(ශාන්ත ප්‍රදීප් කුමාර කුලරත්න)

දිවයිනේ විවිධ ප්‍රදේශවල පුද්ගලයන් හා මිතුරු වී ඔවුන් හා එක්ව ගන්නා ආහාර පානවලට කිසියම් පෙති වර්ගයක් කලවම් කොට සිහි මුර්ජා වීමට සළස්වා ඔවුන් සන්තයේ ඇති රන් භාණ්ඩ , මුදල් හා දේපල කොල්ලකෑමට පුරුදුව සිටි රජයේ මුද්‍රණ දෙපාර්තමේන්තුවේ කර්යාල කාර්ය සහායකයකු හා ඔහුගේ අනියම් බිරිය අත් අඩංගුවට ගත් බව බස්නාහිර පළාත දකුණ අපරාධ කොට්ඨාසය පවසයි.

ඒ සමග සිහි මුර්ජා කිරීමට භාවිතා කළ හදුනා නොගත් මත් පෙති 15, ත්‍රීරෝද රථයක්, ජංගම දුරකථන හතරක්, රුපියල් ලක්ෂ 27 වටිනා රන් භාණ්ඩ තොගයක් භාරයට ගත් බව පොලීසිය කියයි.

සැකකාර කාන්තාව රාජගිරිය ප්‍රදේශයේ පුද්ගලයකු හා මිතුරු වී ඔහුව ඔබේසේකර පුර ප්‍රදේශයේ ලැගුම් හලකට රැගෙන ගොස් බීම බෝතල් දෙකක් ගෙන්වාගෙන ඉන් එක් බෝතලයකට මත් පෙති දමා ඔහුගේ සිහි මුර්ජා කොට පවුම් 08 වටිනා රන්මාල දෙකක් හා ජංගම දුරකථන දෙකක් සොරාගෙන පලාගොස් තිබුණී.

පසුව මෙම කාන්තාව වෙළඳ සලට ගොස් යළි එන බව හෝටලයට පවසා පලා ගොස් තිබූ අතර දිනය අවසාන වන තෙක් ඇය නොපැමිණීම හේතුවෙන් ලැගුම්හල් සේවකයින් කාමරය පරීක්ෂා කිරීමේදී පුද්ගලයකු සිහි මුර්ජා වී සිටිනු දැක තිබේ.

පසුව මේ බව පොලිසිය දැනුවත් කිරීමෙන් පසුව ප්‍රතිකාර සදහා ඔහු රෝහල් ගත කළ අතර පියවි සිහියට පැමිණ ඇත්තේ දින තුනකට පසුව බව පොලීසිය කියයි.