2024 නොවැම්බර් මස 25 වන සඳුදා
2024 නොවැම්බර් මස 25 වන සඳුදා
(චාපා මධුභාෂිණී)
තම එකම දියණිය විසින් නිවසින් පන්නා දැමීම නිසා අසරණ වූ මා පිය යුවළක් සතියක් තිස්සේ මැදිරිගිරිය බස් නැවතුමේ රැඳී සිටිති.
අව්වට වැස්සට ආවරණයක් පවා නොමැතිව මැසි මදුරු පීඩාවන්ට ද ගොදුරු වෙමින් බස් නැවතුමේ ජීවත්වන මෙම යුවළ කෑම මෙන්ම ලබාගත යුතු බෙහෙත් ද නොමැතිව දැඩි ලෙස අසරණව සිටිති.
මිනුවන්ගොඩ ප්‍රදේශයේ පදිංචිව සිටි තමන් දියණියගේ කීම විශ්වාස කර ජිවත් වූ නිවෙස විකුණා දමා දියණියගේ නිවෙසට පැමිණි බවත්, දියණිය හා ඇගේ සැමියා නිවස විකුණීමෙන් ලැබුණු මුදල ද ලබාගෙන ඔවුන්ගේ නිවසින් පන්නා දැමූ බවත් එම මව පැවසුවාය.
ජේ.ඒ. සීලවති නැමති ඇය 69හැවිරිදි වියෙහි පසුවන අතර ඇගේ සැමියා වකුගඩු රෝගයෙන් පෙළෙන නිසා කුලියක් හෝ කර ගත නොහැකි බව ද ඇය සඳහන් කළාය.
තමන්ට අත්වූ ඉරණම සම්බන්ධයෙන් ඇය මෙසේ පැවසුවාය.
''අපේ දුව අම්මවයි තාත්තවයි අපි බලා ගන්නම් මුල් ඉඩම විකුණලා සල්ලි ටික දෙන්න කියලා 2019 අවුරුද්දේ පෙබරවාරි 4 වන දින කිව්වා. මට ඉන්න ඒකම දරුවා ඇය නිසා මම ඒ ඉඩම විකුණලා රුපියල් ලක්ෂ 6 දුන්නා.අපිත් දුවව විශ්වාස කරලා මැදිරිගිරියට ආවා. ඒ ආපු හැටියේම දුව අම්මයි තාත්තයි දැනට ගෙයක් කුලියට අරගෙන යන්න කිව්වා. ඉතිං අපි කුලියට ගෙවල් ගණනාවකම හිටියා. හිටි හැටියේම මගේ මහත්තයා වකුගඩු රෝගියෙක් වුනා. ඊට පස්සේ අපිට කුලී ගෙවා ගන්න මාරු වුණා.
කර කියා ගන්න දෙයක් නැති තැන අපි මැදිරිගිරිය පොලිසයට ගියා. පොලිසියෙන් අපිව දුවගේ ගෙදරට ගෙනිහින් දැම්මා. ඒ ගිහින් දාපු දවසට පහුවදාම මගේ දුවයි දුවගේ මහත්තයයි දෙන්නා අපිට 'බැහැපියව් දොට්ට' කියලා පන්නා දැමුවා. පිටිපස්සේ දොරෙන් අපේ බඩු එළියට වීසි කළා. අපි දෙන්නා පහුගිය 4 වෙනිදා අපේ රෙදි කඩමළුත් අරගෙන යන ඒන මං නැතිව ඒ ගෙදරින් එළියට බැස්සා. යන්න තැනක් තිබුනේ නැති නිසා අපි මැදිරිගිරියේ බස් නැවතුමේ නතර වුනා.
කුස ගින්න දැනුනත් කන්න දෙයක් ගන්නවත් අතේ සතේ තිබුනේ නෑ. මගේ කුසින් වදපු දුවට වඩා ගුණයහපත් මිනිස්සු මේ නගරේ හිටිය නිසා ඔවුන් අපිට කන්න බත් පැකට් ගෙනත් දුන්නා. මමයි මගේ මහත්තයයි දුව ලැබුනට පස්සේ ගොඩක් සතුටු වුනා. දුව මගේ සල්ලිත් අරගෙන සැපපහසුවට ගෙයක් හදාගෙන ඒයාගේ දරුවොත් ඒක්ක සතුටින් කාලය ගතකරනවා. පවු නෑ පුතේ මගේ කිරි ටික දීලා උස් මහත් කරපු මගේ දරුවට කවදාවත් වරදින්න ඒපා. අම්මෙක් විදිහට මම කවදාවත් අපිට කරපු දේට සාප කරන්නේ නෑ." ඇය කියන්නීය.
