2024 නොවැම්බර් මස 18 වන සඳුදා
2024 නොවැම්බර් මස 18 වන සඳුදා
(ඩයනා උදයංගනී)
වත්මන් ආණ්ඩුවට ජාත්‍යන්තරය තුළ පිළිගැනීමක් නොමැති බවත්, ජාත්‍යන්තරයේ විශ්වාසය දිනාගත හැකි සර්ව පාක්ෂික ආණ්ඩුවක් ස්ථාපිත කරන්නේ නම් රටේ අර්බුද කෙටි කාලකින් විසඳිය හැකි බවත්, ශ්‍රී ලංකා නිදහස් පක්ෂයේ සභාපති, හිටපු ජනාධිපති මෛත්‍රීපාල සිරිසේන මහතා පැවසීය.
ආණ්ඩුවේ ඇතැමුන් හෙට වෙන ආණ්ඩුවක් ආවොත් මේ ප්‍රශ්න විසඳෙනවාද කියා ප්‍රශ්න කරන බව කී හිටපු ජනාධිපතිවරයා සර්ව පාක්ෂික ආණ්ඩුවක් ඇතිකර 15ක පමණ ඇමති මණ්ඩලයක් පත්කිරීම හා මහ මැතිවරණයක් පවත්වන කාලයක් නියම කර ඉදිරියට ගියහොත් ජාත්‍යන්තරයේ සහය ගත හැකි බව සඳහන් කළේය.
වත්මන් ආණ්ඩුවට රට තුළ ප්‍රසාදයක් හා විශ්වාසයක් නැති අතරම, ඔවුන් පසුගිය අවුරුදු තුනක කාලයේ කටයුතු කළ ආකාරය නිසා අන්තර්ජාතික වශයෙනුත් විශ්වාසයක් නැතැයි මෛත්‍රීපාල සිරිසේන මහතා කීවේය.
තමන් සර්ව පාක්ෂික ආණ්ඩුවක් පිහිටුවීමේ වැදගත්කම කිහිප අවස්ථාවකදීම කතා කළ නමුත් ජනාධිපතිවරයා එයට සුබවාදී ප්‍රතිචාර නොදැක්වූ බව ද හෙතෙස පැවසීය.
හිටපු ජනාධිපතිවරයා මේ බව පැවසුවේ ශ්‍රී ලංකා නිදහස් පක්ෂ මූලස්ථානයේදී අද (17) පැවති මාධ්‍ය හමුවක් අමතමිනි.
වත්මන් ආණ්ඩුව දවසින් දවස රට අමාරුවට පත්කරමින් සිටින බව කී මෛත්‍රීපාල සිරිසේන මහතා, ජනාධිපතිවරයා හා අගමැතිවරයා වරින් වර වෙන වෙනම මැති ඇමතිවරු හා නිලධාරීන් කැඳවමින් සාකච්ඡා කරන ආකාරයෙන්ම දෙදෙනා අතර සම්බන්ධතාවයක් නැති බවත් පැහැදිලි වන්නේ යැයි ප්‍රකාශ කළේය.
රනිල් වික්‍රමසිංහ මහතා තනතුර භාරගෙන නිර්පාක්ෂික ආණ්ඩුවක් පිහිටුවීමට ආරාධනා කළ බවත්, නිර්පාක්ෂික ආණ්ඩුවකින් ගැටලු විසඳෙන්නේ නැති නිසා සර්ව පාක්ෂික ආණ්ඩුවක් ඇතිකර ජාත්‍යන්තර සහයෝගය ගෙන රට ගොඩගැනීමට ක්‍රියා කරන්නැයි තමන් අගමැතිවරයාට දැනුම් දුන් බවත් හෙතෙම කීවේය.
ජපානය ශ්‍රී ලංකාවට විශාල වශයෙන් උදව් කළ රටක් නමුත් වර්තමානයේ දී එරට සමඟ ඇති ද්විපාර්ශවික සම්බන්ධතා බිඳවැටී ඇතැයි කී හිටපු ජනාධිපතිවරයා මෙරටට නොමැති තෙල්, පොහොර, කෘමිනාශක, ගෑස් ආදී සියල්ල රුසියාවට ඇති නමුත් එරට ගුවන් යානයක් සම්බන්ධයෙන් ඇතිවූ ප්‍රශ්නයක් හේතුවෙන් රුසියාව ශ්‍රී ලංකාවෙන් ඈත් වූ බව ද පැවසීය.
