(ඒ.ජේ.කරඳගොල්ල  )

හඟුරන්කෙත,පොරමඩුල්ල විද්‍යාකර මහා විද්‍යාලයේ සිසු සිසුවියන්  සීයකට ආසන්න   පිරිසක් ආසාත්මිකතාවයක් හේතුවෙන් අද (23.) රිකිල්ලගස්කඩ මූලික රෝහලට ඇතුළත්කර ඇත.

මින් සිසුන් පස්දෙනකුට ශ්වසන ආබාධයක්ද ඇතිව තිබූ බව රෝහල් ප්‍රකාශකයකු ලංකාදීපයට පැවසීය .

ඇඟ කැසීමත් සමඟ පලු දැමීම නිසා මෙම සිසු සිසුවියන් රෝහල්ගතකර තිබේ.

මෙසේ රෝහල්ගතකර ඇත්තේ එම විද්‍යාලයෙ 7 සහ 8 වන ශ්‍රේණියේ සිසු සිසුවියන් පිරිසකි.

එක ශාලාවක මෙම පන්ති දෙක පිහිටා ඇත. කුඩා කෘමි සතකු විදීමත් සමඟ මෙම ආසාත්මිකතාවය  ඇතිව තිබේ.

ඉන් පසුව විදුහල්පතිතුමා ඇතුළු කාර්ය මණ්ඩලය මඟින් මෙම සිසු පිරිස රෝහල්ගතකිරීමට පියවරගෙන තිබුණි. කෙසේ වුවද මෙම ආසාත්මිකතාවයට නිශ්ච්ත හේතුව අනාවරණය නොවූ බව රෝහල් ප්‍රකාශකයකු ලංකාදීපයට පැවසීය .

සිසු සිසුවියන් රෝහල්ගතකිරිමෙන් පසුව වෛද්‍යවරුන් ඇතුළු සෙසු කාර්ය මණ්ඩලය යුහුසුළුව ප්‍රතිකාරක ලබාදීමට කටයුතු කරනු ලැබීය. 

මේ සම්බන්ධව රිකිල්ලගස්කඩ ප්‍රාදේශීය සෞඛ්‍ය වෛද්‍ය නිළධාරි කාර්යාලය සහ හඟුරන්කෙත පොලිසිය මගින් වැඩිදුර පරීක්ෂණ පවත්වනු ලබයි .