2025 අප්‍රේල් මස 05 වන සෙනසුරාදා
(මනෝප්‍රිය ගුණසේකර)
කොල්ලුපිටිය සමුද්‍ර මාවතේ පිහිටි රුපියල් කෝටි ගණනක් වටිනා ඉඩමක් ව්‍යාජ ඔප්පුවක් මඟින් පිටස්තර පුද්ගලයකුට විකිණීමේ චෝදනාවන්ට වරදකරු වූ එකම පවුලේ සිව්දෙනෙකු ඇතුළු පස්දෙනෙකුට බරපතල වැඩ සහිත 67 වසරක සිරදඬුවම් නියම කළ කොළඹ මහාධිකරණ විනිසුරු ගිහාන් කුලතුංග මහතා මෙම වංචනික ඉඩම් විකිණීම හේතූවෙන් අගතියට පත් පාර්ශවයට රුපියල් කෝටි 1 1/2කට ආසන්න වන්දියක් ගෙවීමට අද (01) නියම කළේය.
කොල්ලුපිටිය සමුද්‍ර මාවතේ ඇලෝයි ඇව්නිව් පිහිටි ඉඩමේ හිමිකරු විදේශගතව සිටියදී මීට වසර 8 කට ඉහතදී පර්චස් 29ක එම ඉඩම ව්‍යාජ ඔප්පුවක් මඟින් පිටස්තර පුද්ගලයකුට විකිණීම ඔවුන්ට විරුද්ධව තිබූ චෝදනාවයි.
වරදකරුවන් වු විත්තිකරුවන්ට නියම කළ දඬුවම්වලට අමතරව ඔවුන් රුපියල් 130,000ක දඩයකටද විනිසුරුවරයා යටත් කළේය.විත්තිකරුවන්ට එරෙහි චෝදනා පැමිණිල්ල විසින් කිසිඳු සැකයකින් තොරව ඔප්පු කොට ඇතැයි තීරණය කරමින් විනිසුරුවරයා ඔවුන්ට මෙලෙස දඬුවම් නියම කළේය.
චෝදනාවන්ට වරදකරුවන්වීම නිසා මෙලෙස දඬුවම් නියම වුයේ කිස්ටි විවියන් රුද්‍රිගෝ, ධම්මික රුද්‍රිගෝ, ජෙයරාජ් අමරසිරි හෙවත් ජයනාත්, ජයන්ත රුද්‍රිගෝ සහ චින්තා රාජපක්ෂ නමැත්තන්ටය.
2012 ඔක්තෝම්බර් මස 24 වැනිදා හෝ ඊට ආසන්න දිනයක නීතීඥ කන්දයියා නීලකන්දන් මහතා විසින් සකස් කළ විකුණුම් ඔප්පුවේ හිමිකරු මෙම නඩුවේ පළමුවැනි විත්තිකරු වන විවියන් රුද්‍රිගෝ නමැත්තා නොවන බව දන්මින් කොල්ලුපිටිය සමුද්‍ර මාවතේ ඇලෝයි ඇව්නිව් පිහිටි ඉඩම වෙනත් පුද්ගලයකුට විකිණීම සඳහා කුමන්ත්‍රණය කිරීම, ඒ අනුව අදාළ ඉඩම ව්‍යාජ ඔප්පුවක් මඟින් වෙනත් පුද්ගලයකුට විකිණීම ඇතු`ථ චෝදනා යටතේ විත්තිකරුවන්ට එරෙහිව නීතීපතිවරයා විසින් චෝදනා නඟා තිබිණී.
මේ සම්බන්ධයෙන් පැවැති දීර්ඝ නඩු විභාගය අවසානයේදී විත්තිකරුවන්ට එරෙහි චෝදනා පැමිණිල්ල විසින් කිසිඳු සැකයකින් තොරව ඔප්පු කර ඇතැයි තීරණය කරමින් විත්තිකරුවන් අදාළ චෝදනාවන්ට වරදකරුවන් බව විනිසුරුවරයා තීරණය කළේය.
