2024 නොවැම්බර් මස 07 වන බ්‍රහස්පතින්දා
2024 නොවැම්බර් මස 07 වන බ්‍රහස්පතින්දා
(පුෂ්පකුමාර මල්ලවආරච්චි)
රටේ මහත් ආන්දෝලනයකට ලක්ව ඇති දාරළුවේ පිහිටි පඬුකරද ගස(කෲඩියා සෙලනිකා) සම්බන්ධයෙන් ගත යුතු උචිතම ක්‍රියාමාර්ගය ගස ඒ ආකාරයෙන්ම තිබීම බවත්, ඒ සම්බන්ධයෙන් මාර්ග සංවර්ධන අධිකාරියේ නිලධාරීන් නම්‍යශීලීව කටයුතු කරනු ඇතැයි තමන් විශ්වාස කරන බවත්, හිටපු ජනාධිපති මෛත්‍රීපාල සිරිසේන මහතා අද(14) පැවසීය.
හිටපු ජනාධිපතිවරයා මේ බව ප්‍රකාශ කළේ දාරළුවේ පිහිටි ඓතිහාසික වැදගත්කමකින් යුතු පඬුකරඳ ගස නිරීක්ෂණය කිරීමෙන් අනතුරුව ය.
එම ස්ථානයට හිටපු ජනාධිපතිවරයා පැමිණි අවස්ථාවේදී ප්‍රදේශයේ ජනතාව හා පරිසර සංවිධාන මෙම ගසෙහි වටිනාකම සම්බන්ධයෙන් හා වත්මන් තත්ත්වය පිළිබඳව සඳහන් කළහ. සුරකිමු ශ්‍රී ලංකා සංවිධානයේ නියෝජිතයකු විසින් ගස සම්බන්ධයෙන් සකස් කරන ලද වාර්තාවක් මෙහි දී ජනාධිපතිවරයාට බාරදුන්නේය.
ගස සමීපයටම ගිය හිටපු ජනාධිපතිවරයා ගසට ගෞරව ආචාරය පුද කළේය. අනතුරුව මාධ්‍ය හමුවේ අදහස් දැක්වූ මෛත්‍රීපාල සිරිසේන මහතා මෙසේ ද කීය.
'සුන්දර පරිසරයක පිහිටි දාරළුව ගම්මානයට පැමිණීමට ලැබීම පිළිබඳව මම සතුටු වෙනවා. දුර්ලභ ගසක්, වටිනා සම්පතක් වන මේ ගස වෙත මේ වන විට සියලු නිලධාරීන්ගේ හා රජයේ අවධානය යොමු වෙලා තියෙනවා. ඒ වටිනාකම හේතුවෙන් මහා සංඝරත්නය මේ ගස ශාසනයට පූජා කළා. අපිත් පූජා වස්තුවක් ලෙස ඊට සලකන්න ඕනේ.
ජනතා ඉල්ලීම් සම්බන්ධයෙන් රජයේ පාර්ශ්වයෙන් හොඳ ප්‍රතිචාරයක් ලැබෙනු ඇතැයි මම විශ්වාස කරනවා. මම මේ සම්බන්ධයෙන් පෞද්ගලිකව රජය, අදාල ආයතන හා නිලධාරීන් දැනුවත් කිරීමට කටයුතු කරනවා. ගස ආරක්ෂා කර ගැනීමට පුළුවන් වෙයි කියල මම විශ්වාස කරනවා.
මගේ මතකය අනුව මම ජනාධිපති සමයේ ලැබුණු මුල් සැලැස්මේ මේ ගස මග අරින සැලැස්මක් තිබුනු බව මතකයි. ගසට පරිසරයට ආදරය කරන පිරිස් කරන ඉල්ලීම් සලකා බලා මේ සම්බන්ධයෙන් ප්‍රශ්නයක් මතු නොවුණු ඇතැයි මම විශ්වාස කරනවා. මම ජනාධිපති කාලයේ මේක සම්බන්ධයෙන් මට වාර්තාවක් ලැබුණේ නැහැ.
අද ගත යුතු උචිතම ක්‍රියාමාර්ගය මේ ගස මේ ආකාරයෙන්තිබෙන එකයි' යැයි හිටපු ජනපතිවරයා කීය.
බීමත්ව යතුරුපැදිය පදවා දෙදරු මවක යටකර පලාගිය පොලිස් සැරයන්වරයෙකුගේ වැඩ තහනමකට ලක්කල බව කළුතර ජේ්‍යෂ්ඨ පොලිස් අධිකාරී කාර්යාලය පවසයි.
