(බිමල් ශ්‍යාමන් ජයසිංහ) 

දෙනෝ  දහසක් දෙනා බලා සිටියදී පුද්ගලයන් දෙදෙනකු අද (28)  දහවල් බණ්ඩාරගම නගර මධ්‍යයේදී  යකඩ පොලුවලින් වෑන් රථයක රියැදුරුට සහ ඊට යාබද අසුනේ සිටි පුද්ගලයකුට  පහරදී  පලා ගොස් ඇතැයි බණ්ඩාරගම පොලීසිය කියයි.

එම පහර දීමෙන් වෑන් රථයේ රියදුරු  අනෙක් පුද්ගලයා තුවාල ලබා ඇත. මාර්ග සංඥා නීති නීති වලට අවනතව වෑන් රථ රියදුරු සිය වාහනය පැදවීමේ දී ඊට ප්‍රතිවිරුද්ධ දිසාවෙන් මෝටර් රථයකින් පැමිණි පුද්ගලයන් තිදෙනාගෙන් දෙදෙනකු මෙම   පහර දී ඇතැයි පොලිසිය කියයි.

පලා ගිය පුද්ගලයාගේ ලෙස පහර දෙන අයුරු ඒ ආසන්නයේ සිටි පුද්ගලයකු ජංගම දුරකථනයෙන් වීඩියෝ කර  තිබූ බව පොලිස් නිලධාරියෙක් පැවැසීය.

පහර දුන් බව කියන පුද්ගලයන් දෙදෙනාගෙන් අයෙකු ප්‍රධාන පෙළේ මත්ද්‍රව්‍ය ජාවාරම්කරුවකු බවට හඳුනා ගෙන ඇති බව පොලිසිය කියයි.

පහර කෑ පුද්ගලයන් බණ්ඩාරගම බමුණුමුල්ල පදිංචිකරුවන් ය.

සැකකරුවන් අත්අඩංගුවට ගැනීම සඳහා විශේෂ පොලිස් කණ්ඩායමක් යොදවා ඇතැයි පොලිස් පොලිස් නිලධාරියා වැඩිදුරටත් පැවසීය. 

බණ්ඩාරගම පොලිසිය පරීක්ෂණ පවත්වයි.