අපේ මහ ඉඩම තිබුනේ මීගමුවේ මිනුවන්ගොඩ ගුවන් හමුදා කදවුර ඉස්සරහයි. දුවට සල්ලි හදිස්සි කිව්ව නිසා ගොඩාක් අඩුවට තමයි ඒ ගේ විකුණන්න වුනේ. ගේ විකුණපු සල්ලි ටිකත් අරගෙන බඩුත් පටවාගෙන අපි මැදිරිගිරියේ දුව බලන්න ආවා. දුව අපිට කුලියට ඉන්න කිව්වත් අපි එදාවත් දුවට වචනයක්වත් කිව්වේ නෑ. මම අද රටේ ඉන්න සියළුම දෙමවුපියන්ට කියන්නේ වැදුව දරවටවත් ජීවිත බුක්තිය නොතියා ඉඩ කඩම් දේපල වස්තුව ලියලා දෙන්න එපා. එහෙම වුනොත් ඒදාට අම්මා තාත්තට යන ඒනමං නැතුව මහ මගට බහින්න වෙනවා." යැයි ද ඇය කීවාය.
විස්තීරණ අරමුදල් පහසුකම (EFF) වැඩසටහනේ 3 වන සමාලෝචනය සාර්ථකව නිම කිරීම සනිටුහන් කරමින් IMF සහ ශ්‍රී ලංකා බලධාරීන් අතර කාර්ය මණ්ඩල මට්ටමේ එකඟතාවයකට පැමිණීම
උතුරු, උතුරු-මැද, නැගෙනහිර, මධ්‍යම සහ ඌව පළාත්වලත් හම්බන්තොට දිස්ත්‍රික්කයේත් විටින් විට වැසි හෝ ගිගුරුම් සහිත ඇති වන බව කාලගුණවිද්‍යා දෙපාර්තමේන්තු
පස්සර මඩොල්සිම මැටිගහතැන්න මාර්ගයේ 20 කනුව (ඩූමෝ කොටසේ ) නාය යාම පවතින වර්ෂාවත් සමඟ අද (24) යලි සක්‍රීය වී ඇතැයි මාර්ග සංවර්ධන අධ්කාරියේ බදුල්ල විධායක ඉංජි
පසුගිය රජයේ අමාත්‍යවරුන් භාවිත කළ වාහනම මෙම රජයේ කැබිනට් අමාත්‍යවරු සහ නියෝජ්‍ය අමාත්‍යවරු භාවිත කරනු ඇතැයි රජයේ නිලධාරියෙක් ප්‍රකාශ කළේය.
කර්මාන්ත අමාත්‍යවරයාට අමාත්‍යංශයෙන් දෙන දුකථනයේ රුපියල් 24,220 ක හිඟ බිලක් ඇති බවත් දුකරථන සමාගමෙන් තමන්ට කථා කර එය ගෙවන ලෙස දැනුම් දුන් බවත් නව කර්මාන්ත
ශ්‍රී ලංකා නාවික හමුදාවේ බුද්ධි තොරතුරකට අනුව මාලදිවයින් වෙරළ ආරක්ෂක බළකාය විසින් අයිස් මත්ද්‍රව්‍ය කිලෝ 344 ක් සහ කොකේන් මත්ද්‍රව්‍ය කිලෝ 124 ක් සමග මෙර
2024 නොවැම්බර් මස 05
512
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
732
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
සේසතම උදුරා ගත් දියණිය මහළු මව,පියා මහ පාරට තල්ලු කරයි
lanka Friday, 02 July 2021 08:29 PM
නොදකින් මෙහෙමත් දරුවෝ.
Raveendra Friday, 02 July 2021 08:51 PM
දෙමාපියන්ගේ අගය නොදත් මේ "ගොන් දියණිය සහ නරි බෑනාට" මෙලොවදීම මෙහි විපාක ලැබෙනු ඇත.