ඇමරිකා එක්සත් ජනපදයේ ජනාධිපති ධුරය සඳහා යළිත් පත් වූ ඩොනල්ඩ් ට්‍රම්ප් මහතාට අට වැනි විධායක ජනාධිපති රනිල් වික්‍රමසිංහ මහතා එක්ස් පණිවිඩයක් තබමින් ස
වාහන සිද්ධියක් සම්බන්ධයෙන් දැනට රක්ෂිත බන්ධනාගාරගතව සිටින ගාල්තැන්න ප්‍රදේශයේ ප්‍රසිද්ධ දේවාලයක දේව ගැතිවරයාගේ වාහන අංගනයේ තිබූ තවත් සැකකටයුතු මි
ශ්‍රී ලංකා ඉතිහාසයේ විශාලතම අල්ලස වශයෙන් සැළකෙන රුපියල් කෝටි 12 1/2 ක අල්ලසක් ඉල්ලා ලබාගත් බවට චෝදනා ලැබ සිටි රේගු අධිකාරීවරුන් සිව්දෙනාම අදාළ චෝදනාවන්ට
මහ මැතිවරණයෙන් පසු ඉතා ඉක්මනින්ම පළාත් පාලන මැතිවරණය පැවැත්වීමට සූදානම් වන්නැයි මැතිවරණ කොමිෂන් සභාවේ සභාපති ආනන්ද රත්නායක මහතා සියලුම දිස්ත්‍රික
රුපියල් කෝටියකට ආසන්න වටිනා කොකේන් මත්ද්‍රව්‍ය ගුලි තොගයක් ගිල දමා සිටි සීරාලියොන් ජාතිකයෙකු බොරැල්ල කොටා පාර ප්‍රදේශයේදී අත්අඩංගුවට ගත් බව පොලිස
2024 නොවැම්බර් මස 05
40
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
436
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
හිටපු ජනපති කෲඩියා සෙලනිකා බලන්න යයි
Hemantha Sunday, 14 February 2021 09:38 AM
ඇයි මේ වැඳගෙන ඉන්නේ? අයියෝ..
Raveendra Sunday, 14 February 2021 09:43 AM
ජනාධිපති වෙලා උන්නු කාලේ පත්තරේ බලලනේ ඕව ගැන දැන ගත්තේ. දැන් ගෙදර ගියාට පස්සේ තමයි මතක් වෙලා තියෙන්නේ රටේ දේවල් ගැන හොයලා බලන්න. හොඳයි හොඳයි... වියදම් වෙන්නේ රටේ මිනිස්සුන්ගේ බදු මුදල්..
fairoos Sunday, 14 February 2021 09:45 AM
අයියෝ සිරිසේන ඔය විහිළු සපයන එක ඇති. දැන් අපිට අලුත් මිස්ටර් බීන් කෙනෙක් ඉන්නවානේ...
සිරි Sunday, 14 February 2021 09:46 AM
"අයියෝ සිරිසේන" ටයිටස් තොටවත්ත මහත්තයාගේ " සිහසුන" චිත්‍රපටයේ හියුගෝ ප්‍රනාන්දු මහතා කියන දෙබස් කාණ්ඩයක් මතක් වුණා..
සිරිබිරිස් Sunday, 14 February 2021 09:55 AM
ආපහු පනින්න වගේ...
මහේෂ් Sunday, 14 February 2021 09:57 AM
දැන් කැලෑ ගස් වලට වැඳ වැඳ යනවා.
ධම්ම Sunday, 14 February 2021 09:58 AM
"මගේ මතකය අනුව මම ජනාධිපති සමයේ ලැබුණු මුල් සැලැස්මේ මේ ගස මග අරින සැලැස්මක් තිබුණු බව මතකයි." කාලෙකින් හිටපු ජනපතිවරයාගේ මතය අවධිවෙලා!
මොහාන් Sunday, 14 February 2021 10:03 AM
සිලනිකා ගස සම්බන්ධ වාර්තාවක් ඔබ අතට එදා නොලැබුණේ මන්ද කියා සොයා බැලුවා නම් මෙහෙම ගැටලුවක් අද ඇති නොවෙන්නට තිබුණා. හැමදෙයක්ම ප්‍රමාද වී දැන ගැනීම හොඳ දෙයක් නොවේ.
