සිංගප්පූරු ඇමැති ධුරයෙන් ඉවත් වෙයි

දූෂණ චෝදනා එල්ල වීමත් සමඟ, සිංගප්පූරු කැබිනට් අමාත්‍ය සුබ්‍රමනියම් ඊශ්වරන් සිය ධුරයෙන් ඉල්ලා අස්විය.

ඉන්දීය සම්භවයක් ඇති 61 හැවිරිදි සුබ්‍රමනියම් ඊශ්වරන්, 2021 සිට මේ දක්වා සිංගප්පූරුවේ ප්‍රවාහන අමාත්‍යවරයා ලෙස කටයුතු කළේය.

ඊශ්වරන්ට චෝදනා 27 ක් එල්ල වී ඇති අතර, එම චෝදනා සම්බන්ධයෙන්, විමර්ශන ආරම්භ වූයේ පසුගිය 2023 ජූලි මාසයේය. පාර්ලිමේන්තු නියෝජිතයකු ලෙස ඊශ්වරන්ට මාසිකව සිංගප්පූරු ඩොලර් 15,000 කට වැඩි මුදලක් හිමිවිය.

සිංගප්පූරුවේ ප්‍රකට දේපොල ව්‍යාපාරියකු වන ඔන්ග් බෙන් සෙන්ග්ගේ ව්‍යාපාරික අවශ්‍යතා ඉටු කරමින්, ගුවන් ගමන් යෑම, සුඛෝපබෝගී හෝටලවල නවාතැන් ගැනීම, ‘ෆෝමියුලා 1’ මෝටර් රථ ධාවන තරග සඳහා ටිකට් පත් තෑගි ලෙස ලබා ගැනීම ආදී චෝදනා රැසක් සුබ්‍රමනියම් ඊශ්වරන්ට එල්ල වී තිබේ.

සුබ්‍රමනියම් ඊශ්වරන්, ඔහුට එල්ල වන සියලු චෝදනා ප්‍රතික්ෂේප කරයි.

චෝදනා සම්බන්ධයෙන් විමර්ශන ආරම්භ වූ අවස්ථාවේ, චෝදනා ප්‍රතික්ෂේප කරමින් අමාත්‍යවරයා පැවැසුවේ, 2023 ජූලි මාසයේ සිට තමන්ට හිමි වැටුප් සහ දීමනා මුදල් ආපසු ලබා දෙන බවය.

සිංගප්පූරුවේ අමාත්‍යවරයකු අවසන් වරට, මේ අයුරින්, දූෂණ විමර්ශනයකට මුහුණ දීමට සිදුවූයේ 1986 වසරේදීය.

ලොව පිරිසුදුම දේශපාලනඥයන් සිටින්නේ සිංගප්පූරුවේ යැයි පැවැසෙයි. සිංගප්පූරුවේ අමාත්‍යවරුන් ලොව ඉහළම වැටුප් ලබන මහජන නියෝජිතයන් වන අතර, ඔවුහු මසකට සිංගප්පූරු ඩොලර් 45,000 කට (ශ්‍රී ලංකා රුපියල් 10,757,000 ක් පමණ) වඩා ආරම්භක වැටුපක් උපයති.

සිංගප්පූරු අමාත්‍යවරුන්ට ඉහළ වැටුපක් ලබා දීම සිදුවන්නේ ද වංචා සහ දූෂණ වලක්වා ගැනීමටය.

(සිංගප්පූරු පුවත් සේවා ඇසුරිනි)

අදහස් (5)

සිංගප්පූරු ඇමැති ධුරයෙන් ඉවත් වෙයි

sam Thursday, 18 January 2024 01:22 PM

ලංකාවේ දේශපාලුවන්ගෙන් 95% කට වඩා වැඩියෙන් දූෂණ චෝදනා තිබිලත් එකෙක්ට දඬුවම් ලැබෙන්නෙත් නැහැ එකෙක්වත් ඉල්ලා අස්වෙන්නෙත් නැහැ .ඒ කියන්නේ ලෝකේ ඉන්න ලොකුම දුශිතයෝ ඉන්නේ ලංකාවේ පාර්ලිමේන්තුවේ

: 2 24

ravin Thursday, 18 January 2024 01:46 PM

ඕන් ඒකට අපේ රටේ .බේරෙන්න පැමිණිලි හෙම දාලා අර අපූරුවට ඉන්නේ .උත්තරීතර යයි කියාගන්න තැනට යන්නෙම හොරකම් කරන්න බලාගෙන .අහුවුණු තැනදී කපා ගන්නවා ගණන

