියළි ඉගුරු තොගයක් සැකකරුවන් සිව් දෙනෙකු සමග කල්පිටිය පොලිස් විශේෂ කාර්යාංශ නිළධාරීන් විසින් අද (1)  අත්අඩංගුවට ගනු ලැබීය. 

මෙසේ අත් අඩංගුවට ගෙන ඇත්තේ පුත්තලම පදිංචි අවුරුදු 40,45, සිමාවල සැකකරුවන් බව කියයි.

ඉන්දියාවේ සිට මුහුදු මාර්ගයෙන් කල්පිටියට රැගෙන විත් කල්පිටිය සම්මට්ට වාඩිය ප්‍රාදේශයෙ සිට ලොරි රථයකින්  නැවත ප්‍රවාහනය කරමින් තිබියදී අත් අඩංගුවට ගත් බව පොලිස් විශේෂ කාර්යාංශය සමත්ව තිබුනී.

මෙම වියළි ඉගුරු තොගය උර 50 ක අසුරා තිබු බවත් එහි කිලෝ 1813 ක ප්‍රමාණයක් තිබු බව කල්පිටිය පොලිසිය කියයි.

අත්අඩංගුවට ගත් සැකකරුවන් හා ඉගුරු තොගය සම්බන්ධව ඉදිරි විමර්ශන ආරම්භ කර ඇති බව කල්පිටිය පොලිසිය කියයි.