(සිතුම් චතුරංග සහ රොමේෂ් මධුෂංක)

වවුනියාව , වේප්පම්කුලම ප්‍රදේශයේ ඉදිකිරීම් භාණ්ඩ අලෙවි කිරීමේ ව්‍යාපාරික ස්ථානයක තිබී නීති විරෝධී ලෙස රැස්කරන ලද ඩීසල් ලීටර 3000ක් සමඟ ව්‍යාපාරිකයකු  අත්අඩංගුවටගත් බව නෙලුක්කුලම පොලිසිය පවසයි.

වැඩිමිලට අලෙවි කිරීම සඳහා ඩීසල් රැස්කරන ව්‍යාපාරිකයකු සම්බන්ධයෙන් පොලිසිය වෙත ලැබුණ බුද්ධි තොරතුරක් මත සිදුකළ වැටලීමකදී සැකකරු අත්අඩංගුවටගත් බව පැවසීය.

සැකකරු සිය ව්‍යාපාරික ස්ථානයේ ගබඩාවතුල බැරල් 15ක නීති විරෝධී ලෙස රැස්කළ ඩීසල් තොග සඟවා තිබූ බවද පොලිසිය පැවසීය.

පොලිසිය පැවසූයේ ප්‍රදේශයේ කළුකඩ ව්‍යාපාරිකයන්ඩීසල් ලීටරයක් රුපියල් රුපියල් 600ත් 800 ත් අතර මුදලකට අලෙවිකරන බවට තොරතුරු ලැබී ඇති බවත්ය ඔවුන් අත්අඩංගුවටගැනීම සඳහා විමර්ශන සිදුකරන බවත්ය.

.