yohan Sunday, 14 February 2021 10:17 AM
ඉන්නකම් රට කෑවා. නොහැකියාව, නොසැලකිලිමත්කම නිසා සිය ගණන් මිනිස්සු බෝම්බ වැදිලා මැරුණා. දුර්වල කොන්ද පණ නැති නෝන්ජල්කම නිසා රට ගොඩගන්න තිබුණු අවස්ථාව නැතිව ගියා. රටට, ජාතියට මේ යකාගෙන් වුණු හානිය අපමණයි. දැන් ඇවිල්ලා ගහක් බේරාගන්න. කෝටි ගාණක් වටිනා රජයේ දේපළ වූ ගෙවල් දෙකක් එකට යා කරලා අරගෙනනේ ගියේ ජනාධිපතිකම ඉවර වෙලා යද්දී. රටට කෙලවලා, කෝටි ගාණක් දේපලත් අරන් ගියේ හරියට ලොකු සේවයක් කරා වගේ. දැන් ඇවිල්ලා ගහක් බේරගන්න.
shan Sunday, 14 February 2021 10:24 AM
අපේ ගෙදරත් තණකොළ ගහක් තියෙනවා. පුළුවන් නම් ඇවිල්ලා බලලා යන්න.
machan Sunday, 14 February 2021 10:29 AM
නියම අන්දරේ...! බලන්නකෝ වැඳගෙන ඉන්න හැටි ගහට. රටේ ජනතාව ඡන්දෙන් ජනාධිපති ලෙස තෝරා පත් කළා කිව්වාමත් ලැජ්ජයි...
gune Sunday, 14 February 2021 10:30 AM
ලංකාවේ හිටපු ජනාධිපතිවරයෙක් නේද?
gamini senevirathna Sunday, 14 February 2021 11:52 AM
පාස්කු ප්‍රහාරයේ වගකීම කවුද ගන්නේ? ගහේ වගවීම පරිසර වේදීන් බලාගනීවි...
Prabha Sunday, 14 February 2021 12:03 PM
වඳින්නේ පුරුද්දටද? නැතිනම් ගහ ශාසනේට ඇතුළු කළ නිසාද?
Lanka Sunday, 14 February 2021 12:08 PM
කුමන අඩුපාඩු තිබුණත්, පරිසරයට අවංකවම ආදරය කරන අයෙකු බව මුලු රටම දන්නා කරුණක්...
ranil Sunday, 14 February 2021 12:19 PM
ගසක් පවතිනවා ඇත්තේ තවත් අවුරුදු කිහිපයක් විය හැකියි. ඒත් අධිවේගී මාර්ගයක් සියවස් ගණනාවක් රටට, ජනතාවට සේවය සලසනු ඇත. එබැවින් හැඟීම් වලට වහල් නොවී මේ ගස වෙනත් තැනකට ගෙන යා හැකි නම් ඒ පිළිබඳව අවධානය යොමු කරන්න.
සිරිබිරිස් Sunday, 14 February 2021 12:36 PM
මෙයා, මේ පාර නටන්න යන නාඩගම මොකක්ද?
විජිත් Sunday, 14 February 2021 12:38 PM
සිරිසේන මහත්මයා ජනධිපති ලෙස රටට, සමාජයට " ඇඟට දැනෙන" දෙයක් නොකළ බව අදත් මම පැහැදිලිවම ප්‍රකාශ කරනවා. එදා රෑ ඡන්ද ජයග්‍රහණයෙන් පසු.. වටිනා මැණික් වගයකුත් රැගෙන රටින් පැනගිය මල්වානේ 10% හොරා ඇතුළු පවුලට විරුද්ධව ක්ෂණිකව නඩු අසා, දඬුවම් කළානම්.. අද රට මෙවැනි අර්බුද රැසකට නොයන්න තිබුණා. මෙවැනි අවදානම් අර්බුදයකට රට යොමු කිරීම ගැන මෛත්‍රීපාලටත්, රනිල්ටත් කිසිම සමාවක් දිය යුතු නැත. හැබැයි... මේ ගස පත්වී ඇති තත්වය බැලීමට සිරිසේන මහතා පැමිණීම වගේම එයට වැඳ ආචාර දැක්වීම ඉතාම අගනා ආදර්ශයක් ලෙස දකිමි. ඒ කිසියම් ආගමික දෘෂ්ටියකින් නොව සාමාජික හා විද්‍යාත්මක කෝණයකින් මම ඒ දෙස බලන නිසයි. ගස් කොලන් කියන්නේ අපිව ජීවත් කරන දේවතාවන් වැනි උතුම්ම ජීවින් කොටසක්. ඒ අය පරිසරයේ ඇති කාබන්ඩයොක්සයිඩ් උපයෝගී කරගෙන ප්‍රභාසංශ්ලේෂණයෙන් ඒ අයගේ ආහාර සාදාගන්නා අතරම අපිට ජීවත්වෙන්නට අත්‍යාවශ්‍යම ඔක්සිජන් වායුව පරිසරයට ලබාදීම නොවෙන්නට මිහිපිට ජීවින් නොමැති හිස් බිමක් පමණක් වෙන්න තිබුණා. ඉතින්... එවැනි උතුම් මෙහෙවරක් කරන ගසකට වැඳීම මොනතරම් ආදර්ශයක්ද? අපිට පරිසරය ගැන ගැඹුරින් සිතන්නට කාලය ඇවිත්..
wicky Sunday, 14 February 2021 12:53 PM
මෙන්න ඒ ගහට වඳිනවා. අනේ අම්මපා. වඳින්නකෝ කොස් ගහකට... අපේ ජාතික වෘක්ෂය කොස් ගහ වෙන්න ඕනෑ.