සර්ව පාක්ෂික ආණ්ඩුවක් ඔස්සේ රට ගොඩගැනීමේ වැඩපිළිවෙලකට යා යුතු බව කී මෛත්‍රීපාල සිරිසේන මහතා ජනාධිපතිවරයා ඒ වෙනුවෙන් මූලිකත්වය ගෙන කටයුතු කළ යුතු බව ද පැවසීය.
ජපානය, බටහිර රටවල්, රුසියාව, ඇමෙරිකාව වැනි රටවල රාජ්‍ය තාන්ත්‍රිකයන් සමඟ තමන් සාකච්ඡා කළ බවත්, ඔවුන් සර්වපාක්‍ෂික ආණ්ඩුවකට උදව් කරනු ඇති බවත් හෙතෙම කීවේය.
සර්වපාක්‍ෂික ආණ්ඩුවක් ඇති කළහොත් පාර්ලිමේන්තුවේ පක්ෂ නායකයන් එක්වී අග්‍රාමාත්‍යධූරයට අයකු පත් කළ යුතු බවත්, දේශපාලන පක්‍ෂවලින් එක් නියෝජිතයෙක් බැගින් ඇමති මණ්ඩලයට ආ විට අද තිබෙන චෝදනාත් නැති වනු ඇති බවත් සඳහන් කළේය.
පාරිභෝගික කටයුතු පිළිබඳ අධිකාරියේ විමර්ශන අංශය විසුරුවා හැරි බව එම අධිකාරියේ උසස් නිලධාරියෙක් පැවසීය.
මන්නාරම, වෙඩිතලතිව් යුද හමුදා පුහුණු කඳවුරේ පුහුණුව ලබන සෙබළුන් අතර උණ රෝගයක් පැතිරයාම හේතුවෙන් එම කඳවුරේ සෙබළුන් පිරිසක් කඳවුර තුළ නිරෝධායනය කිරීමට
පාර්ලිමේන්තු මහ මැතිවරණයට ජාතික ජන බලවේගයෙන් ඉදිරිපත් වූ ශ්‍රී ජයවර්ධනපුර විශ්ව විද්‍යාලයේ විද්‍යාර්ථීන් 24දෙනාගෙන් විසි දෙදෙනෙකුම පාර්ලිමේන්තුවට
සංචාරක නවසීලන්ත පිල සහ ශ්‍රී ලංකා පිල අතර තරග තුනකින් සමන්විත එක්දින ක්‍රිකට් තරගාවලියේ මහනුවර පල්ළෙකැලේ ජාත්‍යන්තර ක්‍රිකට් ක්‍රීඩාංගනයේ දැන් පැව
ශ්‍රේෂ්ඨාධිකරණ විනිසුරු මුර්දු ප්‍රනාන්දු මහත්මිය නව අග විනිසුරු ලෙස පත්කිරීමේ නිර්දේශය ආණ්ඩුක්‍රම ව්‍යවස්ථා සභාව අනුමත කර ඇත.
කටුනායක ගුවන් තොටුපොළ වෙත පැමිණි ශ්‍රී ලන්කන් ගුවන් යානා 03 ක් තාක්ෂණික දෝෂවලට ලක් වීම නිසා , ගුවන් ගමන් වාර කීපයක් අවලංගු කර , තවත් ගුවන් ගමන් වාර කීපයක්
2024 නොවැම්බර් මස 05
344
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
628
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
‘සර්ව පාක්ෂික ආණ්ඩුවකින් රටේ ප්‍රශ්න විසඳිය හැකියි‘
ravin Friday, 17 June 2022 06:05 PM
තමුන් නොදන්නවා වගේ හැසිරුණාට මෙරට සිටින සියලු දෙනා දන්නවා අද තියෙන ප්‍රශ්නවල මුල කවුද කියලා. දැනට සිටින ජනාධිපති පදවියේ වැඩබාරගනිද්දී ඉඟිකළේ කවුද කියලත් දන්නවා. හොඳම දේ නම් ‘‘අනිච්ඡාවත සංඛාරා‘‘ කියන එක...
kamala siri herath Friday, 17 June 2022 06:14 PM
හිටන් හුටන්ගේ කෙරුවාව අපිට ඇතිවෙලා.. පොළොන්නරුවේ ගිහින් කුඹුරක් කොටන්න..
දාස Friday, 17 June 2022 06:28 PM
මේ තත්වයට රට ඇද දැමූ හොරුටික එකතුවෙලාද රට ගොඩගන්න යන්නේ..,! අනේ සිරෝ මට නම් හිනාවෙන්න තැනක් නෑ ගොයියෝ...
