(යොහාන් භාසුර)

ඉන්දියාවේදී පසුගියදා අවසන් වූ එක්දින ලෝක කුසලාන ක්‍රිකට් තරගාවලියට සහභාගි වූ ශ්‍රී ලංකා ක්‍රිකට් කණ්ඩායමේ විදේශික නිලධාරීන් දෙදෙනෙක් ඉවත්ව ගොස් තිබේ.

ශ්‍රී ලංකා කණ්ඩායමේ භෞතචිකිත්සකවරයා ලෙස කටයුතු කළ ක්‍රිස් ක්ලිර්ක් සහ අභ්‍යාසකවරයා ලෙස කටයුතු කළ ග්‍රාන්ට් ලූඩන් යන මහත්වරු මෙසේ සිය තනතුරුවලින් ඉවත්ව ගියහ.

ශ්‍රී ලංකා ක්‍රිකට් ආයතනයේ උසස් නිලධාරියකුගෙන් එම ඉවත්ව යෑම පිළිබඳව කළ විමසුමේදී පැවසුවේ කණ්ඩායමේ පුහුණුකරුවන් ඇතුළු කාර්ය මණ්ඩලය පිළිබඳව පසුගිය දිනවල පැවැති විවේචන හේතුවෙන් ඔවුන් ඉවත්ව යන්නට ඇති බවත් කෙසේ වෙත් ඔවුන් පෞද්ගලික හේතූන් මත ඉවත්ව යන බව දැනුම් දුන් බවත්ය.