(  සිතුම් චතුරංග)

දින ගණනාවක සිට උතුරු පළාතට ඇඳහැලෙන අධික වැසි හේතුවෙන්  දිස්ත්‍රික්ක පහක පවුල් 4087 කට අයත් පුද්ගලයින් 14206 දෙනෙකු පීඩාවට ලක්ව ඇතැයි දිස්ත්‍රික් ආපදා කළමනාකරණ මධ්‍යස්ථාන පවසයි.

යාපනය , කිලිනොච්චිය , මන්නාරම , මුලතිව් හා වවුනියාව යන දිස්ත්‍රික්ක වල ජනතාව වැසි තත්වය හේතුවෙන් ඇතිවූ ජලගැලීම් වලින් පීඩාවටපත්ව සිටිති.

පවතින වැසි තත්වය හේතුවෙන් උතුරු පළාතේ මන්නාරම දිස්ත්‍රික්කයට වැඩිම බලපෑම එල්ල වි ඇති තිබේ.

එම දිස්ත්‍රික්කයේ පවුල් 3627 කට අයත් පුද්ගලයින් 12673 දෙනෙකු පීඩාවටපත්ව ඇති අතර අවතැන්වූ පවුල් සුබසාධන කඳවුරු හතරක් තුල පවුල් 125කට අයත් පුද්ගලයින් 450 දෙනකු රඳවා ඇත.

        යාපනය දිස්ත්‍රික්කයේ පවුල් 265 කට අයත් පුද්ගලයින් 916 දෙනෙකු , මුලතිව් දිස්ත්‍රික්කයේ පවුල් 104 කට අයත් පුද්ගලයින් 303 දෙනෙකු, වවුනියාව දිස්ත්‍රික්කයේ පවුල් 63 කට අයත් පුද්ගලයින් 222 දෙනෙකු හා කිලිනොච්චිය දිස්ත්‍රික්කයේ පවුල් 28 කට අයත් පුද්ගලයින් 92 දෙනෙකුද පීඩාවට ලක්ව ඇති බවද ආපදා කළමනාකරණ මධ්‍යස්ථාන සඳහන් කළේය.

        දිස්ත්‍රීක් ආපදා කළමනාකරණ මධ්‍යස්ථාන පැවසූයේ අවතැන්වූවන් සඳහා අත්‍යවශ්‍ය ද්‍රව්‍ය ප්‍රාදේශිය ලේකම් කාර්යාල ඔස්සේ බෙදාහැරීම් සිදුකරන බවත්ය.

        තවදුරටත් උතුරු පළාතට වර්ෂාව ඇඳහැලෙන්නේනම් අවතැන්වූවන්ගේ හා පීඩාවටපත්වූවන්ගේ ඉහළයා හැකි බවද ආපදා කළමනාකරන මධ්‍යස්ථානය වැඩිදුරටත් පැවසීය.