වඩයයි - පේලේන්ටියයි අටසීයට දුන් සංචාරක මඟ පෙන්වන්නා කූඩුවට

(සුමිත් පොතුපිටිය)

බෙල්ජියම් ජාතිකයකුට රුපියල් 800 ක මුදලකට උළුඳු වඩේ එකක් සහ ප්ලේන්ටියක් අලෙවි කළ බව කියන සංචාරක මග පෙන්වන්නකු අත්අඩංගුවට ගත් බව සංචාරක පොලිසියේ නිලධාරියෙක් පැවසීය.

කළුතර නගරයේ සැරිසරමින් සිටි සංචාරක මඟ පෙන්වන්නෙකු විදේශිකයාට උදව් කරන මුවාවෙන් කළුතර නගරයේ පිහිටි අවන්හලකට රැගෙන ගොස් උළුඳු වඩේ එකක් සහ ප්ලේන්ටියක් මිලදී ගැනීමට සලස්වා තිබේ.

පසුව බෙල්ජියානුවා සංචාරක මඟ පෙන්වන්නා ගෙන් එහි මිල විමසා ඇති අතර , මිල රුපියල් දහසක් බව පළමුව ඔහු දැනුම් දී තිබේ.

මිල අදහා ගත නොහැකි බව විදේශිකයා සංචාරක මඟ පෙන්වන්නට දැනුම් දී ඇති අතර, පසුව එය රුපියල් 800 ක් දක්වා අඩුකර ඇති බව වාර්තා වේ.

පසුව විදේශිකයා රුපියල් දහසක මුදලක් ලබා දී ඉතිරි මුදල් ලබාගෙන වෙළඳ සැලෙන් පිටව ගොස් ඇති අතර, සියල්ල ජංගම දුරකථනයේ පටිගත කොට තිබේ.

ඔහු වෙළඳසැල ඉදිරිපිට රැඳී සිටිමින් මහමග ගමන් ගත් කාන්තාවන් දෙදෙනකුගෙන් උළුඳු වඩේ එකක මිල විමසා ඇති අතර, එහි සාමාන්‍ය මිල රුපියල් 150 ක් පමණ වන බව ඇය විසින් දැනුම් දී තිබේ.

බෙල්ජියම් ජාතිකයා එය ද සිය ජංගම දුරකථනයේ පටිගත කොට අන්තර්ජාලයට මුදා හැර ඇති අතර, එය නිරීක්ෂණය වීමෙන් පසු සංචාරක පොලිසිය සහ පාරිභෝගික සේවා අධිකාරිය විසින් සංචාරක මඟ පෙන්වන්නා අත්අඩංගුවට ගෙන අධික මිලකට අලෙවි කිරීමට කටයුතු කිරීම සම්බන්ධයෙන් වෙළඳසල් හිමියාටද නඩු පැවරීමට ක්‍රියාකර ඇති බව පොලිස් නිලධාරියෙක් පැවසීය.

අදහස් (15)

වඩයයි - පේලේන්ටියයි අටසීයට දුන් සංචාරක මඟ පෙන්වන්නා කූඩුවට

nimal Thursday, 18 April 2024 10:18 PM

සංචාරක මඟ පෙන්වන්නා හෝ වෙළද ආයතන තුළ මෙවැනි සිදුවීම් සිදුවන්නේත් දුෂිතයන් බිහිවන්නේත් (ව්‍යාපාරිකයන් සහ මඟපෙන්වන පුද්ගලයන් ) රට තුළ නිසි ක්‍රමවේදයක් නොමැති නිසාවෙනි. වැරදි කරනාවූ පුද්ගලයනට දඩුවම් ලබදෙනසේම ක්‍රමවේදයක් ඇතිකළ යුතුවේ.

