(නිමල කොඩිතුවක්කු)

සමගි ජන බලවේගයේ පලමු පක්ෂ සංවත්සරය සමගි ජනබලවේගයේ නායක විපක්ෂ නායක සජිත් පේ‍්‍රමදාස මහතාගේ ප‍්‍රධානත්වයෙන් සෞඛ්‍යය නිර්දේශවලට අනුකූලව අභිමානවත් අයුරින් කොළඹ හයිඞ් පිටියේදී අද(15) පස්වරුවේ පැවැත්විණ.

‘‘අභියෝග හමුවේ එකට සිටගමු’’ යන තේමාවෙන් මෙම සංවත්සර උත්සවය සංවිධාන කර තිබිණි.

මහා සංඝරත්නය ඇතුලූ සර්ව ආගමික නායකයන්ගේ ආශිර්වාද පූජාවලින් අනතුරුව ජාතික ගීය ගායානා කිරීමෙන් පසු පස්වරු 3.00 ට පමණ ආරම්භ කළ පක්ෂ සංවත්සරය පස්වරු 6.00 පමණ වනතෙක් පැවැත්විණ.

නැටුම්, ගැයුම්, වැයුම් වලින් සමගි ජන බලවේගයේ පලමු පක්ෂ සංවත්සරය අලංකාර වී තිබිණ.

කහ සහ කොළ පැහැති ධජ වලින් හයිඞ් පිටිය සහ ඒ අවට මාර්ග අලංකාර වී තිබිණ.

සමගි තරුණ බලවේගය, සමගි වනිතා බලවේගය, ඇතුලූ පක්ෂයේ ශාඛා සමිති සහ සියලූම වෘත්තීය සමිති සහ පාක්ෂිකයන් මේ ස`දහා එක්ව සිටියහ.

පාට, පක්ෂ, මතවාද සහ දේශපාලන පක්ෂ භේදයකින් තොරව රට හමුවේ ඇති අභියෝග ජයගැනීම ස`දහා එකට සිටගැනීමට  සියලූ කණ්ඩායම්වලට ආරාධානා කර සිටින බව සමගි ජනබලවේගයේ නායක සහ විපක්ෂ නායක සජිත් පේ‍්‍රමදාස මහතා පක්ෂ සංවත්සරය අමතමින් ප‍්‍රකාශ කළේය.

රටේ ජනතාව ජීවත්කරවීමේ මහා දැවන්ත අරගලය දිනා ගැනීමේ සටනට සමගි ජනබලවේගය නායකත්වය දෙන බවත් ඒ වෙනුවෙන් ජීවිතය උවත් පූජා කිරීමට තමන් සූදානම් බවත් විපක්ෂනායකවරයා ස`දහන් කළේය.

සමගි ජනබලවේගයේ සභාපති ෆීල්ඞ් මාෂල් සරත් ෆොන්සේකා, ජාතික සංවිධායක තිස්ස අත්තනායක, මෙහෙයුම් ප‍්‍රධානී හරීන් ප‍්‍රනාන්දු  යන මහත්වරුන් ඇතුලූ පිරිසක්ද රැුස්ව සිටි ජනතාව අමතනු ලැබීය.

සමගි ජනබලවේගයේ සභාපති ෆීල්ඞ් මාෂල් සරත් ෆොන්සේකා, ජාතික සංවිධායක තිස්ස අත්තනායක, භාණ්ඩාගාරික ආචාර්ය හර්ෂ ද සිල්වා, සමගි ජනබලවේගයේ පක්ෂ නායකයින් වන පාඨලී චම්පික රණවක, මනෝ ගනේෂන්, රිෂාද් බදියුදීන්, පාර්ලිමේන්තු මන්ත‍්‍රීවරුන් වන ලක්ෂ්මන් කිරිඇල්ල, හරීන් ප‍්‍රනාන්දු, කුමාර වෙල්ගම, රාජිත සේනාරත්න කබීර් හෂීම්, ඉමිතියාස් බාකීර් මාකර්, ගයන්ත කරුණාතිලක සහ  ජලනි පේ‍්‍රමදාස යන මහත්ම මහත්මීන් ඇතුලූ පිරිසක් මේ ස`දහා එක්ව සිටියහ.

(ළහිරු හර්ෂණ)