(ශ්රීනාත් ප්රසන්න ජයසූරිය)
කොස්වාඩිය ප්රදේශයේ පදිංචි අයකුටඉතාලි බලා යෑමට නියමිතව සිටි දිනට පෙර දින රාත්රියේ යතුරුපැදියකින් පැමිණි නාදුනන පුද්ගලයන් දෙදෙනෙකු පිස්තෝලයකින් වෙඩි දෙකක් තබා ඇතත් ඒ අවස්ථා දෙකේදීම ගිනි අවිය ක්රියාත්මක නොවීම නිසා ඔහුගේ ජීවිතය අනූ නවයෙන් බේරී ඇතැයි මාරවිල මූලස්ථාන පොලීසිය පවසයි .
ඔහු වසර 19ක කාලයක් තිස්සේ ඉතාලියේ රැකියාවක නිරතව සිටින අයෙක් යයිද පොලිසිය සඳහන් කරයි .
තුන්වෙනි අවස්ථාවේ ගිනි අවිය ක්රියාත්මක කළ අවස්ථාවේ නිකුත් වූ වෙඩි උණ්ඩය අසල්වැසි නිවසක සිටි කාන්තාවකගේ හිස ළඟින්ම ගොස් බිත්තියේ වැද ඇතැයි මාරවිල පොලීසියේ නිලධාරියෙක් ලංකාදීපයට පැවැසීය.
නාඳුනන පුද්ගලයන් දෙදෙනෙකු ඊයේ ( 2 ) රාත්රි 7ට පමණ නිවස ඉදිරිපිටට පැමිණ ඉතාලි යෑමට සිටි පුද්ගලයාගේ නම කියා කථා කර හොඳට සැප ගන්නවා නේද කියා විමසා ඇතැයි පොලිසිය කියයි .
මිතුරන් දෙදෙනෙකු පැමිණ ඇතැයි කියා සිතූ ඔහු මචං උඹලා කවුද මට එකපාරටම හඳුනාගන්න බැහැ යැයි කියා විමසමින් යතුරුපැදිය ආසන්නයට පැමිණ ඇත .
යතුරු පැදිය පිටුපස අසුනේ වාඩිවී සිටි පුද්ගලයා එකවරම පිස්තෝල අවියකට සමාන ගිනි අවියක් ඔහු ගේ පපු ප්රදේශය ආසන්නයට ම එල්ල කර කොකා ගස්සා ඇතත් ගිනි අවිය ක්රියාත්මක වී නොමැති බව මාරවිල මූලස්ථාන පොලීසිය පවසයි
මෙයින් බියට පත් වූ ඔහු පලා යනවාත් සමඟම නාදුනනතුවක්කුකරු යළිත් ගිනි අවියේ කොකා ගස්ස ඇතත් ඒ අවස්ථාවේ ද ගිනි අවිය ක්රියාත්මක වී නොමැති බව එම පොලිස් නිලධාරියා කීය
තුන්වැනි වරට ගිනි අවියේ කොකා ගැස්සූ අවස්ථාවේ අවිය ක්රියාත්මක වී නිකුත් වූ උන්ඩ ය අසල්වැසි නිවසක සිටි කාන්තාවගේ හිස අසලින්ම ගොස් බිත්තියේ වැද ඇති බව පොලිසිය කියයි
අසල තිබූ පොල්වත්තකට පැන සැඟවී සිටි මොහු සැහෙන වෙලාවක් එහි ගත කර පසුව මේ ගැනපොලීසියට දැනුම් දී ඇත.
වෙඩි තැබීම සිදුවෙන අවස්ථාවේ ඔහුගේ බිරිඳ සහ දරුවන් ද නිවස තුළ සිට ඇතැයි පොලීසිය සඳහන් කරයි.
වාසනාවකට ජීවිතය අනූ නවයෙන් බේරාගත්මොහු අද( 3 ) අලුයම ඉතාලිය බලා පිටත්ව ගොස් ඇත
ඉතාලිය බලා යෑමට ප්රථම සිද්ධියට අදාළව මොහු පොලීසියට ප්රකාශයක් ද ලබාදී තිබේ.
දන්නා තරමින් තමාට තරහකරුවන් නොමැති බවද එවැන්නක් කළේ කුමන අරමුණකින් ද යන්න නොදන්නා බවත් ඔහු පොලිසියට පවසා ඇතැයි පැවසේ.
