2025 අප්‍රේල් මස 21 වන සඳුදා
(රන්ජන් කටුගම්පොල)
රහස් පොලිසියේ හිටපු අධ්‍යක්ෂ ශානි අබේසේකර මහතා රිය අනතුරක් කර මරා දැමීමේ කුමන්ත්‍රණය සම්බන්ධයෙන් අධිකරණයට කරුණු පැහැදිලි කරන ලෙස ආරක්ෂක ලේකම් ජනරාල් කමල් ගුණරත්න, ජාතික පොලිස් කොමිසම සහ පොලිස්පති දේශබන්දු තෙන්නකෝන් යන මහත්වරුන්ට නියම කරමින් ශ්‍රේෂ්ඨාධිකරණය නොතීසි නිකුත් කළේය.
ශානි අබේසේකර මහතාගේ ජීවිතය අනතුරේ බව කියමින් ජනාධිපති නීතිඥ උපුල් ජයසූරිය මහතා ඉදිරිපත් කළ කරුණු පිළිගත් ශ්‍රේෂ්ඨාධිකරණය අගෝස්තු 09 වැනිදා අධිකරණයේ පෙනී සිට කරුණු පැහැදිලි කිරීමට නියම කරමින් එලෙස නොතීසි නිකුත් කළේය.
ශ්‍රේෂ්ඨාධිකරණ විනිසුරුවරුන් වන විජිත් මලල්ගොඩ, මුර්දු ප්‍රනාන්දු සහ යසන්ත කෝදාගොඩ යන මහත්ම මහත්මීන්ගෙන් සැදුම්ලත් විනිසුරු මඩුල්ලක් හමුවේ පෙත්සම සලකා බැලිණි.
රහස් පොලිසිය හිටපු අධ්‍යක්ෂ ශානි අබේසේකර මහතා ගොනු කර ඇති පෙත්සමේ වගඋත්තරකරුවන් වශයෙන් පොලිස්පති දේශබන්දු තෙන්නකෝන්, ජාතික පොලිස් කොමිසම සහ ආරක්ෂක ලේකම්වරයා ඇතුළු පිරිසක් නම් කර ඇත.
පෙත්සම කැඳවූ අවස්ථාවේදී පෙත්සම්කරු වෙනුවෙන් පෙනී සිටි ජනාධිපති නීතිඥ උපුල් ජයසූරිය මහතා කරුණු දක්වමින් රිය අනතුරක් කර තම සේවාදායකයා මරා දැමීමේ කුමන්ත්‍රණයක් ඇති බවත් ඒ අනුව කුමන මොහොතක හෝ මෙම අපරාධය කිරීමේ හැකියාව ඇති බවත් මේ තත්වය යටතේ තම සේවාදායකයාගේ ජීවිතය අනතුරේ බවත් පැවැසීය.
තම සේවාදායකයාට ලබා දී ඇති ආරක්ෂාව ප්‍රමාණවත් නොවන බව පෙන්වා දුන් ජනාධිපති නීතිඥ උපුල් ජයසූරිය මහතා ආරක්ෂාව වැඩිකර ඔහුගේ ජීවිතය ආරක්ෂා කිරීමට පියවර ගන්නැයි අධිකරණයෙන් ඉල්ලා සිටියේය.
ඉදිරිපත් වූ කරුණු පිළිගනිමින් ලබන 09 වැනිදා අධිකරණයේ පෙනී සිට කරුණු දැක්වීමට වගඋත්තරකරුවන්ට නියම කරමින් නොතීසි නිකුත් කළ ශ්‍රේෂ්ඨාධිකරණය අදාළ නොතීසි වගඋත්තරකරුවන්ට බාරදීමට පෙත්සම්කාර ශානි අබේසේකර මහතාට නියම කළේය.