සමිත සේනක අලුත්ගමගේ. Friday, 17 June 2022 06:34 PM
මෛත්‍රීපාල සිරිසේනට ජනතාව බලය ලබා දුන් වෙලේ ඒදේ ඔහු හරියට නොකොට, ජනතා මතයට හා ඔහු බලයට ගෙනා අයටද පයින් ගසා, හොර ආණ්ඩු හදලා, එය ගරු අධිකරණයේ තීරණයෙන් පසු වෙනස්වී ගියා. ඒත්, නැවතත් රාජපක්ෂවරුන්ට බලය ලබා ගැනීමට හැකි තරම් යටි කූට්ටු වැඩ කළා.ඒවා ජනතාවට අමතක නැහැ.රට මේ අගාධයට ඇද දැමූ රාජපක්ෂ පාලනය ගෙනඒමට උදව් කළ සිරිසේනත්,මේ සියලු දේවල් වලට වගකිව යුතුයි.දැන් මේ සර්ව පාක්ෂික ආණ්ඩු හදන්නට වෙර දරන්නේ, සියලුම හැත්ත බුරුත්ත පිටින්ම බලයේ රැඳී සිටිමින් රටේ ඉතිරි ටිකත් කාබාසිනියා කර දමන්නයි. දැන් රටට අවශ්‍ය වන්නේ, රට කෑ අය කරනා පාලනයක් නොවේ. වෙනත් දෙයකි...
Nihal Friday, 17 June 2022 07:15 PM
එතකොට ඩොලර් වැක්කෙරෙනවා. උතුරනවා කියලා හිතමු. හිතීමේ, කතා කිරීමේ නිදහස තිබුණු පළියට ඔහොම කියන්න හොඳ නැහැ.
කමල්Sunday, 19 June 2022 07:01 AM
නිහාල් හිතන්නේ පක්ෂ ක්‍රමයෙන් තමයි හරියන්නේ කියලා නේද? අපි නිදහස ගත්තේ පක්ෂවලට බෙදිලා නොවෙයි, හැමදෙනාම ජාති, ආගම් කුල භේදයකින් තොරව එකාවගේ එකතුවෙලා... අහලා නැද්ද නැගී සිටිය හැක. එක්සත් වී බෙදීගියොත් රට යයි සුන්වී කියලා... කොහොම නමුත් රටට ආදායම් ක්‍රමයක් සැකසීමෙන් තොරව අනවශ්‍ය දේවල් කරලා ගත්තු ණය ගෙවීමට බැරිවුනේ පක්ෂ ප්‍රතිපත්ති ආණ්ඩු පක්ෂයේ සාමූහිකත්වය රැකීම වැනි අදහස් මත කොපමණ වැරදි තිබුණත් අයවැයට පක්ෂපාතී වීම නිසායි... ලංකාවේ මිනිස්සුන්ගේ මෝඩකම කොතරම්ද කියනවා නම් මේ රට මෙතරම් ණය කරපු කෙනා හිටියා නම් මෙහෙම වෙන්නේ නැහැ කියන එවුන් තවමත් ඉන්නවා දැන් පාසල් වහගෙන කටයුතු කළොත් එහෙම එවුන් ලක්ෂ ගණනින් වැඩිවේවි...!!!
Asela Friday, 17 June 2022 07:49 PM
ඔබ දැනටමත් කරලයි තියෙන්නේ... දැන් කට වහගෙන ඉන්න..
චන්දන Friday, 17 June 2022 09:18 PM
ඔයා කරපු හැටි අපි දන්නවා. දැන් පැත්තකින් ඉන්න...
gagana Friday, 17 June 2022 11:42 PM
අනේ ගෙදර ඉන්න...
LGPJ Saturday, 18 June 2022 02:29 PM
රටේ ප්‍රශ්න කවදාකවත් සර්ව පාක්ෂික රජයකට විසඳන්න බැහැ.
chandima Sunday, 19 June 2022 09:46 AM
ඔය මොනවා කිව්වත් යාලු ප්‍රජාවට ඕනෑ රටේ මිනිස්සුන්ගේ බොටුව මිරිකලා රූකඩ ආණ්ඩුවක් පිහිටුවන්න. මේ තරම් කල් කුරුමාණම් ඇල්ලුවේ ඒකටයි.
chandima Monday, 20 June 2022 04:06 AM
සර්ව පාක්ෂික නාඩගම පෙන්නලා ඉවරයි. දැන් හැමෝම සුබ සහ යස නාඩගම බලන්න සූදානම් වෙන්න...