(යොහාන් භාසුර)

මෙරට වෙළෙඳපොලේ ටයර්වල හිඟයක් පවතින බව ටයර් අළෙවිකරුවෝ සහ වාහන හිමිකරුවෝ පවසති.

තිබෙන ටයර්වල ද මිල විශාල ලෙස ඉහළ යෑමෙන් තවත් අපහසුතාවට පත්ව සිටින බව ද ඔවුහු පෙන්වා දෙති.

ටයර් මිල සියයට 10 කට අසන්න සංඛ්‍යාවකින් ඉහළ ගොස් ඇති බවත් ඇතැම් ටයර්වල මිල රුපියල් 1000 සිට 2000 දක්වා ඉහළ ගොස් ඇති බවත් වාහන හිමියෝ පවසති.

වෙළෙඳපොළේ ඇතැම් ටයර් වර්ග ඉහළ මිලට හෝ මිලදී ගැනීමට නොමැති වීමෙන් මෝටර් රථ හිමියෝ වඩාත් අපහසුතාවට පත්ව සිටින බව වාර්තා වේ.

මහා පරිමාණ ටයර් අළෙවිකරුවන් පවසන්නේ රජය ටයර් ආනයනය අත්හිටුවීම සහ ශ්‍රී ලංකාවේ ටයර් නිෂ්පාදනය ඉල්ලුමට ප්‍රමාණවත් නොවීම මෙම හිඟයට හේතුව බවයි.