Don Friday, 02 July 2021 09:12 PM
මේ දුවට සහ බෑනාට, හිතක් පපුවක් නැද්ද, තිරිසන් සතුන් මෙයාලට වඩා හොඳයි
සමිත සේනක අලුත්ගමගේ. Friday, 02 July 2021 09:23 PM
" දෙතනේ කිරිපොවා ඇතිදැඩි කල දුවට ... දහදිය හෙළා දුක්විඳ හැදුවැඩූ පවට ... කරුමය කිමද පළදෙන අසරණ අපට ... අපගේ ලෙයයි අප දැම්මේ මහමගට ... "
Rohana Friday, 02 July 2021 09:53 PM
තමන්ගේ අම්මා තාත්තා රවටාගෙන ඉන්න ගේ දොරත් විකුනා මුදලුත් ලබාගෙන ගෙයක් දොරක් නැතිව සිටින මව් පියන් තමනිවසින් මහ මගට ඇද දැමීමේ පාපී සිතුවිල්ලක් ඇතිවීම කොතරම් ඛේද ජනකද? තමන් මහළු වියට පත්වූ දවසක තමන්ගේ දරුවනුත් තමන්ට මේ ක්‍රමයටම සලකනු ඇත. මෙලොවදීම විපාක දෙන පාප කර්මයක් සිදුකරගෙන ඇත.
ana Friday, 02 July 2021 10:00 PM
මේ දුවලට යනන අපායක් නැහැ. ජීවිත භුක්තියවත් තියාගෙන ලියල දෙනන තිබ්බේ
Shan Friday, 02 July 2021 11:09 PM
ඉන්න තැන හොයලා අසුචි බාල්දියක් ගහනන ඔනි දුවට.
tilak Saturday, 03 July 2021 01:11 AM
මෙවැනි වැඩ නවත්වන්න නීති හදනන ඔනි සලකන්ඩ බැරිනම් නිවාසයකට දාලා ගෙවීමක් හරි කරන්න ඔනි අසරණ මව්පියෝ
Kumar (Gulf) Saturday, 03 July 2021 01:57 AM
මේ වැඩේ සිංහල බෞද්ධයින් අතරේ නිතර කරන වැඩක්... ලංකාවේ අන්‍ය ආගමිකයෝ තම මවට, පියාට මෙහෙම කරන්නේ නෑ.
Perera Saturday, 03 July 2021 03:28 AM
බැලූ බැල්මට නම් මහ තිරිසන් ක්‍රියාවක් ... නමුත් දියණියගේ කතාවත් මෙතැන දැම්මා නම් තමයි හොඳ...
අප්පුහාමි Saturday, 03 July 2021 06:39 AM
මෙම අම්මගේ දියණියගේ දරුවො මෙම සිද්ධිය දකින්න ඇති. මැයත් ඇගේ ස්වාමියාත් කවදා හෝ වයසට යාවි. එදාට ඒ අයටත් මෙහෙම වෙන්න බැරි නැහැ. එදිට සිතට ඇතිවන සිතුවිලි මොවුන් අපාගත වීමට හොඳටම ඇති..
ඉක්රාම් Saturday, 03 July 2021 06:56 AM
මේ අය පාරට වැටෙන්න වැඩිකාලයක් යන්නේ නැහැ...
මුණසිංහ Saturday, 03 July 2021 07:17 AM
මේ වගේ තිරිසන් දරුවන්ට හෙන ගහපන් කියලා කීමේ වැරැද්දක් තියෙනවද?
සමන්ත Saturday, 03 July 2021 07:46 AM
ඇත්තටම මේ ගෙදර මුණුපුරන් හිටියේ නැද්ද? තමන්ගේ ආච්චි සහ සීයාව එළියට දාද්දී විරුද්ධ වෙන්න. ළමයි හදලා උගැන්නුවාට වැඩක් නෑ.. හොඳ නරක කියලා දෙන්නේ නැතිව... අද සමාජයේ වෙලා තියෙන්නේ ඒ ටික... පාසැල් යවනවා, ටියුෂන් යවනවා, දහම් පාසැල් යවනවා මේ හැමදේම කළත් හොඳ නරක කියලා දෙන්න ඕනේ දෙමාපියන් විසින්... දොස්තරවරු උගත් වුවත් අහිංසක රෝගීන් ඇපයට තබා වැඩවර්ජන කරන්නේ හොඳ නරක නොදැන තමන් ගැන පමණක් හිතන නිසා. නමුත් කසල ශෝධකයින් වැඩ වර්ජන නොකරන්නේ උගත්කමට වඩා එහාගිය හොඳනරක දෙක වෙන්කර හඳුනා ගැනීමට හැකියාව ඇති නිසා. ඉතිං මුලින් හොඳනරක ඉගැන්විය යුතුයි.
සනත් බංඩාර Saturday, 03 July 2021 09:45 AM
මීගමුවේ ගුවන් හමුදා කඳවුර ලඟ ඉඩමක් රුපියල් ලක්ෂ 6ට විකුණුවේ මොකද?. පර්චස් එකක් අඩුම ගානේ ලක්ෂ 10ක් වෙනවා. මම හිතන්නේ ලක්ෂ 60ට විකුණන්න ඇති....