ඒ අනුව නඩුවේ පළමු විත්තිකරුට වසර 25 ක බරපතල වැඩ සහිත සිරදඬුවමක්ද රුපියල් 50,000ක දඩයක්ද නියම කළ විනිසුරුවරයා අගතියට පත් පාර්ශවයට රුපියල් ලක්‍ෂ 20 වන්දියක් ගෙවීමටද නියම කළේය.
දෙවැනි, තුන්වැනි හා පස්වැනි විත්තිකරුවන්ට වසර 10 බැගින් බරපතල වැඩ සහිත සිරදඬුවම්ද රුපියල් 10,000- බැගින් දඩද සිව්වැනි විත්තිකරුට වසර 12ක බරපතල වැඩ සහිත සිරදඬුවමක්ද රුපියල් 10,000- දඩද නියම කළ විනිසුරුවරයා අගතියට පත් පාර්ශවයට රුපියල් ලක්‍ෂ 30 බැගින් වන්දි ගෙවීමටද නියම කළේය.
පැමිණිල්ල වෙනුවෙන් රජයේ ජ්‍යෙෂ්ඨ නීතීඥ වසන්ත පෙරේරා මහතා පෙනී සිටි අතර කොළඹ වංචා විමර්ශන අංශය වෙනුවෙන් කොස්තාපල් 69057 රත්නායක මහතා පෙනී සිටියේය.
ඌරගස්මංහන්දිය බෙලිගස්වේල්ල ප්‍රදේශයේදී මීට සුළු වේලාවකට පෙර සිදු කළ වෙඩි තැබීමකින් 56 හැවිරිදි පුද්ගලයකු තුවාල ලබා ඇතැයි පොලිසිය කියයි.
ඉන්දීය අග්‍රාමාත්‍ය නරේන්ද්‍ර මෝදි මහතා මීට සුළු වේලාවකට පෙර ශ්‍රී ලංකාවට පැමිණියේය.
වසර තුනක කාලයකදී විශූද්ධීකරණය කළ මුදලින් රුපියල් කෝටි 08 කට අධික මුදලක් යොදවා රත්මලාන හා දෙහිවල ප්‍රදේශ වලින් ඉඩම් ඇතුළු දේපල මිලදී ගත් බවට වු අධිචෝදනා
මියන්මාරයේ භූ කම්පනයෙන් විපතට පත් ජනතාවට වෛද්‍යාධාර ඇතුළු මානුෂීය ආධාර රැගත් පළමු ගුවන් යානය හෙට (05) මියන්මාරය බලා පිටත්ව යයි
වැඩබලන පොලිස්පතිවරයාට පොලිස් ස්ථානාධිපතිවරු ඉවත් කිරීමට දී තිබූ බලය ඉවත් කළ බව ජාතික පොලිස් කොමිෂන් සභාව සඳහන් කරයි.
ජනපති ඩොනල්ඩ් ට්‍රම්ප්ගේ ’’අන්‍යෝන්‍ය බදු ක්‍රමය’’ ඇමෙරිකාව ආර්ථිකය අවපාතයකට ඇද දමුණු ඇතැයි මතුව තිබෙන බිය තවත් වැඩි කරමින් ලොව විශාලතම සමාගම් වල වට
2025 අප්‍රේල් මස 04
148
0
නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා
2025 මාර්තු මස 31
380
1
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
907
0
ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
- ව්‍යාජ ඔප්පුවකින් ඉඩමක් විකුණන්න හැදූ 5ක් හිරගෙට
sarath Wednesday, 01 July 2020 11:30 AM
හොර ඔප්පු හදන අයට රතු එළියක්...
sashiranga perera Wednesday, 01 July 2020 11:52 AM
හැම හොරකමකටම මූලික වන වාසගම ‘‘රාජපක්ෂ‘‘ ... මරු නේද?