විජිත් Monday, 15 February 2021 11:46 AM
හොඳ අදහසක්...!!! එ්ත්, හැමදාම වගේ අපි ප්‍රමාදයි. කොස්ගස බංගලි කාරයින් අයිති කරගත්තා. එය සිදුවුනේ අපේ රටේ සිටින පණ්ඩිත, උගත් මෝඩයින් නිසයි. ඔවුන්ගේ කම්මැලිකම නිසයි.
Bamunuarachchi Sunday, 14 February 2021 02:49 PM
මිනිස්සු ගස්ගල් වලට වඳින යුගය පසුකරලා බොහොම කල්... මොකක්ද මේ කරන විකාරය?
BamunuarachchiWednesday, 17 February 2021 01:46 PM
මෙහෙව් අය තමයි අපේ ජනාධිපතිලා වෙලා හිටියේ. ඉතින් රටකට හරියාවිද?
gamunu Sunday, 14 February 2021 03:13 PM
ගස සමීපයටම ගිය හිටපු ජනාධිපතිවරයා ගසට ගෞරව ආචාර පමණක ප්‍රමාණවත් නොවේ. කළයුතු වන්නේ දුර්ලභ ගසක්, වටිනා සම්පතක් වන මේ ගස අවට ඉවත් කොට ඇති පස් සියල්ල එම ගස වටා නැවත පුරවා දැමීම ඉතාම ඉක්මණින් කළයුතු වන්නකි. එම පිරවීමේදී එය එ් අාකාරයෙන්ම සිදුවනවාද කියා සහ සුදුසු පස්ද යොදාගන්නේද කියා සොයාබැලීම සුදුසු වේ. හිටපු ජනාධිපතිවරයා ගසට ගෞරව ආචාරය පුද කිරීමෙන් නොනැවතී එම ගස සහ පරිසරය වෙනුවෙන් තම ජීවිතය සහ රැකියාව පවා අවදානමකට ලක්කොට සටන් කළ දේවානි ජයතිලකටත් බැලීමට ගියේද හෝ අඩුම වශයෙන් දුරකථන ඇමතුමක් හෝ ලබා දුන්නේද?
සිරා Sunday, 14 February 2021 05:01 PM
අර කිරි ඇල්ල මහත්තයා කිව්වේ නම් එයාලගේ ආණ්ඩුවෙන් මධ්‍යම අධිවේගී මාර්ගය 2/3 ඉවර කළා කියලා නේද? ඔබතුමා ඒ කාලේ මේක දැක්කේ නැතෙයි? මොකද ඔය ගහ ඔතනට අද ඊයේ පාත් වුනේ නෑනේ...
chandima Sunday, 14 February 2021 11:15 PM
වැඳගෙන ප්‍රාර්ථනා කරන්නේ ‘‘ අනේ වෘක්ෂ දේවතාවුනේ, මේ පිනෙන්වත් මට කරන ඇනුම් බැනුම් නවත්වා..., නැවතත් ජනාධිපති තනතුර ලබාගැනීමට උපකාර වේවා..‘‘ කියලලු.
Senarath Monday, 15 February 2021 03:23 AM
පත්තරෙන් දැකලා වෙන්න ඇති බලන්න යන්න ඇත්තේ.. හොඳටම දැනගෙනත්, මිනිස්සු 300ක් විතර මැරෙනකම් හිටියා. දැන් රඟපානවා මිනිස්සුන්ගෙන් අනුකම්පාව දිනාගන්න.
sampath Monday, 15 February 2021 07:00 PM
ලැබුණු සුවිශේෂී අවස්ථාව මගහැරගත් කෙනෙක් නිර්පාක්ෂිකව ඉතිහාසයේ පත්වුණ එකම ජනාධිපතිවරයා. ඔහු පසුව පක්ෂයක නායකකමක් බදාගෙන නිර්පාක්ෂික භාවය නැතිකරන් කාලය අපතේ යැව්වා. කෙසේවුවත් හොඳ දක්ෂ මිනිස්සු නෙවෙයි ළංකරන් හිටියේ. හැමෝටම අන්තිමට වෙන්නේ මේක තමයි.