(මුදිතා දයානන්ද)
ශ්රී ලංකා ගමනා ගමන මණ්ඩලයේ ධාවනයෙන් ඉවත් කළ බස් රථ අලුත් වැඩියාව සඳහා ලබා දුන් කෝටි 277ක් වෙනත් කටයුතු සඳහා යොදවා ඇති බව විශේෂ විගණන වාර්තාවකින් අනාවරණය වේ.
ගමනාගමන මණ්ඩලය සතු බස්රථ 6951 න් 1105ක්ම ධාවනයට කළ නොහැකි තත්වයේ පවතින බව ජාතික විගණන කාර්යාලය නිකුත් කළ විශේෂ විගණන වාර්තාවකින් අනාවරණය වේ.
ධාවනය කළ නොහැකි බස් රථ පුනරුත්ථාපනය කර නැවත ධාවනයේ යෙදවීම සඳහා මහාභාණ්ඩාගාරයෙන් ලබාදුන් කෝටි 277ද වෙනත් කටයුතු සඳහා වැය කර ඇති බවද එම විගණන වාර්තාවේ සඳහන් වේ.
ඒ නිසා කිසිදු බස් රථයක් පුනරුත්ථාපනය කර නැවත ධාවනයට එක් කර නැති බවද එම විගණන වාර්තාවේ සඳහන් වේ.
ඒ අනුව බස් රථ පුනරුත්ථාපනයට 2022 වර්ෂයේදී රුපියල් කෝටි 75ක් හා 2023 වර්ෂයේදි රුපියල් කෝටි 202ක් මහාභාණ්ඩාගාරයෙන් ලබාදී ඇත.
ගමනාගමන මණ්ඩලේය ප්රතිපාදන යොදාගෙන දැනට ධාවනයේ යොදවන බස් රථ අතුරින් විශාල ප්රමාණයකට දුම් සහතික ලබාගෙන නැති බවද මහනුවර ඩිපෝවේ පමණක් බස් රථ 226ක් එලෙස දුම් සහතික ලබාගෙන නැති බවද එම විගණන වාර්තාවේ සඳහන් වේ.
මේ සම්බන්ධයෙන් ලංකාදීපය වෙත අදහස් දැක්වූ ලංකා ගමනාගමන මණ්ඩලයේ සභාපති ලලිත්ද සිල්වා මහතා සඳහන් කළේ නැවත භාවිතයට ගත හැකි බවට හඳුන්ගත් බස් රථ 852න් 400ක් 2023 වසර අවසන් වන විට අලුත්වැඩියා කර අවසන් කළ බවය. පසුගිය වසරේ ඉතිරි රථ සංඛ්යාවත් සමග මේ වසරේ බස් රථ 770ක් අලුත් වැඩියා කිරීමට හඳුනාගෙන ඇති බවද ඒ සඳහා මහාභාණ්ඩාගාරයෙන් රුපියල් කෝටි 150ක් ලැබි ඇති බවද ඔහු පැවසීය.
මුදල් ලැබී තිබුණද බස්රථ අලුත් වැඩියා කිරීමට නොහැකි වූයේ ආර්ථික අර්බුදය තුළ ආනයන සීමා පැනවීම නිසා වාහන අමතර කොටස් හිගයක් රට තුළ මතුවීම නිසා බවද සභාපතිවරයා පැවසීය.
බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් වැසි වාර කිපයක් ඇති වන බව කාලගුණ විද්යා දෙපාර්තමේන්තුව කියයි.
නව ජනාධිපතිවරයා ලෙස පත්වීමෙන් පසුව සාම්ප්රදායානුකුලව ආරක්ෂක ප්රධානීහු සේනාධිනායක ජනාධිපති අනුර කුමාර දිසානායක මහතා ජනාධිපති කාර්යාලයේ දී හමු වූ
රජයේ සංස්ථා මණ්ඩල අධිකාරි යනාදී ව්යවස්ථාපිත ආයතනවල සභාපතිවරුන් සහ අධ්යක්ෂවරුන්ට එම තනතුරුවලින් ඉවත් වන ලෙස රජය දැනුම්දී ඇතැයි වාර්තාවේ.
මාදිවෙල මන්ත්රී නිල නිවාස වලින් ඉවත්වන ලෙස එහි පදිංචිව සිටින මන්ත්රීවරුන් 108 දෙනාට ලිඛිතව දැනුම් දී ඇත.
ලේකම්වරුන්ගේ ගැටලු ඇති දේශපාලන පක්ෂ පහකට මෙවර මහ මැතිවරණයට තරග කිරීම සඳහා අවසර නොදීමට මැතිවරණ කොමිෂන් සභාව තීරණය කර ඇත.
හිටපු 6 වන විධායක ජනාධිපති මෛත්රීපාල සිරිසේ මහතාගේ නිල ස්වයං ස්මරණීය චරිතාපදානය ’සිහිනය නොනිමිය’ නමින් එළිදැක්වීම අද (04)ගෝල් ෆේස් හොටෙල්හිදී සිදුකෙර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
විගණන වාර්තාවෙන් ලංගමය ගැන හෙළි වූ දේ