නිරිත දිග බෙංගාල බොක්ක මුහුදු ප්‍රදේශයේ පවතින ගැඹරු පීඩන අවපාතය ඊයේ (28)  රාත්‍රී 11.30 පමණ වන විට ත්‍රිකුණාමලයට කිලෝ මීටර් 240ක් පමණ ඊසාන දෙසින් සහ කන්කසන්තුරයට කිලෝ මිටර් 290ක්  පමන නැගෙනහිරින් පිහිටා ඇතැයි කාලගුණ විද්‍ය දෙපාර්තමේන්තුව කියයි.

එය වයඹ දෙසට ගමන් කරමින් තමිල්නාඩු  වෙරළ දක්වා ගමන් කිරීමේ වැඩි හැකියාවක් ඇත. අද දිනයෙන් පසු  දිවයිනේ කාලගුණයට මෙම පද්ධතිය මගින් වන බලපෑම ක්‍රමයෙන් අවම වනු ඇතැයි ද කාලගුන දෙපාර්තමේනතුව බලාපොරොත්තු වේ.

දිවයිනේ උතුරු සහ උතුරු - මැද පළාත්වලත් ත්‍රිකුණාමලය දිස්ත්‍රික්කයේත් විටින් විට වැසි හෝ ගිගුරුම් සහිත වැසි ඇති වේ. උතුරු පළාතේ ඇතැම් ස්ථානවලට මිලි මීටර් 100 වඩා තද වැසි ඇති වේ.

බස්නාහිර,සබරමුව, සහ වයඹ පළාත්වලත් ගාල්ල,මාතර, මාතලේ සහ මහනුවර දිස්ත්‍රික්කවත් විටින් විට වැසි ඇති වේ. සෙසු ප්‍රදේශවල සවස් කාලයේදි හෝ රාත්‍රී කාලයේදි තැනින් තැන වැසි හෝ ගිගුරුම් සහිත වැසි ඇති විය හැකියි.