: 2 41

සමන් ජයසේකර Thursday, 18 April 2024 10:34 PM

මූටත් දේශපාලුවන්ට ගහන හෙණම ගහන්න ඕනේ.රට කන එවුන් .ජාතිය දහම විනාශ කරන එවුන්

: 3 32

nuwan Thursday, 18 April 2024 10:51 PM

අනේ මහත්තයෝ ..ඔය විදියට කොන්ද පණ තියෙනවා නම් එයාර්පෝර්ට් එකේ ඉන්න හොර ටැක්සි කාරයො ටිකයි ,ට්‍රොලි තල්ලු කරන්න ඉන්න හොර පෝටර්ල ටිකයි අල්ලන්නකො.මිනිහෙක් රටට පය තිබ්බ තැනින්ම හූරන් කන්න හදන්නෙ අන්න ඒ හොරු සෙට් එක.මිනිස්සුන්ට වදයක් වෙන විදියට හැසිරිල බලෙන් සල්ලි ගන්න ඒ අයව අල්ලන්න බයයිද නැත්තන් තමන්ගෙ පංගුව නැති වෙන නිසාද?

: 0 58

Prabha Thursday, 18 April 2024 11:29 PM

ඉතින් සංචාරකයෝ එයිද?

: 0 22

අසාධාරණ Friday, 19 April 2024 06:04 AM

අයකලා වගේ දස ගුණයක් සංචාරකයාට වන්දියක් හැටියට ගෙවීමට කටයුතු කළොත් ඔහොම දේවල් නොවෙයි කියලා හිතෙනවා. වාහන සඳහා දඩකොළ දෙන ආකාරයට මොවුන් සඳහා ක්ෂනික ක්‍රියාමාර්ග ගැනීම සංචාරකයින්ට පහසුයි වගේම රටේ නම්බුවටත් හොඳයි...

: 1 31

primeshika Friday, 19 April 2024 06:19 AM

රටට ඩොලර් ගේන්න කිව්වට මොන බලු වැඩේ හරි කරලා ඩොලර් ගෙන්න කිව්වේ නෑ

: 0 22

Rodney Friday, 19 April 2024 07:10 AM

මෙය නැවැත්විය යුතුයි. තායිලන්තයේ මෙවැනි වංචා බහුලව සිදුවන බව මම අත්දැක ඇත්තෙමි.

: 1 12

Lalla Friday, 19 April 2024 08:06 AM

මේ වගේ නීචයෝ ඉන්දියාවේ කලාතුරකින් ඉන්නවා. ඒත් තායිලන්තය මැලේසියාව වගේ රටවල් එහෙම නෑ. ඒ රටවල මිල සෑම විටම ප්‍රදර්ශනය කර තියනවා. ආහාරවල තත්ත්වය ඉතාම ඉහළයි.අපට වඩා මිලත් අඩුයි. කෑමට අපි ගෙවන මිල ඉතාම අසාධාරණ බව පේනවා. විශේෂයෙන්ම පලතුරුවල තත්ත්වය දියුණු කළ යුතුයි. වස යොදා නොමේරූ පලතුරු ඉදවීම නීති මගින්ම තහනමට ලක්විය යුතුයි.

: 1 28

SASANKA Friday, 19 April 2024 09:12 AM

කාලකණ්ණියාව තියන්න ඕනේ ඇතුලේ මාසයක් වත්...

: 1 16

තොත්ත බබා Friday, 19 April 2024 10:52 AM

සංචාරකයන්ගේ ආරක්ෂාව සදහා ක්ෂනික දුරකථන අංකයක් සංචාරක කටයුතු භාර අමාත්‍යාංශය විසින් සකසා ගුවන් තොටුපලේ දී සංචාරකයන්ට දෙනවා නම් හොදයි කියලා හිතන්නේ නැද්ද?

: 0 22

SUNIL GUNATILAKE Friday, 19 April 2024 12:28 PM

මේ වෘත්තීමය සංචාරක මග පෙන්වන්නෙකු විය නොහැකියි.. ඒ මොහොතේ සංචාරකයා සතු මුදලක් කොල්ලා කෑමට ඉදිරිපත් වූ තක්කඩියෙකි. දැඩි පියවරක් ගැනීමෙන් මෙබඳු සිදුවීම් යළිත් සිදූවීම පාලනය කිරීමට කටයුතු කරන්න.