Viki Saturday, 03 July 2021 10:24 AM
මේ බෞද්ධ රටේ, මේ අසරණ දෙමවුපියන්ට උදව් කරන්න කවුරුවත් නැද්ද?
rihan Saturday, 03 July 2021 10:53 AM
දෙමව්පියන්ට කළ අපරාධ තමන්ගේ මරණයට පෙර තමන්ටද එසේම පළ දෙයි...
Anticorruption Saturday, 03 July 2021 12:25 PM
අර ප්‍රසිද්ධ විකට කළුවොත් ඉන්නවා... දෙමව්පියන්ට අපහාසවන අප්‍රසන්න විහිළු කරමින්. ඉතින් මව්පියන්ට සලකන සමාජයක් හැදෙයිද?
MDSunday, 04 July 2021 09:42 AM
නිවැරදියි. සමහර ටෙලිනාට්‍යවල දෙමව්පියන්ට වැඩිහිටියන්ට කථාකරන ස්වරූපය 0 යි. මේවා සම්පූර්ණයෙන්ම ඔලමොට්ටල අධ්‍යක්ෂකලාගේ නිෂ්පාදකලාගේ අනුදැනුම මත සිදුවෙනවා. ඵ්වාට සිනාසෙමින් අපි දරුවන් ඵක්ක ඵකට ඉඳගෙන ඵ්වා නිතර නිතර බලනකොට දරුවන් ඵ්වා හොඳ කථා සාමාන්‍ය විහිළු කියලා නිසැකවම ඔලුවට ගන්නවා. ඊට පස්සේ කථාබහ කරන අවස්ථාවක දරුවන් ඵ්වා ප්‍රායෝගිකව යොදාගන්නකොට අපි දරුවන්ට දඬුවම් කිරීමෙන් ඵලක් වේද?
යටන්වල Saturday, 03 July 2021 12:37 PM
ජනපතිතුමනි.., මහලු අයට නිවසක් තනන්න. මේ අයට දඬුවම් කරන්න...
Fazi Mohommed Saturday, 03 July 2021 01:09 PM
කරුණාකර ඒ අයගේ විස්තර මට එවන්න.. මම උදව් කරන්නම්...!!!
සමිත සේනක අලුත්ගමගේ.Saturday, 03 July 2021 01:46 PM
ෆාසි මහතා වැනි මිනිසුන් රටකට වාසනාවක්... ස්තූතියි.
විපරමා Saturday, 03 July 2021 01:38 PM
පව්කාරයින්. දුවටයි, පවුලේ අයටයි මෙලොවදීම කරපු පවට විපාක විඳින්නට සිද්ද වෙයි...
RANJITH DUBAI Saturday, 03 July 2021 02:47 PM
කරුණාකර ඒ අයගේ විස්තර එවන්න
gayan Saturday, 03 July 2021 02:49 PM
දහමින් ඈත් කරල, මනුස්සකම් පෝෂනය නොකර උදේ ඉදන් රෑ වෙනකම් ටියුශන් පංති ගානේයි, මෙලෝ රහක් නැති ටෙලි පඩංගු ටිකයි එක්ක ජීවත් වෙන ලමයිත් හරියට කලුගල් වගේ, උන් තව කෙනෙකුට අනුකම්පා කරනව තියා තමන්ගේ යුතුකම වන දෙමව්පියන්ට සැලකීම වත් අදුරන්නේ නෑ. සමහරවිට මේවගේ ගුනයක් නැති ලමයි බිහිවෙන්න දෙමව්පියනුත් දැනුවත්ව හෝ නොදැනුවත්ව දායක වෙලා තියනව.
Sanu Saturday, 03 July 2021 04:45 PM
හද සසල කරවන පුවතක්... ඔවුන්ට අපේ උදව් අවශ්‍යයි.
Sarasi Saturday, 03 July 2021 05:02 PM
මේ දුවේ.. නුඹට ඕවා පලදීම වැඩි දවස් නොයාම ලැබේවි.... නරි බෑනෝ උඹත් ගෙදරින් පන්නන්නේ ඔහොම තමයි. නුඹලාට වැඩිය කැලේ සත්තු හොඳයි...!!!
Vikasitha Saturday, 03 July 2021 05:53 PM
කරුණාකර ඔවුන්ගේ විස්තර මට එවන්න...
Ranjith Madurapperuma Saturday, 03 July 2021 09:31 PM
කරුණාකර ඔවුන්ගේ විස්තර මට එවන්න...