ශුද්ධෝත්තම ෆ්‍රැන්සිස් පාප් වහන්සේට සිදුකරන ගෞරවයක් වශයෙන් ප්‍රංශයේ අයිෆල් කුළුණේ විදුලි ආලෝකය අද (21) රාත්‍රියේ නිවා දමන බව ප්‍රංශ නගරාධිපතිනි ඈන් හි
කොටිකුවිආරු රක්ෂිතයේ නීති විරෝධීව වැලි ප්‍රවාහනය කළ ලොරි රථයක් පොලිස් නිලධාරීන් හප්පා පලායාමට උත්සාහ කිරීමේදී ටිපර් රථයට වෙඩි තබා රියැදුරු ඇතුළු දෙ
මෙම වසරේ අලුතින් පොලිස් නිලධාරීන් 5000ක් බදවාගැනීමටත් ඉන් 2000ක් කඩිනමින් බදවාගැනීමටත් මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා උපද
චාමර සම්පත් දසනායක මහතා ඌව පළාත් මහ ඇමති ධුරයේ සිටියදී ජාතික ඉතිරි කිරීමේ බැංකුවේ පැවති ස්ථාවර තැන්පතු ඉවත් කිරීමේ සිද්ධිය සම්බන්ධයෙන් ප්‍රකාශයක් ගැ
හිටපු ජනාධිපති මෛත්‍රීපාල සිරිසේන මහතා පැය 7 කට පමණ ආසන්න කාලයක් අපරාධ පරීක්ෂණ දෙපාර්තමේන්තුව හමුවේ ප්‍රකාශයක් ලබාදීමෙන් අනතුරුව ඉන් පිටව ගියේය.
නිලධාරීන් කුමන දේශපාලන මත දැරුවත් රජයට එය ගැටලුවක් නොවන බව ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍ය සභානායක බිමල් රත්නායක මහතා පැවසීය.
2025 අප්‍රේල් මස 18
474
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
436
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
ශානිගේ පෙත්සමට කමල්,දේශබන්දු අධිකරණයට
දෙව්මින් පරනාන්දු Friday, 02 August 2024 06:36 AM
ශානි අබේසේකර මේ උතුම් මිනිසාව ආරක්ෂා කිරීම මුලු රටේම වගකීමකි තම රාජකාරිය නිසිලෙස ඉටුකර රටට විශාල සේවයක් කළ උදාර මිනිසුන්
Lalla Friday, 02 August 2024 07:42 AM
ත්‍රිවිධ හමුදාවල විශ්‍රාමිකයෝ ජනතාවට වගකිවයුතු පරිපාලන සේවයේ ඉහළම තනතුරුවලට හොඳ නෑ කියන එක ඇත්ත. ඔවුන් පලිගැනීමට කැමැති අණ දීමට පමණක්ම හැකි ප්‍රායෝගික සිවිල් පාලනය ගැන දැනුම නැති අය.. පේනවනේ කැළෑවැදි භාෂණය කරන්නා හැසිරෙන ආකාරය... මේ ජනරාලුත් පාසල් ශිෂ්‍යයකුට පහරදීම සම්බන්ධ සිද්ධියකට මැදිවුණා... එකල සිටි රජ පවුලේ පිහිටෙන් ඒක යටපත් වුණා....
සුරනිමල Friday, 02 August 2024 10:44 AM
බොරුවට උසාවි කාලය නාස්ති කරන එකට මෙම පැමිණිලි කරුටත් රුපියල් කෝටියක් පමණ දඩයක් ගැහුවා නම් තමයි හොදයි
සෙනෙවිරත්න Friday, 02 August 2024 10:52 AM
බොරුවට කාලය නාස්ති කරනවා කියන්නෙ කොහොමද? මේ අයගෙ වැඩ කටයුතු බැලුවම. තාජුදීන්ල මරල රිය අනතුරක් කලේ මේ අයම තමයි. දැන් එන් පී පි එකට ගිය නිසා කොහොමත් තර්ජනය වැඩිය.
රංබොඩ Friday, 02 August 2024 11:25 AM
අන්තිමට වැරදි කරුවන් වැඩ කරන මිනිසුන්ට විරුද්ධව උසාවි යන කාලයක් උදා වෙලා
Peter Perera Friday, 02 August 2024 12:49 PM
ශ්‍රේෂ්ඨාධිකරණයට අපේ ආචාරය...!
බද්රානි Friday, 02 August 2024 03:32 PM
විෂකුරු සර්ප විමානෙක ශානි අබේසේකර වැනි මිනිස්සුන්ට ජීවත් වීමට පහසු නැහැ...වන මුර්ගයින්ට ආලේ වඩන මිනිස්සු බහුතරයක් සිටින රටක මේ වගේ අවංක මහත්වරුන්ව ආරක්ෂා කර ගැනීම පහසු නැහැ....එක අතකට හිතෙනවා අපිත් සත්තු උනා නම්, ලංකාවේ ජීවත් වෙන්න කොච්චර පහසුද කියලා...