RaveendraWednesday, 01 July 2020 02:04 PM
පළමුව අප කිසිවෙකු හට සුදුහුණු තැවරීමට උත්සාහ නොකරන බව සඳහන් කරන්නෙමු.. ඔබ සඳහන් කර ඇති පරිදි කිසිවෙකු "හැම හොරකමකටම මූලික වන වාසගම 'පෙරේරා' ලෙස සඳහන් කරේ නම් ඔබගේ සිතට ඇති වෙන අවංක හැඟීම දණ ගැනුමට කැමැත්තෙමු.. එලෙසම ඔබගේ අදහස් පරිදි "වික්‍රමසිංහ" වාසගම හිමි හැම දෙනාම රට පාවා දෙන්නෝය.. එලෙසම "ප්‍රේමදාස" වාසගම හිමි හැමදෙනාම වස්සානය.. එලෙසම "දිසානායක" වාසගම හිමි හැම දෙනාම දියව් දියව් කියමින් මුළු සමාජයටම වද දෙන්නෝය.. අපට නම් ඔබ පිළිබඳව අවංකවම ඉතාමත් කණගාටුදායක සිතුවිල්ලක් පහළ වූ බව සඳහන් කරන්නෙමු.. අප විශ්වාස කරනවා ඔබ අපගේ මෙම අදහස් සමග කිසිඳු සිත්තැවුලක් ඇති නොකරනු ඇතැයි...
silva Wednesday, 01 July 2020 12:39 PM
කොහොමින් හරි රාජපක්ෂ කෙනෙකුත් ඉන්නවා...
රට වැසියා Wednesday, 01 July 2020 01:07 PM
විශිෂ්ඨ නඩු තීන්දුවක්, මේ වගේම සිද්ධියකට මමත් දැන් මුහුණ පාලා ඉන්නේ. දැනට නීති මගින් කටයුතු කරමින් ඉන්නවා. මීට අවුරුදු 15 කට ඉස්සෙල්ලා මම සල්ලි දීලා බැංකු ණයකුත් අරගෙන මිලදී ගත්තු ඉඩමේ කොටසක් මට ඉඩම විකුණපු මුල් අයිතිකාරියම හොර ඔප්පුවකුයි සහ හොර ඉඩම් සැලැස්මකුයි හදලා අල්ලපු ඉඩමේ ඉන්න එයාගේ දුවට ආයි සල්ලිවලට විකුණලා. අවුරුදු 12කට පස්සේ ඉඩමේ ගේ හදන්න යන කොට මහරගම නගර සභාව මගේ ඉදිකිරීම් සැලැස්ම ප්‍රතික්ෂේප කළාමයි සිද්ධිය දැන ගත්තේ... නගර සභාව මට කිව්වා ඉඩම මගේමයි කියලා ඔප්පු කරන්න කියලා. මාව උඩ ගිහිල්ලා බිම වැටුණා. මමත් හිටියේ රට... ඉඩමේ වැට ගහන කොට අපිට පොලිසි යන්නත් වුණා. හැබැයි පොලිසියේදී ඔවුන්ගේ රෙදි ගැලෙව්වා. හොරු ටික ගමේ ඉන්නේ හොඳ වැදගත්, සත්ගුණවත් උපාසකයින් වගේ... එ් නිසා විදේශවල ඉන්න අයට කියන්නේ තමුන්ගේ ඉඩම් ලංකාවේ තියනවා නම් හැම තිස්සේම කල්පනාවෙන් ඉන්න... දේශපාලකයින් සමාජේ කාලා තියෙන්නේ. ලංකාව හොරුන්ගේ පාරාදීසයක්...
RaveendraWednesday, 01 July 2020 04:49 PM
ඔබගේ අදහස් 200% නිවැරදිය. අපේ රටේ සමාජය ඒ තරමටම පිරිහී ඇත. ඉතාම කණගාටුදායකයි. අනුන්ගේ දෙය හොරෙන් කඩාවඩා ගන්නා තරමට මිනිසුන් දුෂ්ඨයි...
samantha gunarathna Wednesday, 01 July 2020 01:48 PM
රාජපක්ෂලා සේරම හොරු නොවේ... ඒත් හැම හොරෙක්ම රාජපක්ෂ කෙනෙක්...