MD Saturday, 03 July 2021 09:37 PM
මෙන්න නියම නරිබැනලා.වචනයේ පරිසමාප්ත අර්ථයෙන්ම නරියෙක් කියන්නෙ තිරිසනෙක්.දුව වුනත් නරියා නෙරිය පුප්පගෙන හු කිව්වත් ඵකම දරුවා හැටියට මොනතරම් දෙමව්පියන්ගේ වැරදි අඩුපාඩු තිබුනත් දැඩිව මෙම දෙයට ඵරෙහිව නොහිටිය ඵක ගැන පුදුමයක් කලකිරීමක් දුකක් දරාගත නොහැකි කනගාටුවක් ඇතිවුනා.අම්මෙ තාත්තෙ ඔබ දෙපල රැවටුනේ නැහැ.අසරණ වුනේ නැහැ.ඵයාලටයි ඵහෙම වුනේ.ඔච්චර දේවල් වෙලත් අම්මේ ඔයා ඵයාලට සාප කලේ නැහැ.ඔයා අම්මා කියන වචනයේ ගෞරවයට භක්තියට හානි කලේ නැහැ.ඔය දෙන්නට හොඳම දවස හෙටයි.ශක්තිමත්ව තාත්තා පුලුවන් විධියට ආරක්ෂා කරගන්න.ඔයාල දෙන්න නිදුක් නිරෝගී සුව ලැබේවා.තෙරුවන් සරණයි!
Pradeep Saturday, 03 July 2021 09:49 PM
මම කැමැති බලා ගන්න .කරුණාකර මේ අම්ම සම්බන්ද කර ගත හැකි විදිහක් දෙන්න.
Janananda Saturday, 03 July 2021 11:30 PM
කරුණාකරලා ඒ අම්මලා සම්බන්ධ කරගන්න පුළුවන් අංකයක් මට ඊමේල් කරන්න.
gamage Saturday, 03 July 2021 11:57 PM
දරුවන්ට හා දෙමව්පියන්ට උදව් කරන්න කැමැතියි. විස්තර ලබාදෙන්න. ඔහොම වෙන්නේ අවබෝධය නැති නිසා.
Sumedha Sunday, 04 July 2021 01:22 AM
කෝ අර V8 අරන් මහා උජාරුවට රට වටා යන ස්වාමින්වහන්සේ?
මෝ Sunday, 04 July 2021 01:54 AM
තවමත් දරුවාට ආශිර්වාද කරනවා හොඳක්ම වෙන්න කියලා. මේවා අහලා අඬනවා හැර මොනවා කරන්නද? මෙලොවදීම අවීචි මහ නිරයේ අත්දැකීම ලැබෙන පාපතර දියණියක් සහ බෑනෙක්... මේ දෙමාපියන් කෙතරම් සිතින් මැරි මැරී ඉපදෙනවා ඇද්ද දරුවන් හදාවඩා ගන්න වින්ද දුක් මහන්සිය මතක්වෙලා. පාපතර දරුවෙක්...
Jayani Sunday, 04 July 2021 02:44 AM
මේ දෙමව්පියන් ගැන වැඩි විස්තර දන්වන්න..
සෙනරත් Sunday, 04 July 2021 07:08 AM
ලෝකෙ සිස්ටම් එක ඔහොම තමයි... ඒ නිසා වයසට යනකන්ම ඔහේලා තියෙන දේ භුක්ති විඳිනවලා... අන්තිම මොහොතේ තියෙන දේ කිසිවෙකුට ලියන්න කලබල වෙන්න එපා.. ඔක්කොම ඇවිත් දේපල නිසා රජ සැප දේවි.. ඒක අරං මැරෙනකං ජීවත් වෙන එකයි තියෙන්නේ... මැරුණායින් පස්සේ ඉන්න අය ඔහේගේ දේපළවලට ඇණකොටා ගනීවි. ඒකට ඔහේට රුදාවක් නෑනේ... ඔහේ එතකොට මැරිලා...
DDS DUBAI Sunday, 04 July 2021 11:31 AM
මම උදව් කරන්න බලාපොරොත්තුවෙන් ඉන්නවා. කරුණාකර ඇමතුමක් ලබාදෙන්න.
Divya Pathirana Sunday, 04 July 2021 01:24 PM
මේ දෙමව්පියන්ගේ විස්තර, දුරකථන අංක මට එවන්න... මට නවාතැන්, මුදල් සහ ආහාර ලබාදෙන්න පුළුවන්...
Rizwan Wednesday, 07 July 2021 11:15 AM
හරිම කණගාටුයි . මේ පවුලට මට උදව් කරනන පුලුවන් කොහොමද?