(සුරංග රාජනායක, ගයාන් සූරියආරච්චි, ජේ.ඒ.එල්. ජයසිංහ, ධම්මික ගුණවර්ධන, සහ ෂේන් සෙනෙවිරත්න)
මහනුවර හන්තාන කන්ද පෙරේදා (2) තරණය කරමින් සිටියදී අතරමංව සිටි රාගම වෛද්ය පීඨයේ සිසු සිසුවියන් 180 දෙනකු සහ පේරාදෙණිය විශ්වවිද්යාලයේ සිසුන් දෙදෙනකු පැය දහයක පමණ මෙහෙයුමකින් අනතුරුව මුදවා ගැනීමට හැකිවූ බව මහනුවර මූලස්ථාන පොලිසිය සහ මහනුවර 111 වැනි යුද හමුදා බලසේනාංකය පවසයි.
මුදවා ගත් සිසුන් අතරින් එක් සිසුවකු සහ සිසුවියන් 2 දෙදෙනකු ගිලන් රථයකින් මහනුවර මහ රෝහල වෙත පිටත් කර යැවීමට යුද හමුදාව සහ පොලිසිය පියවර ගත් අතර සිසුවකු සහ සිසුවියක අසාධ්ය තත්ත්වයෙන් රෝහල්ගත කෙරිණි.
රාගම වෛද්ය පීඨයේ සිසුන් පෙරේදා (2) පෙරවරු 11.00 ට පමණ හන්තාන කන්ද තරණය කිරීම සදහා පිටත්ව ගෙස් තිබූ ඇති අතර සවස 5.30 පමණ වන විට මීදුම, අධික සීතල, අඳුර සහ වැස්ස හේතුවෙන් මාර්ගය මග හැරී අතරමංවී සිටි බව පොලිසිය කියයි.
අතරමංව සිටි සිසුන් පිරිසක් විසින් පොලිස් හදිසි ඇමැතුම් අංශයට ලබාදුන් පණිවුඩයක් මත රාත්රී 11.00 ට පමණ පොලිස් කණ්ඩායම් සහ යුද හමුදා භට පිරිස් අතරමංව සිටි සිසුන් සොයා මෙහෙයුම් ආරම්භ කළහ.
අධික වැස්ස හේතුවෙන් හන්තාන කන්ද තරණය කරන මාර්ගය කැඩී ගොස් තිබූ අතර රාත්රී 1.00 ට පමණ තවත් යුද හමුදා කණ්ඩායමක් කැඳවීමට සිදුවිය. පසුව 40 ක ආසන්න යුද හමුදා භට පිරිස් සහ පොලිසිය එක්ව සිසුන් බේරාගැනීමට විශාල පරිශ්රමයක් දැරීමට සිදුවිය.
සිසුන් ගලවාගැනීමේ මෙහෙයුම ඊයේ (3) අලුයම 4.00 පමණ වන තෙක් සිදුවිය. තම දරුවන් දැකගැනීමේ අභිප්රායෙන් විවිධ ප්ර දේශවල සිට මවුපියන් රැසක් හන්තාන කන්ද පාමුලට පැමිණ සිටි අතර ප්ර දේශවාසීහු විශාල පිරිසක් ද එක්රැස්වී සිටියහ.
මධ්යම පළාත් නියෝජ්ය පොලිස්පති මහින්ද දිසානායක සහ මහනුවර 111 වන බලසේනාධිපති බ්රිගේඩියර් සාලිය ඩයස් යන මහත්වරුන්ගේ උපදෙස් පරිදි සිසුන් මුදවාගැනීමේ මෙහෙයුම් ක්රියාත්මක විය.
දේශගුණික විපර්යාස වල තීව්ර වන බලපෑම් මඟින් අවදානමට ලක්විය හැකි ශ්රී ලංකාවේ සහ ඉන්දියාවේ ප්රජාවගේ ඔරොත්තු දීමේ හැකියාව ශක්තිමත් කිරීම සඳහා වන කලාප
මීට දින කීපයකට, පසුගිය ඔක්තෝබර් 5 වැනිදා රාත්රී 10.45 ට පමණ, ඉරානය රික්ටර් මාපකයේ 4.6 ක් ප්රබල භූමි කම්පාවකින් දෙදරා ගියේය.