: 0 19

අරුන Friday, 19 April 2024 01:12 PM

වෙළෙන්දා පමනක් නොවෙයි, රජයත් කරන්නේ මේකමනේ... සත්තු වත්තට ගියත්, සීගිරියට ගියත් ඔය මිල ගහලාම තියෙන්නේ දේශීය විදේශීය වෙන වෙනම...!

: 1 23

Nihal Friday, 19 April 2024 02:28 PM

අපිට වගේම සංචාරකයන්ටත් මේ රටේ මිල අධික බවයි ඔවුන් පවසන්නේ, මේ උද්ධමනය යථා තත්ත්වයට ඒම පේන තෙක් මානයක නෑ

: 1 12

Lalla Friday, 19 April 2024 07:58 PM

මේ උද්ධමනය නොවේ. වෙළෙන්ඳන් සීමා රහිත ලාබ ලැබීම. ආනයනය හෝ දේශීය දෙකේම තොග වෙළඳාමේ පටන්ම අසීමිත ලාභ ගන්නවා. අනික ආහාරවල ප්‍රමිතිය ඉතා පහළයි.

: 0 0

Range Friday, 19 April 2024 10:52 PM

වඩය කියනකොට මට බදුල්ල මතක් වුණා...

: 0 0

ඔබේ අදහස් එවන්න

දියත

හිටපු මහ ඇමැති මහිපාලගේ බිරිය වැවකින් කොටසක් අල්ලලා?

2024 නොවැම්බර් මස 05 526 0

උතුරු මැද පළාතේ හිටපු ආණ්ඩුකාර මහීපාල හේරත් මහතා ඔහුගේ ධුරකාලයේ සිය බලතල අවභාවිතා කරමින් සිය බිරිදගේ නමට අනුරාධපුර වැව් රක්ෂිතයක පර්චස් 40 ක වටිනා ඉඩම

මැගසින් බන්ධනාගාරයේ දුරකථන බෙදූ ලොකු ජේලර්- නියාමක ගෙදර

2024 නොවැම්බර් මස 05 664 0

කොළඹ නව මැගසින් බන්ධනාගාරයේ රැඳවියන් වෙත ජංගම දුරකථන සැපයීමේ චෝදනාව මත එහි ප්‍රධාන ජේ‍රල්වරයාගේ සහ ගබඩා භාරකරු ලෙස කටයුතු කළ නියාමකවරයාගේ වැඩ තහනම්

මැගසින් බන්ධනාගාරයේ ’’හලෝ’’ බෙදූ ලොකු ජේලර් සහ නියාමක ගෙදර

2024 නොවැම්බර් මස 05 13 0

රැඳවියා තවත් රැදවියෙක්ට පිහියෙන් ගහලා

2024 නොවැම්බර් මස 05 269 0

අඟුණකොලපැලැස්ස බන්ධනාගාරයේ රැඳවියෙකු අද (5) තවත් රැඳවියෙකුට පිහියකින් පහරදි තුවාල සිදුකර ඇතැයි දකුණු පළාත් බාර ජ්‍යෙෂ්ඨ නියෝජ්‍ය පොලිස්පති කාරයාලය ප

හාලිඇල වැලිමඩ පාරේ නාය යාමක්

2024 නොවැම්බර් මස 05 406 0

හාලිඇල වැලිමඩ මාර්ගයේ 100 වන කිලෝමීටර් කණුව ආසන්නයේ අද (05 ) පස්වරුවේ සිට නාය යෑමක් සක්‍රීය වෙමින් පවතින බව මාර්ග සංවර්ධන අධිකාරියට අයත් බදුල්ල විධායක ඉංජ

ඉදිරි වසර පහේ ඉලක්කය ජනපති කියයි

2024 නොවැම්බර් මස 05 1462 0

ඉදිරි වසර පහ තුළ ග්‍රාමීය ජනතාවගේ දුගීභාවය තුරන් කිරීම, ග්‍රාමීය ජනතාවගේ ආර්ථිකය සහ සමාජයීය තත්ත්වය ඉහල නැංවීම රජයේ ප්‍රධාන අරමුණක් වන බව ජනාධිපති අන