වසර 19 ක පමණ කාලයක් සිට ඉතාලියේ රැකියාවක නිරතව සිටින මොහුවරින් වර බිරිඳ සහ දරුවන් බලා නිවාඩුවක් ගත කිරීම සඳහා පැමිණ යන අයෙකි
සුපුරුදු පරිදි මොහු මීට මාසයකට පමණ ඉහතදී මෙරටට පැමිණ යළි ඉතාලියේ බලා යෑමට සූදානම්ව සිටියදී ඊට පෙර දිනයේ මෙම සිද්ධියට මුහුණ පා ඇත .
හික්කඩුව කුමාරකන්ද හන්දියේ රෙදිපිළි වෙළදසලක් වෙඩි ප්රහාරයකට ලක් වූ සැමියා මියගිය බව පොලිසිය කියයි.
ලංකාව තුළ ආයෝජනය කරනු ලබන ව්යාපෘතියක් සදහා ඇමෙරිකානු ඩොලර් මිලියන 2.8 ක මුදලක් ගෙවන බව පවසා විදේශීය ආයෝජකයන්ගෙන් රුපියල් ලක්ෂ 56 ක මුදලක් වංචා කළ බව කියන
ඇමෙරිකාව ශ්රී ලංකාවට සියයට 44 ක නව අපනයන බද්දක් පැනවීමෙන් මෙරට ඇඟලුම් කර්මාන්තයට බරපතල අවාසියක් වන බවත් ආණ්ඩුව ඒ සඳහා කමිටුවක් පත් කිරීම පමණක් කර ඇති බ
හොරොව්පොතාන රත්මලේ ප්රදේශයේ මඩේ එරී සිටි කෙනරක නිරුපද්රිතව ගොඩ ගෙන යළි රක්ෂිතයට මුදා හැරීමේ මෙහෙයුමක් හොරොව්පොතාන වනජීවී නිලධාරීන් අද (03) ක්රියාත
මැණික් හා ස්වර්ණාභරණ අධිකාරියේ පාලක මණ්ඩලය 2023 වසරේදී ලක්ෂ 61ක මුදලක් වියදම් කර ලාස් වේගාස්හි මැණික් ප්රදර්ශනයකට යාම පිළිබඳව කෝප් කාරක සභාව කරුණු විමස
උඩරට දුම්රිය මාර්ගයේ නානුඔය බදුල්ල සහ බදුල්ල නානුඔය අතර ධාවනය වන දුම්රියන් දෙකක් අද (3) අවලංගු කළ බව නාවලපිටිය දුම්රිය පාලන මැදිරිය පවසයි .
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්යක්ෂකවරයෙක් තමයි ජෝ දිසානායක. Hello Dada අධ්යකෂණය සිදු කරන්නේද ඔහු විසින්ම. බොහෝ ජනප්රිය
ප්රයිම් සමූහය ශ්රී ලංකාවේ දේපළ වෙළඳාම් ක්ෂේත්රයේ පෙරළියක් සිදුකරමින් නව ගෙවීම් ක්රමවේදයක් හඳුන්වා දීමට පසුගියදා කටයුතු කළේ ය.
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්
වෙඩික්කරුගේ උත්සාහය තෙවරක් අසාර්ථකයි
Bunny Preena Monday, 03 April 2023 12:50 PM
සුවකළ නොහැකි රෝගයකින් පෙළෙන කවුරුහරි එහෙමත් ...‘‘ උඩින් මිතුරු ... යටින් හතුරු‘‘ කෙනෙකු සෙට් කරපු වැඩක්වත්ද?
යෝගා Monday, 03 April 2023 01:24 PM
ඒ අයට ඕනෑ ඔයා සැරෙන් සැරේ ගෙදර එනඑක නවත්තන්න. තේරෙන්නේ නැද්ද?
kamal Monday, 03 April 2023 01:32 PM
වහාම කාටවත් නොකියා හොර රහසේම වෙනත් පළාතකට පිටවී යාම හොඳ නැත්ද? ගිය පළාතේ ඉතාලි කතා නොකර ඉඳීමත් හොඳයි...
කසුන් Monday, 03 April 2023 02:07 PM
එයාව දාලා හෙණරාජ තෛලයේ ඇඩ් එකක් හදමු...
නිරෝෂන් Monday, 03 April 2023 03:50 PM
දැන් මිනිස්සු තවත් මිනිහෙක් කාලබීලා ඉන්නවා බලාගෙන ඉන්න බැරි ඉරිසියා කාරයෙක්ගේ වැඩක් වෙන්න පුළුවන්...!