: 1 18

Amal Thursday, 18 January 2024 02:00 PM

සිංගප්පූරුවේ ඇමැති ඔහුට එල්ල වන සියලු චෝදනා ප්‍රතික්ෂේප කලත් ධුරයෙන් ඉවත් වෙලා. ඒකට ලංකාවෙ, ඇඟ බැඳලා දඩ නියම කරපු, මිනීමැරුම්වලට සිර දඬුවම් නියම කරපු කෂ්ටිය ඇමති කම් කරනවා කිසි හිරිකිතයකින් තොරව. දුෂණයට, වංචාවට සම්බන්ධ කෂ්ටිය අපේ නායක හූරා උත්තරීතරයි කියන පාර්ලිමේන්තුවෙත් ඉන් පිටතත් (ඡන්දෙන් පැරදිලා) තව ඕනතරම් ඉන්නවා රටේ ජනතාවට කෝචොක් කර කර. 2048ටේ සංවර්ධිත රටක් වන පෙර නිමිති සහ සලකුණු !!! අපි මෙහෙම ගිහින් 2048 දීත් අපෙන් ඔය දුෂිත දෙසපාළුවො ෂැපද කියල අහලා අපිට කෝචොක් කරනවා, ෂුවර්. එතකොට ෂැප කණේ තමයි !!!

: 1 21

Hafeel Thursday, 18 January 2024 06:01 PM

අපේ පින් ජනාධිපති මෙයාව මෙහෙ මහ බැංකු අධිපති කළත් පුදුමයක් නැහැ. අපේ මහ බැංකු කඩපු සිංගප්පුරු මහේන්ද්‍රන් අදටත් එහෙ නිදැල්ලේ....!

: 1 6

pakeer Thursday, 18 January 2024 08:57 PM

මෙහෙ ඉන්න ඇමැතිලා බොන්න සෙට් වුණාම මේවා කිය කියා... අපිට පිටිපස්සෙන් හිනාවෙන්න ඇති.

: 0 1

ඔබේ අදහස් එවන්න

දියත

ඉන්දු පාකිස්තාන දේශසීමා වසයි

2025 අප්‍රේල් මස 24 187 0

ඉන්දියාවට අයත් ජම්මු කාෂ්මීරයේ පහල්ගම් පළාතේ සිදුවුණු ත්‍රස්ත ප්‍රහාරයෙන් පසු ඉන්දියාවත් පාකිස්තානයත් අතර අර්බුදයක් නිර්මාණය වී ඇති අතර, එය දිනෙන්

හිටපු ජනපතිලාගේ තවත් තටුවක් ගලවයි

2025 අප්‍රේල් මස 23 1325 0

හිටපු ජනාධිපතිවරුන්ට ජනාධිපති කාර්යාලයෙන් ලබා දී තිබෙන වාහන තුනෙන් එකක් නැවත බාර දෙන ලෙස ජනාධිපති ලේකම් ආචාර්ය සනත් නන්දිත කුමානායක මහතා හිටපු ජනපති

පාස්කු වාර්තාව අධ්‍යනයට ශානි අබේසේකරත්

2025 අප්‍රේල් මස 23 23 0

පාස්කු ඉරුදින ත්‍රස්ත ප්‍රහාරය සම්බන්ධයෙන් වූ ජනාධිපති පරීක්‍ෂණ කොම්ෂන් සභා වාර්තාව අධ්‍යනය කිරීම සඳහා අලුතින් පත් කළ කමිටුවට ජ්‍යෙෂ්ඨ පොලිස් අධික

ට්‍රම්ප් එක්ක බදු කතා සාර්ථකයි

2025 අප්‍රේල් මස 23 1119 0

ඇමරිකාව පැනවූ තීරු බද්දට සහනයක් ලබා ගැනීම සඳහා ඇමෙරිකාව සමග කළ සාකච්ඡා ප්‍රතිඵල දායක බව එහි ගිය ශ්‍රී ලංකා නියෝජිත කණ්ඩායම තමාට දැනුම් දුන් බව ජනාධිපත

වැඩි මිලට ජල බෝතල් විකුණන්නට රතු එළියක්

2025 අප්‍රේල් මස 23 16 0

වැඩි මිලට පානීය ජල බෝතල් විකුණන වෙළෙදුන් සොයා දිවයින පුරා වැටලීම් අඛණ්ඩව සිදුකරන බව පාරිභෝගික කටයුතු පිළිබඳ අධිකාරිය පවසයි.

වාණිජ වටිනාකමැති ආණ්ඩුවේ ඉඩම් ආයෝජකයන්ට දෙනවා

2025 අප්‍රේල් මස 23 612 1

වාණිජ වටිනාකම් සහිත ඉඩම් ආණ්ඩුව තියාගෙන ඉන්නේ මොකටද? ඒවා විනිවිද භාවයෙන් ආයෝජකයන්ට ලබාදෙන්න සූදානම් යැයි ජනාධිපති අනුර කුමාර දිසානායක මහතා මොරටුවේ ද