කතරගම රජමාවත පදිංචි විශ්රාමලත් ග්රාම නිලධාරීවරයෙක් ඔහුගේ නිවසේ උඩු මහලේ කාමරය තුලදී හිසට වෙඩි වැදී මියගොස් ඇති බවට පවුලේ සාමාජිකයින් ගෙන් ලැබුණු
ශ්රී ලංකාව හා රුසියාව අතර රේගු කටයුතු සම්බන්ධිත සහයෝගීතාවය හා අන්යෝන්ය පරිපාලන සහාය ලබා ගැනීම පිළිබඳ ගිවිසුම අත්සන් කිරීම සඳහා කැබිනට් අනුමැතිය ල
මීට වසරකට පෙර, 2023 ඔක්තෝබර් 7 වැනිදා, ගාසා තීරයේ හමාස් සටන්කාමීන්, ඊශ්රායලයට කඩා වැදී, පහර දී ප්රාණ ඇපකරුවන් ලෙස ගාසා තීරයට රැගෙන ගිය ඊශ්රායල වැසියන් 251
කියුබානු විප්ලවවාදියකු වන අර්නස්ට් චේ ගුවේරා ගේ 57 වන අනුස්මරණ නිමිත්තෙන් වූ සැමරුම් වැඩසටහන මෙරට කියුබානු තානාපති ඇන්ඩෙරේස් මර්චෙලෝ මහතාගේ ප්රධාන
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
හන්තානේ අතරමං වූ සරසවි සිසුහු සොයා ගැනෙති
Pradeep Sunday, 03 December 2023 09:52 AM
මේ වෙනුවෙන් වැය වූ කාලයට, ශ්රමයට අදාලව වටිනාකමක් මේ විශ්ව විද්යාල සිසුන්ගෙන් අයකර ගත යුතුමයි.
NimalSunday, 03 December 2023 12:17 PM
ඒ විදිහට ගත්තොත් රජයේ රෝහල්වලට එන හැම ලෙඩෙක්ගෙනුත් සල්ලි අයකරගත යුතුයි. මොකද කවුරුත් හිතලා ලෙඩ වෙන්නේ නෑ. කරදරේ වැටෙන්නේ නෑ. අනතුරුවලට හිතලා පත්වෙන්නේ නැහැ. තමන්ට හන්තානේ යන්න බැරිවුණු එකට ගිය අයට ඊර්ෂයා කරන්න එපා...
ajith Sunday, 03 December 2023 03:14 PM
මොලේ කලඳක් තියෙන කෙනෙක් මේ තරම් වහින කාලේ හන්තාන නගිනවාද?
Asela Sunday, 03 December 2023 04:18 PM
ඔබ හිතන්නේ ඔබට මොලේ කලං කීයක් තියෙනවා කියලාද?
මැක්ස් Sunday, 03 December 2023 03:42 PM
විවි සිසුන් විසින් නිරන්තරයෙන් "අට සමතුන්" යැයි සමච්චලයට ලක්කරන ආරක්ෂක හමුදාවේ සහය ඔවුන්ටම අවශ්ය වීම දෛවෝපගතයි.
නිහාල් Sunday, 03 December 2023 05:11 PM
ඇමේසන් වගේම හන්තානත් විශාලයි...
nisal Sunday, 03 December 2023 08:06 PM
GOMA නඩය විසින් ප්රතික්ෂේප කරපු 1990 සුවසැරියේම පොඩි GOMA ලට යන්න වුණු එකනම් ශෝක්. දැන් අවුලක් නැද්ද දන්නේ නෑ...
primeshika Sunday, 03 December 2023 09:00 PM
මොවුන්ගේ කොහේවත් තියෙන අමාරුවකට ගිහිල්ලා අතරමං වුණාම ජනතාවගේ බදුමුදල් නාස්ති කිරීම සාධාරණද?