(යොහාන් භාසුර)

හිටපු ආණ්ඩුකාරවරයෙක් සහ හිටපු ජනාධිපති ජ්‍යෙෂ්ඨ ලේකම්වරයකු වන කීර්ති තෙන්නකෝන් මහතා බදුල්ල දිස්ත්‍රික්කයට අයත් හල්දමුල්ල ප්‍රාදේශීය ලේකම් කොට්ඨාසයේ බෝගහපැලැස්ස රක්‍ෂිත වනාන්තරයේ ඉඩම් අක්කර 18 ක් අත්පත් කරගනෙ ඇතැයි අමාත්‍ය සමන්ත ව්‍යාරත්න මහතා පවසයි.

එම අත්පත්කර ගැනීමට තෙන්නකෝන් මහතා වෙනත් නමක් සහ ව්‍යාජ ජාතික හැදුනුම්පත් අංකයක් පාවිච්චි කර ඇති බවත් වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා අද (9) පැවසීය.

හල්දමුල්ල ප්‍රාදේශීය ලේකම් කොට්ඨාසයේ, මහලන්ද වසමේ අන්නාසිගල ගොවි ව්‍යාපාරයේ වගා බීමකට සහ උණාකන්ද යන ගමට විදුලිය දීමේ ව්‍යාපෘතියකට ජාතික ජනබලවේගයේ ඇමතිවරයෙක් බාධා කරන බවට එල්ල වන චෝදනා සම්බන්ධයෙන් එම අමාත්‍යංශයේදී පැවැත්වූ විශේෂ මාධධ්‍ය හමුවේදී අමාත්‍ය සමන්ත විද්‍යාරත්න මහතා එසේ පැවසීය.

කීර්ති තෙන්නකෝන් මහතා එම ඉඩම අත්පත්කරගැනීමට කේ. ටී රංජිත් යැයි නමක් සහ ව්‍යාජ හැදුනුම්පත් අංකයක් යොදාගනෙ ඇති බවත් ඉඩම් ගැනීමට යොමු කළ හැදුනුම්පත් අංකයේ ඉලක්කම් 13 ක් ඇතුළත් බවත් අමාත්‍යවරයා කීය.

මෙම සිද්ධිය පිළිබඳව අපරාධ පරීක්‍ෂණ දෙපාර්තමේන්තුවට පැමිණි කරන බව ද අමාත්‍යවරයා පැවසීය.

කීර්ති තෙන්නකෝන් මහතා සමඟ ඉඩම් අත්පත්කරගත් පුද්ගලයන් අතර වෘත්තිකයන් සහ ව්‍යාපාරිකතයන් සිටින බවත් තෙන්නකෝන් මහතා පමණක් මඩින් අක්කර 5 ක් සහ ගොඩින් අක්කර 13 ක් සමඟ අක්කර 18 ක් භුක්කි විදින බවත් අමාත්‍යවරයා සඳහන් කළේය.

හිටපු ජනාධිපති ගෝඨාභය රාජපක්‍ෂ ජනාධිපතකිවරයා ලෙස පත්වීමෙන් පසුව ‘ගම සමඟ පිළිසඳර’ වැඩසහනේදී කටවචනය චක්‍රලේඛණ යැයි පැවසීමෙන් ප්‍රයෝජනය ගනිමින් ජාවාරම්කාර පිරිසක් සහ සමහරක් ගම්මු ඔවුන්ගේ පාරම්පරික ඉඩම් රක්‍ෂිතයට ඇතුළත්ව ඇති නිසා ඒවා නිදහස් කරන ලෙස කළ ඉල්ලීම් කළ බවත් එම කටවචනය ප්‍රයෝජනයට ගනිමින් ජාවාරම්කාර කණ්ඩායමක් නිලධාරීන්ට උපදෙස්දී ඉඩම් අක්කර 5,482 ක් කොල්ලකාරි ලෙස බුක්තිය අරගෙනතියෙනවා.

කෝටි 12 ක් වියදම් කරන විදුලි ව්‍යාපෘතියෙන් දැඩි පරිසර හානියක් සහ ජාවාරමක් ක්‍රියාත්මක වන බවට පැමිණිළි ලැබුණු බවත් ඒ හේතුවෙන් එම ව්‍යාපෘතිය පිළිබඳව පරීක්‍ෂණයක් පවත්වන ලෙස ඉල්ලා සිටි බවත් විද්‍යාරත්න මහතා කීය.

ජාවාරම්කාරයන්ගේ නොව ගම්මුන්ගේ පාරම්පාරික ඉඩම් නිදහස් කිරීමට සහ විදුලිදීමට කිසිඳු විරෝධයක් නොමැති බවත් කෝටි 12 ක් වැය කර විදුලි ජාවාරම්කරුවන්ගේ ගොවිබිම් දක්වා ගෙනගොස් ඇති බවත් අමාත්‍යවරයා සඳහන් කළේය.

කීර්ති තෙන්නකෝන් මහතාගෙන් මෙම චෝදනාව පිළිබඳව කළ විමසුමකදී පැවසුවේ ඉඩමක් අත්පත්කර ගත්තේ යැයි කරන චෝදනාව සම්පූර්ණයෙන්ම ප්‍රතික්ෂේප කරන බවත් එම ඉඩම ආණ්ඩුකාරවරයා ලෙස කටයුතු කරන කාලයේ ගත් එකක් නොවන බවත්ය.

එම ප්‍රදේශයේ වඩාත් දුෂ්කරව ජීවත් වන පවුල් 240 ක් පමණ පදිංචිව සිටින බවත් තමන්ට එම ගම්මානය සමඟ වසර 20 කටට අධික සම්බන්ධයක් ඇති බවත් තෙන්නකෝන් මහතා කීය. එම ගම්මානවල ජනතාව උමාඔය ව්‍යාපෘතියට පක්‍ෂව සිටි පිරිසක් වීම නිසා සමන්ත විද්‍යාරත්න මහතාට එම ජනතාව සමඟ ගැටලුවක් ඇති බවත් ඒ හේතුවෙන් එම ගම්මානවලට විදුලි සැපයුම දීම වැලැක්වීමට කටයුතු කරමින් සිටින බවත් තෙන්නකෝන් මහතා පැවසීය.

අමාත්‍ය සමන්ත විද්‍යාරත්න මහතා කළ චෝදනා පිලිබඳව මේ මොහොත වන විට හොදින් දැනුවත් නොමැති බව කී තෙන්නකෝන් මහතා එම චෝදනාවට එරෙහිව නීතිමය පියවර ගන්නා බව ද වැඩි දුරටත් සඳහන් කළේය.